Məzmuna keç

Namiq Babayev

Keçid əlavə et
Vikipediya, azad ensiklopediya
(Namiq Babayev (yazıçı) səhifəsindən istiqamətləndirilmişdir)
Namiq Babayev
Doğum tarixi
Doğum yeri Şuşa
Vəfat tarixi (46 yaşında)
Vəfat yeri Şuşa
Təhsili Azərbaycan Dövlət Universiteti
Fəaliyyəti yazıçı, tənqidçi, ədəbiyyatşünas

Namiq Babayev – (8 aprel 1945, Şuşa – 7 sentyabr 1991, Şuşa) yazıçı, tənqidçi, ədəbiyyatşünas, 1988-ci ildən SSRİ Yazıçılar İttifaqının üzvü, alim.[1][2]

Həyatı

[redaktə | vikimətni redaktə et]

Namiq Həsən oğlu Babayev 1945-ci il aprelin 8-də Azərbaycanın Şuşa şəhərində müəllim ailəsində anadan olmuşdur.[3] Orta məktəbi 1963-cü ildə həmin şəhərdə bitirmişdir. Əmək fəaliyyətinə 1963-1964-cü ildə Bakıdakı 2 nömrəli ayaqqabı fabrikində, 2 nömrəli evtikmə kombinatında fəhlə kimi başlamışdır. Sonra 85 nömrəli Bakı Baş Tikinti idarəsində fəhlə (1967-1968), Azərbaycan SSR EA Zoologiya institutunda laborant (1968), Şuşa rayon xalq məhkəməsində dəftərxana katibi (1968-1969), Şuşa şəhər 4 nömrəli orta məktəbdə kargüzar-hesabdar (1970-1974), Azərbaycan dili və ədəbiyyatı müəllimi (1971-1987), eyni zamanda tədris işləri üzrə direktor müavini (1984-1987) və Şuşa rayon xalq maarif şöbəsində məktəblər üzrə inspektor (1981-1984) vəzifələrində çalışmışdır. 1973-cü ildə isə Azərbaycan Dövlət Universiteti filologiya fakültəsinin qiyabi şöbəsini bitirmişdir. 1987-ci ildə Şuşada 2 nömrəli orta internat məktəbin tədris işləri üzrə direktor müavini olmuşdur. Namiq Babayev Şuşa “Qönçələr” ədəbi birliyinin  təşkilatçılarından biri idi.[4]

Ölümü

[redaktə | vikimətni redaktə et]

Namiq Babayev 1991-ci il sentyabrın 7-də Şuşada vəfat etmişdir.[2]

Yaradıcılığı

[redaktə | vikimətni redaktə et]

Namiq Babayev ədəbi fəaliyyətə ötən əsrin 70-ci illərindən başlamışdır. Azərbaycan EA Nizami adına Ədəbiyyat İnstitutunda “Məhəmməd Füzuli və XX əsr Azərbaycan romantizmi” mövzusunda namizədlik dissertasiyası müdafiə edib filologiya elmləri namizədi alimlik dərəcəsinə layiq görülmüşdür.[2] O klassik Azərbaycan ədəbiyyatının tədqiqatçısı kimi tanınmışdır. Bu əsərlə yanaşı bir çox nəşrlərdə çap edilən məqalələri ilə elmi-ədəbi ictimaiyyətin diqqətini cəlb edən Namiq Babayev Füzuli irsinin tədqiq edən alimlərdən biri olmuşdur. Ötən əsrin 70-ci illərin sonu 80-ci illərin əvvəllərində “Azərbaycan” jurnalında işıq üzü görmüş “Füzulinin bir beyti haqqında”, Məhəmməd Hadinin 100 illik yubileyi münasibəti ilə qələmə aldığı “Füzuli məsləkli şairimiz”, “Füzulinin bir arzusu var idi” məqalələri, Füzuli yaradıcılığı ilə yanaşı əruz vəzinin də tədqiqi sahəsində də əhəmiyyətli elmi əsərlərdən sayılır. Onun klassik və müasir Azərbaycan ədəbiyyatının problemləri barədə məqalələri dövri mətbuatda vaxtaşırı dərc olunmuşdur.[5]

1985-ci ildə müdafiə etdiyi namizədlik dissertasiyası klassik poetik ənənələrinin araşdırılması və izlənməsi sahəsində elmi araşdırmadır. Burada əsas diqqət Füzuli yaradıcılığının qırmızı xətlə keçən dünya kədərinin açıqlanmasına və bütün romantiklərin yaradıcılığına göstərdiyi təsirin üzə çıxarılmasına yönəlmişdir. Alim, Füzulidəki dünya kədərinin spesifikasını araşdıraraq, xüsusilə onun nəsr əsərlərində əks olunan estetik görüşlərinə əsaslanmaqla mühüm elmi nəticələr əldə etmişdir. Namiq Babayevin bu əsəri “Füzuli şəminin işığında” adı ilə 1996-cı ildə nəşr edilmişdir.[5][2][4]

Kitabları

[redaktə | vikimətni redaktə et]
  • Füzuli şəminin işığında (1996)

Məqalələri

  • Hüseyn Cavidin "Şeyx Sənan" pyesində vəzn növləri (1982)[6]
  • Romantik məhəbbət meyarı (1983)[7]
  • Füzulişünaslığa tövfə (1987)[8]
  • Füzuli poetikasına yeni baxış (1988)[9]
  • Füzulinin bir beyti haqqında
  • Füzuli məsləkli şairimiz (1979)[10]
  • Füzulinin bir arzusu var idi (1983)[11]
  • Füzuli şeirinin musiqisi (1990)[12]

İstinadlar

[redaktə | vikimətni redaktə et]
  1. ↑ Babayev, 1992. səh. 170
  2. ↑ 1 2 3 4 Əhmədov, 2011. səh. 685
  3. ↑ Qarayev, 1993. səh. 80
  4. ↑ 1 2 Qarayev, 1991. səh. 7
  5. ↑ 1 2 ""Füzuli şəminin işığında"". science.gov.az.
  6. ↑ Babayev, 1982. səh. 39
  7. ↑ Babayev, 1983. səh. 34
  8. ↑ Babayev, 1987. səh. 146
  9. ↑ Babayev, 1988. səh. 27
  10. ↑ Babayev, 1979. səh. 141
  11. ↑ Babayev, 1983. səh. 170
  12. ↑ Babayev, 1990. səh. 177

Ədəbiyyat

[redaktə | vikimətni redaktə et]
  • Əhmədov, Teymur. Azərbaycan yazıçıları (XX-XXI yüzillikdə) (az.). Bakı: Nurlar nəşriyyatı. 2011.
  • Qarayev, Yaşar. "Şuşanın övlad qalası". Ulduz - Ədəbiyyat və incəsənət jurnalı. 319-320: 80–81.
  • Qarayev, Yaşar. "Namiq Həsən oğlu Qarayev". Ədəbiyyat qəzeti. 4 oktyabr 1991. 7.
  • Babayev, Namiq. "Bizim Sorğu". Azərbaycan. 5–6. 1992: 170–171.
  • Babayev, Namiq. "Füzuli şeirinin musiqisi". Azərbaycan. 1990: 177–179. ISSN 0134-3408.
  • Babayev, Namiq. "Füzulinin bir arzusu var idi". Azərbaycan. 10 oktyabr 1983: 170–174.
  • Babayev, Namiq. "Füzuli məsləkli şairimiz". Azərbaycan. 12. 12 dekabr 1979: 141–146.
  • Babayev, Namiq. "Füzuli poetikasına yeni baxış". Azərbaycan SSR ELMLƏR AKADEMİYASININ XƏBƏRLƏRİ. Elm nəşriyyatı. 3. 1988: 27–29.
  • Babayev, Namiq. "Füzulişünaslığa töhfə". Azərbaycan SSR ELMLƏR AKADEMİYASININ XƏBƏRLƏRİ. Elm nəşriyyatı. 2. 1987: 146–147.
  • Babayev, Namiq. "Romantik məhəbbət meyarı". Azərbaycan SSR ELMLƏR AKADEMİYASININ XƏBƏRLƏRİ. Elm nəşriyyatı. 4. 1983: 34–39.
  • Babayev, Namiq. "Hüseyn Cavidin "Şeyx Sənan" pyesində vəzn növləri". Azərbaycan SSR ELMLƏR AKADEMİYASININ XƏBƏRLƏRİ. Elm nəşriyyatı. 1. 1982: 39–43.
Mənbə — "https://az.wikipedia.org/w/index.php?title=Namiq_Babayev&oldid=8301225"