Natiq Əmirov

Vikipediya, açıq ensiklopediya
Jump to navigation Jump to search
Natiq Əmirov
Natiq Ərziman oğlu Əmirov
Natiq Əmirov
Bayraq
Azərbaycan Respublikası Prezidentinin İqtisadi islahatlar üzrə köməkçisi
Bayraq
25 yanvar 2016 — indiyə kimi
Sələfi: vəzifə təsis edlib
 
Doğum tarixi: 1967(1967-Şablondakı doğum və ya ölüm tarixində texniki yanlışlıq var!-00)
Doğum yeri: Şabran rayonu
 
Təltifləri:

I dərəcəli "Vətənə xidmətə görə" ordeni — 2017

Natiq Ərziman oğlu Əmirov (d. 1967) — Azərbaycan Respublikası Prezidentinin İqtisadi islahatlar üzrə köməkçisi.

Həyatı[redaktə | əsas redaktə]

Әmirov Natiq Әrziman oğlu 1967-ci ildə Dəvəçi rayonunda anadan olub.

1990-cı ildə N.A.Voznesenskiy adına Leninqrad Maliyyə-İqtisad İnstitutunu iqtisadçı ixtisası, 1998-ci ildə isə Elmi-Təhsil Mərkəzi Təfəkkür Universitetini hüquqşünas ixtisası ilə bitirmişdir.

1990-1991-ci illərdə Sumqayıt şəhəri Maliyyə Şöbəsində böyük büdcə iqtisadçısı, 1991-1993-cü illərdə Sumqayıt şəhəri Dövlət Vergi Müfəttişliyinin Vətəndaşların Vergiyə Cəlb Edilməsi Şöbəsində böyük dövlət vergi müfəttişi, 1993-1994-cü illərdə Sumqayıt şəhəri Dövlət Vergi Müfəttişliyinin Dövlət Müəssisələrinin, Təşkilatların və Birliklərin Mənfəətinin (gəlirlərinin) Vergiyə Cəlb Edilməsi və sair Gəlirlər Şöbəsində dövlət vergi müfəttişi, 1994-1997-ci illərdə Sumqayıt şəhəri Dövlət Vergi Müfəttişliyidə Qeyri-dövlət Müəssisələrində Vergi Qanunvericiliyinə və Dövlət Qiymət İntizamına Nəzarət Şöbəsinin rəisi, 1997-2000-ci illərdə Sumqayıt şəhəri Dövlət Vergi Müfəttişliyində rəis müavini, 2000-2001-ci illərdə Bakı şəhəri Səbail Rayonu Vergilər İdarəsinin rəis müavini işləmişdir.

2001-2003-cü illərdə Azərbaycan Respublikası Vergilər Nazirliyi iri Vergi Ödəyiciləri ilə İş Üzrə Departamentin rəis müavini, 2003-2005-ci illərdə Azərbaycan Respublikası Vergilər Nazirliyi İqtisadi Təhlil və Uçotun Təşkili İdarəsinin rəisi, 2005-2009-cu illərdə Azərbaycan Respublikası Vergilər nazirinin müavini, 2009-2016-ci illərdə isə Azərbaycan Respublikası Vergilər nazirinin birinci müavini vəzifələrində çalışmışdır.

Azərbaycan Respublikası Prezidentinin 25 yanvar 2016-cı il tarixli Sərəncamı ilə Azərbaycan Respublikası Prezidentinin İqtisadi islahatlar üzrə köməkçisi təyin edilmişdir.

Ailəlidir, 3 övladı var.