Naotake Sato

Vikipediya, azad ensiklopediya
Jump to navigation Jump to search
Naotake Sato
yap. 佐藤尚武
Naotake Sato.jpg
bayraqYaponiyanın 30-cu Xarici İşlər Naziribayraq
3 mart 1937 — 4 iyun 1937
Baş nazir Sencuro Hayaşi
Sələfi Sencuro Hayaşi
Xələfi Koki Hirota
Şəxsi məlumatlar
Doğum tarixi 30 oktyabr 1882(1882-10-30)[1]
Doğum yeri
Vəfat tarixi 18 dekabr 1971(1971-12-18)[1] (89 yaşında)
Vəfat yeri

Təltifləri Order of the Rising Sun with Paulownia Flowers, 1st class 1-ci dərəcəli "Doğan günəş" ordeni
Vikianbarın loqosu Vikianbarda əlaqəli mediafayllar

Naotake Sato (佐藤 尚武 Sato Naotake?, 30 oktyabr 1882[1], Osaka18 dekabr 1971[1], Yaponiya)Yaponiya diplomatısiyasətçisi. 1937-ci ildə Yaponiyanın Xarici İşlər Naziri vəzifəsini yerinə yetirmişdir.

Karyerası[redaktə | mənbəni redaktə et]

1882-ci ildə Yaponiyanın Osaka şəhərində doğulmuş, Tokio Ali Kommersiya Məktəbindən[a] məzun olmuşdur.[2] 1905-ci ildə Xarici İşlər Nazirliyinə daxil olmuşdur.[2] Rusiya, Mancuriya, İsveçrəFransada konsul vəzifələri tutduqdan sonra 1923-cü ildə Polşaya göndərilmişdir.[2] Yaponiyanı bir neçə beynəlxalq konfransda, eləcə də, Millətlər Liqası tərəfindən 1932-ci ildə keçirilmiş silahsızlaşdırma konfransında təmsil etmiş, daha sonra Belçika və Fransaya səfir kimi göndərilmişdir.[2]

1937-ci ildə Sencuro Hayaşinin kabinetində xarici işlər naziri vəzifəsi tutmuşdur.[2] Sato bu vəzifəyə təyin olunanda müharibəyə qarşı olmağı, Çinə bərabər davranmağı, SSRİ ilə hərbi qarşı-durmadan yayınmağı və Böyük Britaniyaya yaxınlaşmağı hədəfləmişdi.[2] Lakin Hayaşi kabineti 4 ay sonra fəaliyyətini dayandırmış, yeni xarici işlər naziri Koki Hirota aqressiv siyasət yürütməyə başlamışdır.[2]

1942-ci ildə Sato SSRİ-yə səfir təyin olunmuşdur.[2] Yaponiyanın İkinci dünya müharibəsindəki vəziyyəti pisləşəndən sonra xarici işlər naziri Şiqenori Toqonun göstərişi ilə SSRİ-ni vasitəçi qismində Müttəfiqlərlə müzakirə aparmaq üçün razı salmağa çalışmışdır.[2] O, şəxsən Tokioya teleqram göndərərək Potsdam bəyannaməsində qeyd olunduğu kimi hökuməti təslim olmaq barədə xəbərdarlıq etmişdir.[2]

Müharibədən sonra keçirilmiş ilk parlament seçkilərində (1947) Müşavirlər palatasına seçilmişdir.[2] 1954-58-ci illərdə palatanın sədri olmuş, 1965-ci ildə siyasəti buraxmışdır.[2] 1963-cü ildə "Keçən 80 ili xatırlamaq"[b] adlı memuarı nəşr olunmuşdur.[2]

Qeydlər[redaktə | mənbəni redaktə et]

  1. Hazırda Hitotsubaşi Universiteti.
  2. Orijinal adı "Kayko haçicunen".

İstinadlar[redaktə | mənbəni redaktə et]

  1. 1 2 3 4 Bibliothèque nationale de France Naotake Satō // BnF identifikatoru (fr.): açıq məlumat platforması. 2011.
  2. 1 2 3 4 5 6 7 8 9 10 11 12 13 Kodansha Encyclopedia of Japan

Ədəbiyyat[redaktə | mənbəni redaktə et]

  • Kodansha Encyclopedia of Japan (ingiliscə). VII cild. Tokio: Kodansha. 1983. səh. 28. ISBN 0-87011-627-4. İstifadə tarixi: 5 avqust 2022.