Natalya Lavrova

Natalya Lavrova
Şəxsi məlumatlar
Vətəndaşlığı	Rusiya
Doğum tarixi	3 avqust 1984
Doğum yeri	Penza, Rusiya
Vəfat tarixi	23 aprel 2010 (25 yaşında)
Vəfat yeri	Penza, Rusiya
Vəfat səbəbi	avtomobil qəzası[d]
Dəfn yeri	Novozapadnoe Cemetery, Penza[d]
Karyera illəri	1989–2004
Boyu	175 sm
Çəkisi	57 kq
İdman növü	Bədii gimnastika
Medallar Olimpiya Oyunları Qızıl 2000 Sidney Çoxnövçülük Qızıl 2004 Afina Çoxnövçülük Dünya Çempionatı Qızıl 1999 Osaka Çoxnövçülük Gümüş 1999 Osaka 3 lent/2 həlqə Bürünc 1999 Osaka 5 gürz Qızıl 2002 Yeni Orlean Çoxnövçülük Gümüş 2002 Yeni Orlean 5 lent Qızıl 2003 Budapeşt Çoxnövçülük Qızıl 2003 Budapeşt 3 top/2 həlqə Qızıl 2003 Budapeşt 5 lent Dövlət təltifləri

Natalya Aleksandrova Lavrova (d. 3 avqust 1984; Penza, Rusiya - ö. 23 aprel 2010, Penza, Rusiya) — Rusiyanı təmsil edən məhrum bədii gimnast. Natalya Lavrova, Rusiyanı 2000 Sidney və 2004 Afina Olimpiadalarında təmsil edib və 2 dəfə qızıl medal qazanıb.

Beş dəfə Dünya, dörd dəfə isə Avropa çempionu olan Natalya Lavrova həmdə, tarixdə Olimpiya Oyunlarının 2 dəfə çempionu olan birinci bədii gimnast idi. O, 2000-ci ildə "Şərəf", 2004-cü ildə isə "Dostluq" ordeni ilə təltif edilib.

Natalya Lavrova, 2010-cu il 23 apreldə bacısı Olqa Popova ilə birgə avtomobil qəzası nəticəsində faciəvi şəkildə dünyasını dəyişib.

Həyatı

Natalya Lavrova 1984-cü il 3 avqustda Rusiyanın Penza şəhərində anadan olub.

Karyerası

Natalya Lavrova, 2000-ci ildə Rusiya bayrağı altında Avstraliyanın Sidney şəhərində baş tutan XXVII Yay Olimpiya Oyunlarına qatıldı. O, qrup yarışlarında komanda yoldaşları İrina Belova, Yelena Şalamova, Mariya Netesova, Vera Şimanskaya və İrina Zilber ilə birgə finalda 39.500 xal toplayaq 1-ci yeri tutdu və Olimpiya Oyunlarının qızıl medalını qazandı.

Natalya Lavrova bu uğurdan sonra, Rusiya Federasiyası Prezidenti Vladimir Putinin sərəncamına əsasən "Dostluq" ordeni ilə təltif edildi.

Natalya Lavrova, növbəti dəfə Olimpiya Oyunlarına 2004-cü ildə Yunanıstanın paytaxtı Afina şəhərində baş tutan XXVIII Yay Olimpiya Oyunlarına qatıldı. O, qrup yarışlarında komanda yoldaşları Olesya Beluqina, Olqa Qlatskix, Tatyana Kurbakova, Yelena Murzina və Yelena Posevina ilə birgə finalda 49.875 xal toplayaq 1-ci yeri tutdu və 2-ci dəfə Olimpiya Oyunlarının qızıl medalını qazandı.

Bununla da Natalya Lavrova, Olimpiya Oyunlarının 2 dəfə çempionu olan birinci bədii gimnast oldu.

Natalya Lavrova bu uğurdan sonra, Rusiya Federasiyası Prezidenti Vladimir Putinin sərəncamına əsasən "Şərəf" ordeni ilə təltif edildi.

Natalya Lavrova və bacısının məzarı

Ölümü

2010-cu il 23 apreldə Natalya Lavrova, ömrünün 25-ci yaşında Penza şəhəri yaxınlığında Penza-Şemışeyka avtomobil yolunun 3-cü kilometrliyində baş verən avtomobil qəzası nəticəsində, bacısı Olqa Popova (d. 22.07.1986) ilə vəfat etdi.

Yerli vaxt ilə saat 10:00 baş verən avtomobil qəzasında, Natalya Lavrovanın bacısı Olqa Popovanın idarə etdiyi "VAZ-2114" avtomobili idarəetməni itirdi və nəticədə avtomobil, yolun qarşı tərəfinə çıxdı. Qarşı tərəfdən gələn "Mazda" avtomobili isə, "VAZ-2114" avtomobili ilə toqquşdu və qəza nəticəsində "VAZ-2114" avtomobili alışaraq yandı. Natalya Lavrova və Olqa Popova isə, hadisə yerindəcə dünyasını dəyişdi.