Naxçıvan Dövlət Universitetinin Məktəb tarixi muzeyi

Vikipediya, açıq ensiklopediya
Jump to navigation Jump to search
Məktəb tarixi muzeyi
Əsası qoyulub 3 noyabr 1997
Mövzu məktəb və pedaqoji fikir tarixi
Yerləşir Naxçıvan Dövlət Universiteti
Muzeyə yetişmək Naxçıvan
"MƏKTƏB TARİXİ" MUZEYİ

Naxçıvan Dövlət Universitetinin Məktəb tarixi muzeyiNaxçıvan Dövlət Universitetində fəaliyyət göstərən muzey[1].

Tarixi[redaktə | əsas redaktə]

Muzey 3 noyabr 1997-ci il tarixdə "Məktəb tarixi kabineti" adı ilə fəaliyyətə başlamışdır. Kabinet 18 may 2007-ci il tarixdə universitet Elmi Şurasının qərarı ilə "Məktəb tarixi" muzeyi adlandırılmışdır[1].

Hədəfi[redaktə | əsas redaktə]

Bu muzey pedaqoji ixtisaslarda təhsil alan tələbələr üçün əsas tədris mərkəzlərindəndir[1].

Eksponatları[redaktə | əsas redaktə]

Məktəb tarixi muzeyi əsas etibarı ilə məktəb və pedaqoji fikir tarixində layiqli yer tutan ictimai-siyasi xadimlər və pedaqoqların sənədləri əsasında yaradıldığı[1] üçün, muzeyin əsas eksponatlarını da həmin sənədlər təşkil edir.

Muzeydəki eksponatlara misal olaraq, Qori Müəllimlər Seminariyasında təhsil almış görkəmli ziyalıların şəkilləri, Zaqafqaziya Müəllimlər İnstitutunun 1907-ci il buraxılışı və Naxçıvan 1 saylı natamam orta məktəbinin 1936-37-ci tədris ili məzunlarının fotolarını qeyd etmək olar[1]. Həmçinin burada pedaqoji fikir tarixində xüsusi yer tutan Nizami Gəncəvi, Nəsirəddin Tusi, Xaqani Şirvani, Məhəmməd Füzuli, Mirzə Fətəli Axundov, Seyid Əzim Şirvani, Mirzə Ələkbər Sabir, Sultan Məcid Qənizadə, Nəriman Nərimanov, Məhəmməd Tağı Sidqi, Hüseyn Cavid, Məhəmməd Hüseyn Şəhriyar və başqalarının portretləri və onların təlim-tərbiyə haqqında fikirləri verilmişdir[1].

Burada Naxçıvanda təhsilin inkişaf tarixinə həsr olunmuş bölmə, Naxçıvanda açılmış məktəblərin inkişaf tarixini əks etdirən stendlər, həmçinin vaxtilə universitetdə təhsil almış və elmi dərəcə qazanmış alimlərin fəaliyyətini əks etdirən stendlər də vardır[1].

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 "MƏKTƏB TARİXİ" MUZEYİ. ndu.edu.az  (azərb.)