Namiq Aslanov

Namiq Aslanov
Aslanov Namiq İkram oğlu
Şəxsi məlumatlar
Doğum tarixi	5 fevral 1965(1965-02-05)
Doğum yeri	Sığırlı, Kürdəmir rayonu, Azərbaycan SSR, SSRİ
Vəfat tarixi	30 aprel 2022(2022-04-30) (57 yaşında)
Vəfat yeri	Bakı, Azərbaycan
Vəfat səbəbi	Xəstəliklə əlaqədar
Dəfn yeri	Fatmayı
Vətəndaşlığı	SSRİ  Azərbaycan
Milliyyəti	Azərbaycan
Hərbi fəaliyyəti
Mənsubiyyəti	Daxili İşlər Nazirliyi
Xidmət illəri	1985-2022
Rütbə	Polkovnik
Təltifləri

Aslanov Namiq İkram oğlu (5 fevral 1965, Sığırlı, Kürdəmir rayonu – 30 aprel 2022, Bakı) — "Qüsursuz xidmətə görə" medalının I, II və III dərəcələri ilə ilə təltif olunmuş polis polkovniki, Azərbaycan Respublikası Daxili Təhqiqatlar İdarəsinin Təşkilati-analitik bölməsinin baş inspektoru.

Həyatı

Aslanov Namiq İkram oğlu 1965-ci ildə fevral ayının 5-də Kürdəmir rayon Sığırlı kəndində anadan olmuşdur. 1971–1981-ci illərdə Kürdəmir rayon Sığırlı kəndi tam orta məktəbində təhsil almışdır. 1983–1985-ci illərdə Sovet Ordusunda həqiqi hərbi xidmət keçmişdir. 30 aprel 2022-ci ildə vaxtsız vəfat etmişdir. Ailəli idi. İki oğlu var.

Fəaliyyəti

• 1985-ci ildə Polis (keçmiş milis) orqanlarında işə başlamış və 1988-ci ilə qədər Bakıda DİN-nin Mühüm Dövlət Obyektlərinin Mühafizəsi İdarəsində sıravi polis əməkdaşı olmuşdur.
• 1988–1992-ci illərdə SSRİ DİN-nin Volqoqrad Ali İstintaq Məktəbində (indiki Rusiya Federasiyasi DİN-nin Volqoqrad Akademiyası) ali hüquq təhsil almışdır. Ali təhsilini fərqlənmə diplomu ilə bitirmişdir.
• 1992–2002-ci illərdə Azərbaycan Respublikası Ağdam rayon Polis İdarəsində müstəntiq vəzifəsində çalışmışdır.
• Müxtəlif vaxtlarda Daxili İşlər Nazirliyində və Sumqayıt şəhər Polis İdarəsində Mühüm işlər üzrə təşkil olunmuş istintaq-tədqiqat qruplarına cəlb olunmuşdur.
• 18 sentyabr 2002-ci il tarixindən Zaqatala rayon Polis Şöbəsində təhqiqat bölməsinin rəisi, Lənkəran şəhər Polis İdarəsinin İstintaq şöbəsinin rəisi, Bakı Şəhər Baş Polis İdarəsinin Nəzarət-əlaqəndirmə şöbəsinin, daha sonra isə Katibliyinin rəisi işləmişdir.
• Son iş yeri Daxili İşlər Nazirliyinin Daxili Təhqiqatlar İdarəsinin Təşkilati-analitik bölməsinin baş inspektoru, polis polkovniki olmuşdur. 2017-ci ilin aprelin 1-ində öz ərizəsi ilə daxili işlər orqanlarından polis polkovniki kimi əmək təqaüdünə çıxmışdır

Təltifləri

• 2007-ci ildə DİN-in "Qüsursuz xidmətə görə" medalının I, II və III dərəcələri ilə;
• 2013-cü ildə DİN-nin "Əla xidmətlərə görə" döş nişan ilə;
• 2016-cı ildə DİN-nin Fəxri Fərmanı ilə təltif edilmişdir.

Xarici keçidlər

• "Daxili işlər orqanlarının pokovniki". https://azxeber.com. İstifadə tarixi: 17 may 2022.
• "Namiq Aslanov- DİN-nin polis polkovniki". qaynarinfo.az. İstifadə tarixi: 17 may 2022.
• "Daxili İşlər Orqanlarında müxtəlif vəzifələrdə çalışmış N.Aslanov". big.az. İstifadə tarixi: 17 may 2022.
• "Müxtəlif vəzifələrdə çalışmış N.Aslanov". sonxeber.az. İstifadə tarixi: 17 may 2022.