Naxçıvan Dövlət Universiteti

Vikipediya, açıq ensiklopediya
Jump to navigation Jump to search
Picto infobox université.png
Naxçıvan Dövlət Universiteti
Fotoqrafiya
Əsası qoyulub 1967
Rektor Saleh Məhərrəmov
Şəhər Naxçıvan şəhəri
Ölkə Azərbaycan
Ünvan AZ 7012, Naxçıvan şəhəri, Universitet şəhərciyi
www.ndu.edu.az
Commons-logo.svg Vikianbarda əlaqəli mediafayllar

Naxçıvan Dövlət UniversitetiAzərbaycan Respublikası Təhsil Nazirliyinin tabeliyində olan ali təhsil müəssisəsi[1]. Bu ali təhsil ocağı Naxçıvan Muxtar Respublikasında fəaliyyət göstərən yeganə dövlət universiteti, müasir mərhələdə qədim diyarın əsas elm, təhsil və mədəniyyət mərkəzidir.

Tarixi[redaktə | əsas redaktə]

NDU-nun loqosu

Naxçıvan Dövlət Universitetinin tarixi 1967-ci ildən başlayır. Belə ki, həmin ildə yaradılmış Azərbaycan Dövlət Pedaqoji İnstitutunun Naxçıvan filialı 5 il sonra isə müstəqil ali məktəbə çevrilərək, Naxçıvan Dövlət Pedaqoji İnstitutu olmuşdur. Ona görə də Naxçıvan Dövlət Universiteti onların varisidir.

Filial dövrü[redaktə | əsas redaktə]

Filial kimi fəaliyyət göstərdiyi illərdə ali məktəbdə üç ixtisas – Azərbaycan dili və ədəbiyyatı, tarix və riyaziyyat ixtisasları üzrə mütəxəssislər hazırlanırdı. Həmin vaxt burada elmi dərəcəsi olan cəmi 4 nəfər müəllim elmi-pedaqoji fəaliyyətlə məşğul olurdu.

İnstitut dövrü[redaktə | əsas redaktə]

Regionun ehtiyacları nəzərə alınaraq 1972-ci ildə Naxçıvan filialının bazası əsasında Y. Məmmədəliyev adına Naxçıvan Dövlət Pedaqoji İnstitutu təşkil olunmuşdur. İnstitutda Azərbaycan dili və ədəbiyyatı, tarix, fizika, riyaziyyat, kimya, biologiya, əmək ixtsasları üzrə mütəxəssislər hazırlanırdı. Sonradan bu mütəxəssislər muxtar respublikanın əsas ziyalı qüvvəsini təşkil etdi.

Universitet dövrü[redaktə | əsas redaktə]

29 dekabr 1990-cı ildə İnstitut Azərbaycan SSR Nazirlər Sovetinin qərarı ilə Naxçıvan Dövlət Universitetinə çevrilmişdir.

Universitetdə pedaqoji istiqamətli mütəxəssislərdən başqa hüquqşünaslar, avtomobil və rabitə mühəndisləri, iqtisadçılar və mühasiblər, bələdiyyə və gömrük işçiləri də hazırlanmağa başlandı. Müasir mərhələdə Naxçıvan Dövlət Universiteti mühüm elmi mərkəzlərdən biridir.

1992-ci ildən universitetdə aspirantura şöbəsi və "Regionun inkişafı problemləri" adlı problem laboratoriya fəaliyyət göstərir. Universitetin filologiya və yarımkeciricilər fizikası ixtisasları üzrə müdafiə şuralarında namizədlik və doktorluq dissertasiyaları müdafiə olunur.

Univesitetdə keçirilən elmi konfrans və simpoziumlarda ən aktual məsələlər müzakirə olunur. Müstəqil Azərbaycanın gənc nəslinin dünyagörüşünün inkişafına xidmət edən "Heydar Əliyev Universiteti" Naxçıvan Dövlət Universitetində əsl dövlətçilik məktəbi kimi uğurla fəaliyyət göstərir.

Fakültələr və ixtisaslar[redaktə | əsas redaktə]

Naxçıvan Dövlət Universiteti.jpg

İqtisad-hüquq fakültəsi[redaktə | əsas redaktə]

Bu fakültədə aşağıdakı ixtisaslar üzrə kadrlar hazırlanır:

  • İqtisadiyyatın tənzimlənməsi
  • Hüquqşünaslıq
  • Sosial iş
  • Turizm və otelçilik
  • Dövlət və bələdiyyə idarəetməsi
  • Gömrük işinin təşkili
  • Mühasibat uçotu və audit

Tarix-filologiya fakültəsi[redaktə | əsas redaktə]

Bu fakültədə aşağıdakı ixtisaslar üzrə kadrlar hazırlanır:

  • Azərbaycan dili və ədəbiyyat
  • Tarix
  • İngilis dili
  • Fransız dili
  • Muzeyşünaslıq, arxiv işi və abidələrin qorunması
  • Jurnalistika

Təbiətşünaslıq və tibb fakültəsi[redaktə | əsas redaktə]

Bu fakültədə aşağıdakı ixtisaslar üzrə kadrlar hazırlanır:

  • Bioloqiya
  • Coğrafiya
  • Kimya
  • Pediatriya

Fizika və riyaziyyat fakültəsi[redaktə | əsas redaktə]

Bu fakültədə aşağıdakı ixtisaslar üzrə kadrlar hazırlanır:

  • Riyaziyyat və informatika
  • Fizika
  • Riyaziyyat

Memarlıq-mühəndislik fakültəsi[redaktə | əsas redaktə]

Bu fakültədə aşağıdakı ixtisaslar üzrə kadrlar hazırlanır:

  • Memarlıq
  • Elektroenergetika mühəndisliyi
  • Yerüstü nəqliyyat vasitələrinin mühəndisliyi (əyani və qiyabi şöbələr)
  • Dəmiryol nəqliyyatı və təsərrüfatı mühəndisliyi
  • İnformasiya texnologiyaları və sistemləri mühəndisliyi
  • Meliorasiya və su təsərrüfatı tikintisi mühəndisliyi

Pedaqoji fakültə[redaktə | əsas redaktə]

Bu fakültədə aşağıdakı ixtisaslar üzrə kadrlar hazırlanır:

  • İbtidai təhsilin pedaqoqikası və metodikası
  • Pedaqogika və psixologiya
  • Bədən tərbiyəsi və idman

İncəsənət fakültəsi[redaktə | əsas redaktə]

Bu fakültədə aşağıdakı ixtisaslar üzrə kadrlar hazırlanır:

  • Musiqi təhsili
  • Fortepiano
  • Simli alətlər
  • Xalq çalğı alətləri
  • Dirijorluq
  • Təsviri incəsənət və rəsmxət

İxtisasartırma fakültəsi[redaktə | əsas redaktə]

Bu fakültədə ixtisasartırma üzrə kadrlar hazırlanır.

Kadr heyəti[redaktə | əsas redaktə]

Naxçıvan Dövlət Universitetinə müxtəlif illərdə dosent Əli Əliyev, professorlar Səfəralı Babayev, İsrafil Məmmədov, İsak Məmmədov, İsgəndər Cəfərov, Qasım Hüseynov rəhbərlik etmişlər.

Hazırda universitetin əyani və qiyabi şöbələrində 3 min tələbə təhsil alır. Tələbələr arasında 200 nəfərdən çox Türkiyə vətəndaşı vardır.

Universitetdə tələbələrin təlim-tərbiyəsi ilə 290 nəfər müəllim məşğul olur. Müəllimlərdən 6 nəfəri elmlər doktoru, professor, 130 nəfəri elmlər namizədi, dosentdir.

Naxçıvan Dövlət Universitetinin məzunları arasında xeyli tanınmış dövlət adamları, xalq deputatları, görkəmli alimlər və yazıçılar vardır.

Nəşrləri[redaktə | əsas redaktə]

"Elmi əsərlər" jurnalı və "Fikir" informasiya bülleteni universitet əməkdaşlarının elmi məqalələrini nəşr edib yayır.

Universitetdə yaradılmış "Qeyrət" nəşriyyatında Naxçıvan regionunun tarixinə, arxeoloqiya və etnoqrafiyasına, zəngin təbiətinə və təbii sərvətlərinə, memarlıq abidələrinə, habelə fundamental elmlər üzrə aparılan elmi axtarışların nəticələrinə dair kitablar nəşr edilir.

Konservatoriya[redaktə | əsas redaktə]

Naxçıvan Dövlət Universitetində yaradılmış Konservatoriya Azərbaycanın müstəqillik dövrünün yenitipli mədəniyyətini inkişaf etdirə biləcək mütəxəssislər hazırlayır.

İnformatika mərkəzi[redaktə | əsas redaktə]

"İnformatika mərkəzi" tələbələrə ən müasir kompüter texnikasını öyrətməyə imkan yaradır.

"İdman bazası"[redaktə | əsas redaktə]

"İdman bazası" idmançıların yetişdirilməsi üçün geniş imkanlara malikdir.

Xarici əlaqələr[redaktə | əsas redaktə]

Naxçıvan Dövlət Universitetinin Fransanın Strasburq, Türkiyənin İstanbul, Ankara, Ərzurum, Van universitetləri, İranın Təbriz Universiteti, Qırğızıstan Beynəlxalq Universiteti ilə əlaqələri var ki, bu da Naxçıvanda elm, təhsil və mədəniyyətin inkaşafına müsbət təsir göstərir.

Universitet Avropa Rektorlar Klubunun, Asiya Universitetlər Assosiasiyasının[2], Qara Dəniz Hövzəsi Universitetlər Birliyinin, Avrasiya İpək Yolu Universitetlər Cəmiyyətinin, Beynəlxalq Turizm Akademiyasının və Qafqaz Universitetlər Birliyinin[3] üzvüdür[4].

Həmçinin bax[redaktə | əsas redaktə]

İstinadlar[redaktə | əsas redaktə]

  1. ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı.  (azərb.)
  2. Mehriban Sultan, Asiya Universitetləri Assosiasiyasının XIV beynəlxalq simpoziumu, "Azərbaycan müəllimi" qəzeti, 09.07.2010, № 26.  (azərb.)
  3. Tüm Uyeler. kunib.com
  4. Naxçıvan Dövlət Universitetinin 45 illik yubileyi qeyd olunub. muallim.edu.az, 28.09.2012  (azərb.)

Xarici keçidlər[redaktə | əsas redaktə]

Vikianbarda Naxçıvan Dövlət Universiteti ilə əlaqəli mediafayllar var.