Məzmuna keç

Nataliya Buçinskaya

Vikipediya, azad ensiklopediya
Nataliya Buçinskaya
ukr. Наталія Любомирівна Бучинська
Ümumi məlumatlar
Doğum tarixi 28 aprel 1977(1977-04-28) (49 yaş)
Doğum yeri
Vətəndaşlığı Ukrayna Ukrayna
Musiqiçi məlumatları
Fəaliyyəti müğənni
Fəaliyyət illəri 1995-hal-hazırda
Janrlar pop-musiqisi
etnik musiqisi
xalq musiqisi
Mükafatları Ukraynanın xalq artisti Ukraynanın əməkdar artisti
buchynska.com/index.php?…
Vikianbarın loqosu Vikianbarda əlaqəli mediafayllar

Nataliya Buçinskaya (ukr. Наталія Любомирівна Бучинська; 28 aprel 1977, Lvov) — Ukraynalı müğənni, Ukraynanın xalq artisti (2004).[1]

Erkən həyatı və təhsili

[redaktə | vikimətni redaktə et]

Nataliya Buçinska 28 aprel 1977-ci ildə Ukraynanın Lvov şəhərində anadan olub.[2] Atası stomatoloq, anası isə əmtəəşünas olub. Valideynləri musiqiçi olmasalar da, onların ailəsində musiqi sevilib. Elə bu səbəbdən də Nataliyada musiqiyə və Ukrayna mahnılarına sevgi yaranmışdı.

Buçinska ilk çıxışlarını, uşaqlıq illərində evdə ailəsi və dostları üçün edirdi. Onun beş yaşı olanda ailəsi Ternopol şəhərinə köçür. Məktəb xorunda oxuyan, həftədə üç dəfə vokal dərslərinə gedən gənc qız istedadını erkən yaşlarından inkişaf etdirir. On birinci sinfə qədər "Berezil" Ternopil Mədəniyyət Mərkəzində çıxış edən bədii kollektivin üzvü olur. 1994-cü ildə Ternopol İvan Franko adına orta məktəbi bitirir.

Buçinska musiqi karyerası qurmaq istəsə də, Ternopolda həm təhsil almaq, həm də ifaçılıqla məşğul olmaq mümkün deyildi.

Buna görə də o, Ternopol Milli İqtisadiyyat Akademiyasına (indiki Milli İqtisad Universiteti) daxil olaraq "audit və nəzarət" ixtisası üzrə 1998-ci ildə məzun olur. 2003-cü ildə Ukrayna Milli Daxili İşlər Akademiyasını bitirir. 2005-ci ildə isə Kiyev Milli Mədəniyyət və İncəsənət Universitetində "bədii rəhbər" ixtisası üzrə təhsilini tamamlayır.

Ailəsi

[redaktə | vikimətni redaktə et]

2001-ci ildə hərbçi Oleksandr Yakuşevlə ailə həyatı quran Nataliya Buçinskayanın 2002-ci ildə Katerına adlı qız övladı dünyaya gəlmişdir.

Musiqi ansamblının solisti kimi Buçinskaya daxili xidmət leytenantı xüsusi rütbəsinə layiq görülmüşdür. Ukrayna xalqına sadiqlik andı içmiş Buçinskaya, 2004-cü ildə Kiyev Daxili İşlər Akademiyasını polis mayoru rütbəsi ilə bitirmişdir.

Musiqi karyerası

[redaktə | vikimətni redaktə et]

Buçinskaya birinci kursunda oxuyarkən xeyli sayda vokal müsabiqələri və musiqi festivallarında iştirak etmişdir. 1995-ci ildə "Miss Akademiya" müsabiqəsində birinci yeri qazanmış, həmin ilin fevralında isə "Çervona Ruta" (Qırmızı çiçək) festivalında birinci olmuşdur.

Buçinska "Gənc Qaliçina", "Spivanoçka – Jazzoçka", "Aramızdakı musiqi", "Melodiya", "Mahnı Vernisajı", "Doliy" (Qismət) də daxil olmaqla bir çox festivallarda iştirak etmiş və 1995-ci ildən 1998-ci ilə qədər keçirilən "İlin mahnısı" müsabiqəsinin qalibi olmuşdur.

Buçinskaya 1998-ci ildə Ukrayna Daxili İşlər Nazirliyinin Dövlət Mahnı və Rəqs Ansamblının dəvəti ilə Kiyevə köçür. Seçimlərdən keçdikdən sonra ansamblın solisti seçilir. Elə orada gələcəkdəki rejissoru və prodüseri Leonid Radçenko ilə tanış olur. Həmin il onun "Listen, the rustling rain" (Yağışın pıçıltısını dinlə) mahnısı "İlin mahnısı" seçilir.

2004-cü ildə Buçinska Ukraynanın ən gənc xalq artisti fəxri adına layiq görülür. 800-dən çox konsert proqramı ilə çıxış etmiş Nataliya Buçinskayanın repertuarına 160-dan çox mahnı daxildir. Mahnılarını ukrayna, rus, erməni, ingilis və fransız dillərində ifa edir. Onun mahnılarının müəllifləri əsasən Nikolo Petraş, Yuri Rıbçinski, Ruslan Kvinta, Vladimir Mateçki, Vladimir Melnikov və başqalarıdır.

Diskoqrafiyası

[redaktə | vikimətni redaktə et]
  • Sözlərlə deyə bilmədiyim
  • Qız – Yaz, 2004
  • Ruh, 2008
  • Sevgi gecəsi, 2011.

Sinqılı

[redaktə | vikimətni redaktə et]

Videoqrafiyası

[redaktə | vikimətni redaktə et]
  • "Bağışla-vida"
  • "Mənim Ukraynam" – 2003
  • "Qələbə" – 2004
  • "Ukraynaya and içmək" – 2004[3]
  • "Hüquq-mühafizə orqanlarının əməkdaşı dostum üçün" - 2004[4]
  • "Qız – Yaz" – 2004[5]
  • "Günahkar sevgi" – 2005
  • "İlk eşq" – 2006
  • "Ruh" – 2007
  • "İndicə..." – 2008
  • "Ən yaxşı dost" – 2011
  • "Sonuncu sevgi" – 2012
  • "Hər şey sənin üçün" – 2013
  • "Şampan verin" – 2013

İstinadlar

[redaktə | vikimətni redaktə et]
  1. ↑ БУЧИНСЬКА НАТАЛІЯ ЛЮБОМИРІВНА — НАРОДНА АРТИСТКА УКРАЇНИ[ölü keçid]
  2. ↑ "Наталия Бучинская отмечает 38-летие: семейный фотоальбом певицы". 28 iyul 2023. 20 mart 2023 tarixində arxivləşdirilib. İstifadə tarixi: 7 aprel 2026.
  3. ↑ https://www.youtube.com/watch?v=qzjzyrP9gd4 Oath to Ukraine – words and music by Volodymyr Melnykov, video of the concert «We serve to the people of Ukraine», beginning of the part 1, October 3, 2004, Kyiv, the song start at 2.28.
  4. ↑ https://www.youtube.com/watch?v=Y-cXAnXoQjY&t=5s For a law enforcement officer friend – words by Volodymyr Melnykov, music by Nicolo and Vasily Gulko, video of the concert «We serve to the people of Ukraine», end of the part 1 and beginning of the part 2, October 3, 2004, Kyiv, the song start at 17.26.
  5. ↑ https://www.youtube.com/watch?time_continue=1&v=Y_5GaE1Xaqo // Girl – Spring – on the words of Yuri Rybchinsky and music by Nikolo, video.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Nataliya_Buçinskaya&oldid=8839113"