Nazim İmanov

Vikipediya, açıq ensiklopediya
Jump to navigation Jump to search
Picto infobox character.png
Nazim İmanov
Nazim Müzəffər oğlu İmanov
Fotoqrafiya
Doğum tarixi 11 iyun 1955 (1955-06-11) (63 yaş)
Doğum yeri Bakı
Vətəndaşlıq Flag of Azerbaijan.svg Azərbaycan
Milliyyəti Azərbaycanlı
Elm sahəsi İqtisadiyyat
İş yeri AMEA İqtisadiyyat İnstitutunun direktoru
Elmi dərəcəsi İqtisad elmləri doktoru
Elmi vəzifəsi Professor
TəhsiliAzərbaycan Dövlət İqtisad Universiteti
AtasıMüzəffər İmanov

Nazim İmanov (Nazim Müzəffər oğlu İmanov; d.11 iyun 1955(1955-06-11), Bakı) — AMEA İqtisadiyyat İnstitutunun direktoru, iqtisad elmləri doktoru [1], professor.

Həyatı[redaktə | əsas redaktə]

1955-ci il iyun ayının 11-də Bakı şəhərində anadan olmuşdur. 1977-ci ildə indiki Azərbaycan Dövlət İqtisad Universitetini (ADİU) fərqlənmə diplomu ilə bitirmişdir. 1983-cü ildə AMEA İqtisadiyyat İnstitutunda namizədlik, 1990-cı ildə İctimai Elmlər Akademiyasında (Moskva, RF) doktorluq dissertasiyalarını müdafiə etmişdir. 1992-ci ildən professordur. 1994-cü ildən Beynəlxalq Eko-Enerji Akademiyasının həqiqi üzvüdür. 2016-cı ildən “Elm və ali təhsil sahəsində Beynəlxalq Konsultativ Komitə”nin (ÇXR) baş məsləhətçisidir.

Azərbaycan Dövlət Plan Komitəsi nəzdindəki İqtisadiyyat İnstitutunda kiçik elmi işçi (1977-1979), ADİU-da müəllim (1982-1986), Bakı Ali Partiya Məktəbində baş müəllim, dosent (1986-1991), Bakı Sosial İdarəetmə və Politologiya İnstitutunda professor, Elmi işlər üzrə prorektor (1991-1995) vəzifələrində çalışmışdır. Bir sıra şirkətlərdə məsləhətçi (2000-2003), Avropa İttifaqının eksperti (2003-2005), “Qafqaz və Qloballaşma” elmi məcmuəsinin baş redaktoru (2005-2015), Azərbaycan Banklar Assosiasiyasında müşavir (2007-2014) kimi fəaliyyət göstərmişdir. Hazırladığı qanun layihələri Azərbaycan Respublikasının Milli Məclisi tərəfindən qəbul edilmiş, bir çox layihələr irəli sürdüyü təkliflər əsasında təkmilləşdirilmişdir.

İctimai-siyasi fəaliyyəti[redaktə | əsas redaktə]

Azərbaycanda ilk qeydiyyatdan keçmiş siyasi partiya olan Azərbaycan Milli İstiqlal Partiyasının yaradıcılarından biridir. 1995-ci ildə I çağırış Azərbaycan Respublikası Milli Məclisinin deputatı seçilmişdir. 1995-2000-ci illərdə Azərbaycan Respublikası Milli Məclisinin deputatı olmuşdur [2]. Nazim İmanovun elmi mühazirə və məruzələri, bir qayda olaraq, həm iqtisadçıların, həm də genişprofilli cəmiyyətşünasların dərin marağına səbəb olur. Bu baxımdan, Azərbaycan RespublikasıRusiya Federasiyası prezidentlərinin təşəbbüsü ilə keçirilən Beynəlxalq Humanitar Forumlarda (2011, 2012 və 2013-cü illər) etdiyi məruzələr, xüsusilə Azərbaycanın uzunmüddətli sosial-iqtisadi hədəfləri haqqında mülahizələri ayrıca qeyd olunmalıdır.

Elmi fəaliyyəti[redaktə | əsas redaktə]

Elmlə tələbəlik illərindən – ADİU-da K.Marks adına təqaüdlə oxuduğu vaxtlardan məşğul olur. İlk elmi araşdırması 1976-cı ildə Şərqi Avropa iqtisadçı tələbələrinin VI Beynəlxalq elmi müsabiqəsində (Bratislava ş.) birinci yer tutmuşdur. “Təbiətdən istifadə ilə bağlı iqtisadi münasibətlər” monoqrafiyası 1988-ci ildə Komsomol mükafatına layiq görülmüşdür. 1980-ci illərin sonlarından etibarən Azərbaycanda siyasi müstəqilliyin iqtisadi islahatlarla dəstəklənməsi sahəsində çalışan ilk azərbaycanlı mütəxəssislərdəndir. Onun rəhbərliyi altında bir qrup ekspertin hazırladığı “Azərbaycan Respublikasının bazar iqtisadiyyatına və tam iqtisadi müstəqilliyə keçidi Proqramının Konsepsiyası” 1992-ci ildə H.Z.Tağıyev adına milli mükafatla təltif olunmuşdur.

Hazırda iqtisadi nəzəriyyə üzrə ölkəmizdə və xaricdə tanınmış alimdir. 7 monoqrafiyası, 100-dən çox elmi məqaləsi dərc olunmuşdur. “İqtisadi etüdlər” (Bakı, 1999, Azərbaycan və rus dillərində) kitabının, “Azərbaycanın post-konflikt ərazilərinin bərpası” (Bakı, 2010, Azərbaycan, ingilis və rus dillərində), “Azərbaycanın reytinqi – beynəlxalq müqayisəli tədqiqatlarda” (Bakı, 2006, rus dilində), “İqtisadiyyatın sosialyönlüyü sağçı və solçu sistemlərdə” (Bakı, 2014, Azərbaycan və rus dillərində) monoqrafiyalarının müəllifidir.

“Azərbaycanın post-konflikt ərazilərinin bərpası” kitabının Böyük Britaniya Parlamentinin Lordlar Palatasında (London, Birləşmiş Krallıq), Con Hopkins Universitetinin Mərkəzi Asiya və Qafqaz İnstitutunda (Vaşinqton, ABŞ), Avropa Parlamentində (Brüssel, Belçika), Rusiya Dövlət Humanitar Universitetində (Moskva, RF) və Karnegi İnstitutunun Rusiya nümayəndəliyində (Moskva, RF) keçirilmiş təqdimat və müzakirələri beynəlxalq səviyyədə ciddi elmi rezonans doğurmuşdur.

“İqtisadiyyatın sosialyönlüyü sağçı və solçu sistemlərdə” monoqrafiyasında [3] dövlətin iqtisadiyyatı tənzimlənmə səviyyəsinin yeni ölçülmə metodologiyası işlənib hazırlanmış və onun əsasında müxtəlif ölkələrdə iqtisadiyyatın liberallıq səviyyəsini müqayisəli şəkildə qiymətləndirmək mümkün olmuşdur. Həmin metodologiyadan, o cümlədən müəllifin təklif etdiyi kompozit indeksdən – İqtisadiyyatın Solluğu (Sağlığı) İndeksindən istifadə etməklə, AMEA İqtisadiyyat İnstitutu 2015-ci ildən başlayaraq “Dövlətin iqtisadiyyatı tənzimləməsi səviyyəsinin qiymətləndirilməsi” adlı illik hesabatlar hazırlayır və dərc edir. Bu tədqiqatlar təkcə Azərbaycanda deyil, bir sıra xarici ölkələrdə də (ÇXR, Polşa, Böyük Britaniya, Türkiyə, Gürcüstan, Rusiya və s.) elmi ictimaiyyətin geniş marağını cəlb etməkdədir. N. İmanovun metodologiyası əsasında ayrı-ayrı alimlər tərəfindən iqtisadiyyatın müxtəlif problemləri üzrə onlarla məqalə dərc edilmişdir. Hazırda İqtisadiyyat İnstitutunda bu istiqamətdə bir neçə doktorluq və 10-dan artıq fəlsəfə doktorluğu dissertasiyaları yazılmaqdadır.

Son illər ərzində bir sıra nüfuzlu xarici kitab və jurnallarda, o cümlədən Stokholmda (İsveç) ingilis və rus dillərində nəşr olunan və baş redaktoru olduğu “Qafqaz və Qloballaşma” elmi məcmuəsində 20-yə yaxın məqalə dərc etdirmişdir. Hazırda AMEA İqtisadiyyat İnstitutunun dərc etdiyi “Elmi əsərlər” jurnalının baş redaktoru, “AMEA-nın xəbərləri (İqtisadiyyat seriyası)” və Azərbaycan Respublikası Dövlət Statistika Komitəsinin nəşr etdiyi “Statistika xəbərləri” jurnallarının redaksiya heyətlərinin üzvüdür.

Azərbaycan iqtisad elminə gətirdiyi yeniliklərdən biri də odur ki, o, AMEA İqtisadiyyat İnstitutunda aparılan tədqiqatların nəticələri üzrə xarici ölkələrdə mütəmadi olaraq mühazirələrlə çıxış edir. 2015-ci ildə Tbilisi Dövlət Universitetinin professor-müəllim heyəti qarşısındakı çıxışı həmin Universitetin xaricdən dəvət olunmuş mühazirəçilər üçün tərtib etdiyi reytinqdə birinci olmuşdur.

Kitabları[redaktə | əsas redaktə]

  • Sabah yağış nə rəngdə yağacaq? (Təbiətlə cəmiyyətin qarşılıqlı əlaqəsinin sosial və iqtisadi məsələləri), Bakı, “Gənclik”, 1983. – 140 s (R.M.İmanovla)
  • Экономические отношения в социалистическом природопользовании, Баку, «АзГосИздат», 1987. – 182 стр. (Bu kitaba görə 1988-ci ildə “Azərbaycan komsomolu mükafatı” laureatı olmuşdur)
  • İqtisadi etüdlər, Bakı, “Şuşa”, 1996. – 240 s.
  • Экономические этюды, Баку, «Шуша», 1996
  • Рейтинг Азербайджана (в международных сравнительных исследованиях), Баку, «Кавказ», 2006. – 495 стр.
  • İqtisadiyyat və siyasət, Bakı, “İnam”, 1999. – 50 s.
  • Azərbaycan post-konfilikt ərazilərinin bərpası: konseptual əsaslar, Bakı, “Qafqaz”, 2010. – 270 s. (E.M.İsmayılovla)
  • Basic Principles for the Rehabilitation of Azerbaijan’s Post-Conflict Territories Stockholm, CA&CC Press, 2010. – 221 p. (Təqdimatları və müzakirələri: Böyük Britaniya Parlamentinin Lordlar Palatası (London, Birləşmiş Krallıq), Con Hopkins Universitetinin Mərkəzi Asiya və Qafqaz İnstitutu (Vaşinqton, ABŞ), Avropa Parlamenti (Brüssel, Belçika), Rusiya Dövlət Humanitar Universiteti (Moskva, RF), Karnegi İnstitutunun Rusiya nümayəndəliyi (Moskva, RF). Təqdimat və müzakirələrdə parlament üzvləri, yüksək rütbəli dövlət qulluqçuları, səfirlər, elmi mərkəzlərin, QHT-lərin, işgüzar dairələrin nümayəndələri, jurnalistlər iştirak etmişlər)
  • Концептуальные основы восстановления постконфликтных территорий Азербайджана: Баку, «Кавказ», 2010. – 248 стр.
  • İqtisadiyyatın sosialyönlüyü – sağçı və solçu sistemlərdə, Bakı, “Şərq-Qərb”, 2014. – 270 s.(Bu kitabın ideyaları əsasında AMEA İqtisadiyyat İnstitutu hər il “Dövlətin iqtisadiyyatı tənzimləməsi səviyyəsinin qiymətləndirilməsi” adlı hesabatlar hazırlayır və dərc edir. Kitabda təqdim edilmiş metodologiya əsasında hazırda bir neçə doktorluq və 10-dan artıq fəlsəfə doktorluğu dissertasiyaları yazılmaqdadır.)

Məqalələri[redaktə | əsas redaktə]

  • Political and Economic Development: Correllation in Southern Caucasus İn: Towards Social Stability and Democratic Governance in Central Eurasia. - Amsterdam, IOS Press, 2005.
  • Азербайджан: Общая характеристика, Политика В кн.: Центральная Евразия – Аналитический ежегодник 2005. - CA&CC Press, 2006, Швеция.
  • Azerbaijan: General Overview, Politics In: Central Eurasia – Analytical Annual 2005, 2006, 2007, 2008, 2009. - CA&CC Press, Sweden (Doqquz ölkəni (Azərbaycan, Gürcüstan, Ermənistan, Əfqanıstan, Özbəkistan, Qazaxıstan, Türkmənistan, Qırğızıstan, Tacikistan) ayrı-ayrılıqda təhlil edən bu analitik icmal 2006-2010-cu illərdə dərc edilmiş və 60-dan artıq ölkədə yayılmışdır.Həm Azərbaycan bölməsinin “Ümumi icmal” və “Siyasət” məqalələrinin müəllifi, həm də həmin bölmənin redaktoru olmuşdur.)
  • On the Interrelationship Between Political and Economic Progress in the Central Caucasus. The Caucasus and Globalization (Journal of Social, Political and Economic Studies), 2006, Vol. 1 (1). - CA&CC Press, Sweden.
  • О взаимосвязи политического и экономического прогресса на Центральном Кавказе. Кавказ и Глобализация (Журнал социально-политических и экономических исследований), 2006, Том 1 (1). - CA&CC Press, Швеция.
  • Comparative Economic Competitiveness of the Central Caucasian States. The Caucasus and Globalization (Journal of Social, Political and Economic Studies), 2007, Vol. 1 (4). - CA&CC Press, Sweden.
  • О сравнительной экономической конкурентоспособности государств Центрального Кавказа. Кавказ и Глобализация (Журнал социально-политических и экономических исследований), 2007, Том 1 (4). - CA&CC Press, Швеция.
  • Politico-Economic Complemantarity and Compatibility between GUAM Member States. In: GUAM: From a Tactical Alliance to Strategic Partnership. - Sweden, CA&CC Press, 2008.
  • On the Interrelationship Between Political and Economic Progress in the Central Caucasus. The Caucasus and Globalization (Journal of Social, Political and Economic Studies), 2006, Vol. 1 (1). - CA&CC Press, Sweden.
  • О взаимосвязи политического и экономического прогресса на Центральном Кавказе. Кавказ и Глобализация (Журнал социально-политических и экономических исследований), 2006, Том 1 (1). - CA&CC Press, Швеция.
  • Comparative Economic Competitiveness of the Central Caucasian States. The Caucasus and Globalization (Journal of Social, Political and Economic Studies), 2007, Vol. 1 (4). - CA&CC Press, Sweden.
  • О сравнительной экономической конкурентоспособности государств Центрального Кавказа. Кавказ и Глобализация (Журнал социально-политических и экономических исследований), 2007, Том 1 (4). - CA&CC Press, Швеция.
  • Politico-Economic Complemantarity and Compatibility between GUAM Member States. In: GUAM: From a Tactical Alliance to Strategic Partnership. - Sweden, CA&CC Press, 2008.
  • Политико-экономическая взаимодополняемость и совместимость государств-членов ГУАМ. ГУАМ: от тактического альянса к стратегическому партнерству. – Швеция, CA&CC Press, 2008.
  • Economic Reform in Azerbaijan: Achievements and Problems. The Caucasus and Globalization (Journal of Social, Political and Economic Studies), 2008, Vol. 2 (4). - CA&CC Press, Sweden.
  • Экономическая трансформация в Азербайджане: достижения и проблемы. Кавказ и Глобализация (Журнал социально-политических и экономических исследований), 2008, Том 2 (4). - CA&CC Press, Швеция.
  • The Rehabilitation of the Post-Conflict Territories. The Caucasus and Globalization (Journal of Social, Political and Economic Studies), 2009, Vol. 3 (2-3). - CA&CC Press, Sweden.
  • К вопросу о восстановлении постконфликтных территорий. Кавказ и Глобализация (Журнал социально-политических и экономических исследований), 2009, Том 3 (2-3). - CA&CC Press, Швеция.
  • “Satiety Diseases” (Redressing the Balance Between Economic and Social Development in Azerbaijan). Central Asia and The Caucasus (Journal of Social and Political Studies), 2012, Vol. 13, Issue 2. - CA&CC Press, Sweden.
  • «Болезни сытости» (о равновесии между экономическим и социальным развитием в Азербайджане). Центральная Азия и Кавказ (журнал социально-политических исследований), 2012, Том 15, выпуск 2. - CA&CC Press, Швеция.

Çıxışları[redaktə | əsas redaktə]

  • On üç ilin yekunları: İqtisadiyyat. İqtisadi İnkişaf Nazirliyinin əməkdaşları üçün mühazirə. – Bakı, 2004 (Bu mühazirə Avropa İttifaqının “Azərbaycanda iqtisadi islahatlara dəstək” Proqramı çərçivəsində AR Nazirlər Kabinetinin, müxtəlif nazirlik və dövlət komitələrinin işçiləri üçün oxunmuş onlarla mühazirə və məruzələrə bir nümunədir.)
  • Fifteen Years of Azerbaijan’s Independence: Economic Outcomes International Conference “Post-Soviet Transition in the Southern Caucasus” – Ankara (Turkey), 2007.
  • Economic Transformation in Azerbaijan: Achievements, Weaknesses and ChallengesInternational Conference “Transformation and Integration for Caucasian Stability and Development: Caucasian Future”, Brussels (Belgium), 2008.
  • Фактическая и потенциальная экономическая взаимодополняемость государств-членов ГУАМ. Международная конференция «Стратегия развития ГУАМ». – Баку, Министерство Иностранных Дел, 2008.
  • Beynəlxalq müqayisələr: metodologiya, nəticələr, tövsiyələr. ADA Universitetində mühazirə. – Bakı, 2009.
  • Recent Security Challenges of the Central Caucasian Nations. Lecture at L’Institut de Recherche sur la Gouvernance. – Paris (France), 2009.
  • “Toxluq” xəstəlikləri: iqtisadi və sosial inkişaf arasında müvazinət. Birinci Beynəlxalq Humanitar Forum. – Bakı, 2011.
  • Azərbaycanda iqtisadi və sosial inkişaf arasında müvazinət: yaxın gələcəyin vəzifələri. İkinci Beynəlxalq Humanitar Forum. – Bakı, 2012.
  • Azərbaycan iqtisadiyyatı: orta və uzun müddətli gələcəyin hədəfləri. Üçüncü Beynəlxalq Humanitar Forum. – Bakı, 2013.
  • The post-conflict Karabakh: the rehabilitation and development strategy. International Conference “Conflicts in the Caucasus: History, Present and Prospects for Resolution”. – Tbilisi, 2013.
  • Azərbaycan iqtisadiyyatının strateji struktur prioritetləri. AMEA İqtisadiyyat İnstitutu Elmi Şurasında məruzə. – Bakı, 2014.
  • Milli sərvət, maddi istehsal, dəyər və iqtisadi inkişaf strategiyaları. Beynəlxalq konfrans “Siyasi iqtisad – 400”. – Bakı, ADİU, 2015.
  • Potensial müqayisəli üstünlük sahələri və vergi siyasətinin strateji prioritetləri. AR Vergilər Nazirliyinin Elmi-praktik konfransı. – Şamaxı (Azərbaycan), 2015.
  • Liberal iqtisadi islahatlar və post-neft iqtisadiyyatının inkişaf perspektivləri. AMEA Rəyasət Heyətinin geniş iclasında məruzə. – Bakı, 2016.
  • IL(R)E – 2015: Government Interference in Economy (Measurement Methodology and Outcomes) Lecture at the Institute of Economics, Chinese Academy of Social Sciences. – Beijing (CPR), 2016 (AMEA İqtisadiyyat İnstitutunda aparılan tədqiqatın nəticələri üzrə mühazirə.)

İstinadlar[redaktə | əsas redaktə]