Naxçıvanın səsi

Naxçıvanın səsi
Ölkə	Azərbaycan
Dil	Azərbaycan dili
Yaranma tarixi	19 sentyabr 2001

Naxçıvanın səsi - 2001-ci ilin sentyabr ayının 19-da fəaliyyətə başlamış radio.

Haqqında

"Naxçıvanın səsi" radiosu 2001-ci ilin sentyabr ayının 19-da fəaliyyətə başlamışdır. Yarandığı ilk günlərdə radio yalnız Naxçıvan şəhərində və şəhərətrafı kəndlərdə yayımlanırdı. Lakin 2001-ci il oktyabrın 18-də, yeni ötürücülərin işə düşməsindən sonra radioyayım 100.3 FM tezliyində Babək, Şərur, Ordubad, Culfa rayonlarında yayımlanmağa başladı. 30 avqust 2004-cü ildə istifadəyə yeni stansiya verildi. Stansiyanın işə düşməsindən sonra "Naxçıvanın səsi" radiosunun yayımı əvvəlki tezliklərə əlavə olaraq 96 FM tezliyində MR-in ən ucqar dağlıq ərzilərinə ötürüldü.

"Naxçıvanın səsi" radiosu 2004-cü il dekabr ayının 15-dən etibarən Naxçıvan MR Rabitə və İnformasiya Texnologiyaları Nazirliyinin Radio-Televiziya Ötürücü Mərkəzinin nəzdinə verildi.

2008-ci ilin yanvar ayının 1-dən isə "Naxçıvanın səsi" radiosu "Kanal-35" Televiziyası ilə birləşərək vahid idarəetmə sisteminə keçmişdir. Bu tarixdən etibarən radio öz fəaliyyətini mütəmadi olaraq "Kanal 35" Televiziyası ilə əlaqələndirir.

"Naxçıvanın səsi" radiosuna fəaliyyətinin 7-ci ilində - 31 iyul 2008-ci il tarixdə Naxçıvan MR Televiziya və Radio Şurası tərəfındən müsabiqədənkənar xüsusi razılıq lisenziyası verilmişdir.