Məzmuna keç

Natalya Lavrova

Vikipediya, azad ensiklopediya
Natalya Lavrova
rus. Наталья Александровна Лаврова
Şəxsi məlumatlar
Vətəndaşlığı Rusiya Rusiya
Doğum tarixi 4 avqust 1984(1984-08-04)
Doğum yeri
Vəfat tarixi 23 aprel 2010(2010-04-23) (25 yaşında)
Vəfat yeri
Vəfat səbəbi avtomobil qəzası
Dəfn yeri
Boyu 175 sm.
İdman növü Bədii gimnastika
Karyera illəri 1990—2005
Medallar

Natalya Lavrova (4 avqust 1984, Penza – 23 aprel 2010, Penza vilayəti) — Rusiyanı təmsil edən bədii gimnast.[1] 2000 Sidney və 2004 Afina Olimpiadalarının qalibi.[1] 2 dəfə Olimpiya Oyunlarının qalibi olmağı bacaran birinci bədii gimnast.

Həyatı

[redaktə | vikimətni redaktə et]

Natalya Lavrova 1984-cü il avqustun 4-də Penza vilayətinin Penza şəhərində anadan olub.[1] 5 yaşında idmanla məşğul olurdu. Birinci məşqçisi Olqa Stebeneva idi. 1991-2002-ci illərdə Penza şəhərində 75 nömrəli orta ümumtəhsil məjtəbində təhsil alıb. Ali təhsilini isə Penza Dövlət Universitetinin V. Q. Belin adına Pedaqoji İnstitutunda alıb.

Karyerası

[redaktə | vikimətni redaktə et]

Natalya Lavrova 1998-ci ildən bədii gimnastlardan ibarət Rusiya yığmasının üzvü idi.

Natalya Lavrova 1999-cu ildə Yaponiyada baş tutan Dünya Çempionatında qrup turnirinin qalibi oldu.[1] 2002-ci ildə Nyu-Orleanda (ABŞ), 2003-cü ildə isə Budapeştdə (Macarıstan) Dünya Çempionatlarının qızıl medalına sahib olan Natalya Lavrova, Avropa Çempionatlarında 2 dəfə — 2001-ci ildə Cenevrədə (İsveçrə), 2003-cü ildə isə Rizada (Almaniya) qalib olub.[1]

Natalya Lavrova Rusiyanı 2000-ci ildə Avstraliyanın Sidney şəhərində baş tutan XXVII Yay Olimpiya Oyunlarında təmsil edib və qrup turnirində qızıl medalın sahibi olub.[1]

Rusiya Federasiyası Prezidenti Vladimir Putinin 19 aprel 2001-ci il tarixli Sərəncamına əsasən Natalya Lavrova "Dostluq" ordeni ilə təltif edildi.

Daha sonra Natalya Lavrova Rusiyanı 2004-cü ildə Yunanıstanın Afina şəhərində baş tutan XXVIII Yay Olimpiya Oyunlarında təmsil edib və qrup turnirində qızıl medalın sahibi olub.[1] Bununla da o, 2 dəfə Olimpiya Oyunlarının qalibi olmağı bacaran birinci bədii gimnast olaraq tarixə düşüb.

Rusiya Federasiyası Prezidenti Vladimir Putinin 4 noyabr 2005-ci il tarixli Sərəncamına əsasən Natalya Lavrova "Şərəf" ordeni ilə təltif edildi.

Natalya Lavrova 2005-ci ildə idmanla vidalaşdı.[1]

Uğurları

[redaktə | vikimətni redaktə et]
Natalya Lavrova və bacısı Olqa Popovanın Qərb qəbirstanlığının Fəxri xiyabanında məzarı

Karyerası ərzində Natalya Lavrova 2 dəfə Olimpiya Oyunlarının, 5 dəfə Dünya Çempionatının, 4 dəfə isə Avropa Çempionatının qalibi olub.

  • 1999 Dünya Çempionatı
    • 1 Qızıl — Qrup turniri
    • 3 Bürünc — 5 gürz
    • 2 Gümüş — 3 lent + 2 halqa
  • 2000 Olimpiya Oyunları
    • 1 Qızıl — Qrup turniri
  • 2001 Avropa Çempionatı
    • 1 Qızıl — Qrup turniri
    • 1 Qızıl — 5 gürz
  • 2002 Dünya Çempionatı
    • 1 Qızıl — Qrup turniri
    • 2 Gümüş — 5 lent
  • 2003 Avropa Çempionatı
    • 1 Qızıl — Qrup turniri
    • 1 Qızıl — 5 lent
  • 2003 Dünya Çempionatı
    • 1 Qızıl — Qrup turniri
    • 1 Qızıl — 5 lent
    • 1 Qızıl — 3 top + 2 halqa
  • 2004 Olimpiya Oyunları
    • 1 Qızıl — Qrup turniri

Ölümü

[redaktə | vikimətni redaktə et]

Natalya Lavrova və bacısı Olqa Popova 2010-cu ilin aprelində yol-nəqliyyat qəzası nəticəsində öldü.[1]

2010-cu il aprelin 23-də saat 10:00 radələrində Penza-Şımışey yolunun Penza ərazisində "VAZ-2114" avtomobili idarəetməni itirdi və qarşı tərəfdən gələn "Mazda" avtomobili toqquşdu. Hadisə zamanı "VAZ-2114" avtomobilinin sürücüsü 1986-cı il təvəllüdlü Olqa Popova və sərnişin 1984-cü il təvəllüdlü Natalya Lavrova aldığı ağır xəsarətlər səbəbindən hadisə yerində öldü.

Natalya Lavrova və bacısı Olqa Popova Penza şəhərində Qərb qəbirstanlığının Fəxri xiyabanında dəfn olundu.

İstinadlar

[redaktə | vikimətni redaktə et]
  1. 1 2 3 4 5 6 7 8 9 Olympedia.org. "Nataliya Lavrova". www.olympedia.org (ingilis). 2022-08-30. 2022-09-11 tarixində arxivləşdirilib. İstifadə tarixi: 30.08.2022.
Mənbə — "https://az.wikipedia.org/w/index.php?title=Natalya_Lavrova&oldid=8601081"