Namiq Abdullayev (nasir)

Vikipediya, açıq ensiklopediya
Jump to navigation Jump to search
Namiq Abdullayev
Namiq Ələkbər oğlu Abdullayev
Doğum tarixi 3 mart 1928(1928-03-03)
Doğum yeri Dərə Zarat, Siyəzən rayonu
Vəfatı 22 sentyabr 1992 (64 yaşında)
Təhsili
Fəaliyyəti yazıçı

Abdullayev Namiq Ələkbər oğlu — nasir, 1988-ci ildən Azərbaycan Yazıçılar Birliyinin üzvü.

Həyatı[redaktə | əsas redaktə]

Namiq Abdullayev 1928-ci il martın 3-də Siyəzən rayonunun Dərə Zarat kəndində anadan olmuşdur[1]. Orta məktəbi Siyəzən rayonunun Xişkədar kəndində qurtarmışdır (1947).

Azərbaycan Dövlət Pedaqoji Xarici Dillər İnstitutunun ingilis dili fakültəsində təhsilini davam etdirmişdir (1948-1952). Siyəzən şəhərindəki C.Cabbarlı adına məktəbdə ingilis dili müəllimi olmuşdur (1952-1960). Bakıda Uşaq və Gənclər nəşriyyatında redaktor (1960-1961), Azərbaycan Dövlət Televiziya və Radio Verilişləri Şirkətində məsul buraxıcı, redaktor, böyük redaktor, baş redaktor vəzifələrində çalışmış (1961-1988), təqaüdə çıxmış, yaradıcılıqla məşğul olmuşdur.

Yaradıcılığı[redaktə | əsas redaktə]

Ədəbi fəaliyyətə 50-ci illərdən başlamışdır. Onun fantastik hekayələri, povest və nağılları "Göyərçin", "Pioner" jurnallarında, "Azərbaycan pioneri", "Ədəbiyyat və incəsənət" qəzetlərində çap edilmişdir. "Tərs gün" və "Giberlandiya" pyesləri Sumqayıt, Lənkəran və Şəki Dövlət Dram teatrlarında tamaşaya qoyulmuşdur (1987). "Sehirli oğlan" (1960), "İtirilmiş dünya" (1962), "Balaca Kiberin macəraları" (1966), "Gecələr uzanaydı" (1980), "Piyada vəzirə çevrilir" (1987) kitabları kütləvi tirajla nəşr olunmuşdur.

Namiq Abdullayev 1992-ci il sentyabrın 22-də vəfat etmişdir.

Kitabları[redaktə | əsas redaktə]

  • Sehirli oğlan. (1960)
  • İtirilmiş dünya. (1962)
  • Balaca Kiberin macəraları. (1966)
  • Gecələr uzanaydı. (1980)
  • Piyada vəzirə çevrilir. (1987)

İstinadlar[redaktə | əsas redaktə]