Nazikdimdik balinaquşu

Vikipediya, azad ensiklopediya
Jump to navigation Jump to search
Nazikdimdik balinaquşu
Slender-billed Prion Close.jpg
Elmi təsnifat
Aləmi: Heyvanlar
Tip: Xordalılar
Sinif: Quşlar
Dəstə: Fırtınaquşukimilər
Fəsilə: Fırtınaquşular
Cins: Balinaquşuları
Növ: Nazikdimdik balinaquşu
Elmi adı
Pachyptila belcheri
(Mathews, 1912)

Wikispecies-logo.svg
Vikinnövlərdə
təsnifat

Commons-logo.svg
Vikianbarda
axtar

ÜTMS [1]
NCBI {{{1}}}

Nazikdimdik balinaquşu[1] (lat. Pachyptila belcheri) — Fırtınaquşular fəsiləsinə aid növ.

Xarici görünüşü[redaktə | əsas redaktə]

Nazikdimdik balinaquşular 25 - 26 sm uzunluğa malik olurlar. Qanadlarının uzunluğu isə 16,6 - 19,1 sm arasında dəyişir. Qanadları arasında məsafə 56 sm, çəkiləri isə 115-180 q olur. Bir qayda olaraq erkəklər dişilərdən iri olur.

Bədəninin üst hissəsi mavi-bozdur. Qanadlarında tünd rəngli «М» hərfinə bənzər ləkə vardır. Bədəninin ön hissəsi ağımtıldır.

Yayılması[redaktə | əsas redaktə]

Növ əsasən Folklend adaları, Kergelen, Kroze adaları və olabilsin ki Cənubi Georgiya[2] adalarında yayılmışdır. 1984-ci ildə Çiliyə məxsus Isla Noir adasında iri bir koloniya aşkarlanmışdır. Çoxalma dönəmi istisna olaraq onlara Yava, Qərbi Avstraliya, Qərbi Peru, Cənubi Braziliya və Cənubi Afrika ərazisində belə müşahidə edilir.

Həyat tərzi[redaktə | əsas redaktə]

Bu növün nümayəndələri əsasən xərçəngkimilər, başayaqlı kolyusklar və kiçik balıqlarla qidalanırlar. Açıq dəniz üzərində əsasən dəstələrlə uçurlar. Bu zaman onlar Antarktika balinaquşları ilə birgə uçurlar.

Çoxalması[redaktə | əsas redaktə]

Quşlar əsasən torpaq üzərində dəldikləri oyuqlara yumurta qoyurlar. Bu oyuqların uzunluğu 60 sm-3,5 m arasında dəyişə bilir. Folklend adalarında bu tip yuvalar 15 bəzən isə 190 metr hündürlükdə qurulur. Yuvalar əsasən ot və öz tüklərindən hazırlanır. Yetkin quşlar yumurtaladıqları yerə sentyabr ayında qayıdırlar[3]. Çoxalma noyabrdan başlayır. Bu zaman quşlar yumurta qoyur. İnkubasiya dövrü 46 - 47 gün davam edir. Yeni yumurtadan çıxan balalar yalnız 49-50 günlüyündə sərbəstləşirlər. Hər iki valideyn yumurtanın üzərində yatır və balanın yemlənməsində iştirak edir. İl ərzində yslnız bir dəfə yumurta qoyur.

Kergelen adasında Nazikdimdik balinaquşu Mavi fırtınaquşuları (Halobaena caerulea) ilə yuvalar üzərində mübarizə aparırlar.

İstinadlar[redaktə | əsas redaktə]

  1. Бёме Р. Л., Флинт В. Е. Пятиязычный словарь названий животных. Птицы. Латинский, русский, английский, немецкий, французский / Под общей редакцией акад. В. Е. Соколова. — М.: Рус. яз., «РУССО», 1994. — С. 16. — 2030 экз. — ISBN 5-200-00643-0.
  2. Shirihai, S. 178
  3. Wood, S. 47

Ədəbiyyat[redaktə | əsas redaktə]

  • Hadoram Shirihai: A Complete Guide to Antarctic Wildlife - The Birds and Marine Mammals of the Antarctic Continent and Southern Ocean, Alula Press, Degerby 2002, ISBN 951-98947-0-5.
  • Robin und Anne Woods: Atlas of Breeding Birds of the Falkland Islands, Anthony Nelson, Shorpshire 1997, ISBN 0-904614-60-3.