Nasir Mustafazadə

Vikipediya, azad ensiklopediya
Jump to navigation Jump to search
Nasir Mustafazadə
Nasir Nadir oğlu Mustafazadə
Nasir Mustafazade.jpg
“Azəri Servis LTD” Məhdud Məsuliyyətli Cəmiyyətinin direktoru
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili Azərbaycan İnşaat Mühəndisləri İnstitutu
İxtisası İqtisadçı-mühəndis
Doğum tarixi 10 may 1958 (1958-05-10) (61 yaş)
Doğum yeri SSRİ SSRİ
Azərbaycan Azərbaycan SSR,
Şəki şəhəri
Vətəndaşlığı Azərbaycan Azərbaycan
Mükafatları "Tərəqqi" medalı
Əməkdar Mühəndis

Mustafazadə Nasir Nadir oğlu — “Azəri Servis LTD” MMC-nin direktoru, Əməkdar Mühəndis.

Həyatı[redaktə | əsas redaktə]

Mustafazadə Nasir Nadir oğlu 10 may 1958-ci ildə Şəki şəhərində anadan olmuşdur. 1975-ci ildə Şəkidəki 12 nömrəli orta məktəbi fərqlənmə attestatı ilə bitirmişdir. 1980-ci ildə Azərbaycan İnşaat Mühəndisləri İnstitutunun tikintinin iqtisadiyyatı və təşkili şöbəsini bitirib. İxtisasca iqtisadçı-mühəndisdir.

N.N. Mustafazadə ilk əmək fəaliyyətinə 1980-ci ildə təyinatla Baş Kolxozlararası Tikinti İdarəsinin Şəkidəki 7 nömrəli tikinti trestində başlamış və həmin trestdə 1983-cü ilə kimi böyük mühəndis vəzifəsində çalışmışdır. 1981-1982-ci illərdə Sovet Ordusu sıralarında xidmət etmişdir.

O, 1983-1987-ci illərdə Şəkidə yenicə yaranmış Könüllü Yanğından Mühafizə Cəmiyyətinin sədri, 1987-ci ildən Şəki şəhər Abadlıq Kombinatının direktoru, 1988-ci ildə seçki yolu ilə Şəki Kommunal Təsərrüfatı Birliyinin baş direktoru, 1991-ci ildən 2004-cü ilin iyun ayına kimi isə “Azərkəndsutəchizatı” Dövlət Konserninin 16 nömrəli Mexanikləşdirilmiş Səyyar Dəstəsinin rəisi olmuşdur.

N.N. Mustafazadə 2000-ci ilin fevral ayında “Azəri Servis LTD” Məhdud Məsuliyyətli Cəmiyyətini təsis etmiş və artıq 19-cu ildir ki, bu kollektivə rəhbərlik edir.

Yeni Azərbaycan Partiyasının üzvüdür.

Mükafatları[redaktə | əsas redaktə]

Azərbaycan Respublikasında inşaat sahəsi işçilərinin təltif edilməsi haqqında Azərbaycan Respublikası Prezidentinin 10 aprel 2014-cü il tarixli Sərəncamı ilə Azərbaycan Respublikasında inşaat sahəsində səmərəli fəaliyyətinə görə Mustafazadə Nasir Nadir oğlu “Tərəqqi” medalı ilə təltif edilmişdir.[1].

10 aprel 2017-ci il tarixdə Mustafazadə Nasir Nadir oğlu Azərbaycan Respublikasında tikinti kompleksinin inkişafında xidmətlərinə görə “Əməkdar Mühəndis” fəxri adı ilə təltif edilmişdir[2].

Ailəsi[redaktə | əsas redaktə]

Ailəlidir, üç övladı, üç nəvəsi var.

İstinadlar[redaktə | əsas redaktə]

Vikianbarda Nasir Mustafazadə ilə əlaqəli mediafayllar var.

  1. "Azərbaycan Respublikasında inşaat sahəsi işçilərinin təltif edilməsi haqqında Azərbaycan Respublikası Prezidentinin 10 aprel 2014-cü il tarixli, 371 nömrəli Sərəncamı". e-qanun.az (azərb.). 10 aprel 2014. İstifadə tarixi: 12 noyabr 2019.
  2. "İnşaat işçilərinə "Əməkdar Mühəndis" fəxri adının verilməsi haqqında Azərbaycan Respublikası Prezidentinin 10 aprel 2017-ci il tarixli Sərəncamı". e-qanun.az (azərb.). 10 aprel 2017. İstifadə tarixi: 12 noyabr 2019.