Namiq Mayılov

Vikipediya, açıq ensiklopediya
Jump to navigation Jump to search
Namiq Mayılov
Mayılov Namiq Vaqif oğlu
Namiq Mayılov.jpg
Namiq Mayılov
Doğum tarixi 1975(1975-Şablondakı doğum və ya ölüm tarixində texniki yanlışlıq var!-00)
Doğum yeri Xankəndi, Azərbaycan SSR
Vətəndaşlığı Azərbaycan Azərbaycan
Atası Vaqif
Milliyyəti Azərbaycanlı
Təhsili Bakı Slavyan Universiteti
Fəaliyyəti Region Plus jurnalının baş redaktoru

Namiq Mayılov — Azərbaycan jurnalisti, Region Plus həftəlik analitik juranlının baş redaktoru.

Mayılov Namiq Vaqif oğlu 1975-ci ildə Xankəndi şəhərində, əslən Laçın rayonunun Hacısamlı kəndindən olan Mayılov Vaqif Bəhmən oğlunun ailəsində anadan olub. Orta təhsilini 1982-ci ildə Xankəndi şəhər 3 saylı rus orta məktəbində almağa başlayıb. Ermənistan-Azərbaycan münaqişəsi ilə bağlı 1988-cu ildə ailəsilə birlikdə əvvəlcə Xocalıya, sonra Ağdama, bundan sonra isə Füzuli şəhərinə köçməyə məcbur olub. 1992-ci ildə Füzuli şəhəri 2 saylı orta məktəbini bitirib. Elə həmin il Füzulidə müvəqqəti sığınacaq tapdıqları binaya təyyarə mərmisinin atılması nəticəsində evləri dağılmış Mayılovlar ailəsi Bakı şəhərinə köçmək məcburiyyətində qalıb. Burada M.F. Axundov adına Azərbaycan Pedaqoji Rus Dili və Ədəbiyyatı İnstitutunun (indiki Bakı Slavyan Universiteti) 1 saylı yataqxanasında məskunlaşıblar.

Ailələrinin maddi durumu ağır olduğundan 17 yaşımdan tikintidə çalışmağa başlayıb. Əmək fəaliyyətinə Bakı şəhərindəki tikinti-quraşdırma trestlərindən birində çilingər kimi başlayıb. 1993-1997-ci illərdə Əmanət Bankında gözətçi, inkassator kimi çalışıb.

İşləməklə bərabər 1993-cü ildə M.F. Axundov adına Azərbaycan Pedaqoji Rus Dili və Ədəbiyyatı İnstitutuna (indiki Bakı Slavyan Universiteti) daxil olub, 1997-ci ildə həmin ali məktəbi bitirib. Ali təhsil aldığı illərdə aktiv ictimai fəaliyyətlə məşğul olub, Gənclər, İdman və Turizm Nazirliyinin nümayəndəliyinin sədr müavini olub. Qaçqın və Məcburi Köçkün Gənclər Təşkilatının əsasını qoyanlardan biridir.

1997-1998-ci illərdə hərbi xidmətdə olub və Ermənistan və Azərbaycan qoşunlarının təmas xəttindəki hərbi hissələrin birində xidmət çəkib.

1998-ci ildən jurnalist fəaliyyətinə başlayıb. Müxtəlif qəzetlərlə ştatdankənar əməkdaşlıq edib, 1998-1999-cu illərdə “Bilik Dünyası” informasiya agentliyində muxbir, şöbə müdiri, 1999-2004-cü illərdə isə “Turan” İnformasiya Agentliyinin İqtisadi Məlumatlar Redaksiyasında müxbir kimi çalışıb.

2004-2006-cı illərdə «Azad Azərbaycan» telekanalının Xəbərlər departamentində müxbir, redaktor, direktor müavini vəzifəsində çalışıb, 2005-ci il parlament seçkiləri ilə bağlı yaradılmış “Namizədlə söhbət” televiziya verilişinin rəhbəri və aparıcısı olub. Dövlət, sənət və iş adamları, ölkə və hökumət başçıları ilə çoxsaylı müsahibələrin müəllifidir.

2006-cı ildən “Region Plus” jurnalında çalışır və həmin jurnalın baş redaktorudur.

2013-cü ildə Azərbaycan Respublikasının Prezidenti İlham Əliyevin sərəncamı ilə jurnalistlər üçün tikilmiş binada mənzillə mükafatlandırılıb.

Ailəlidir, iki övladı var.

Mənbə[redaktə | əsas redaktə]