Nazim Abbasov

Vikipediya, açıq ensiklopediya
Jump to navigation Jump to search
Picto infobox character.png
Nazim Abbasov
Abbasov Nazim Tanrıverdi oğlu
Doğum tarixi 1 aprel 1930 (1930-04-01) (89 yaş)
Doğum yeri Azərbaycan Resp.,Ağstafa rayonunun Marksovka (indiki Xətai) kəndi
Vəfat tarixi 19 noyabr 2004 (74 yaşında)
Vətəndaşlıq Flag of Azerbaijan.svg Azərbaycan
Elm sahəsi Riyaziyyat
İş yeri Azərbaycan Dövlət Universiteti
Elmi dərəcəsi Riyaziyyat elmləri doktoru
Elmi adı professor
Elmi rəhbəri prof. B.A. Rozenfeldin

Abbasov Nazim Tanrıverdi oğlu — Riyaziyyat elmlər doktoru, professor.

Həyatı[redaktə | əsas redaktə]

Abbasov Nazim Tanrıverdi oğlu 1930-cu il aprel ayının 1-də Azərbaycan SSR Ağstafa rayonunun Marksovka (indiki Xətai) kəndində anadan olmuşdur.Abbasov Nazim 1949-cu ildə S.M. Kirov adına 22 saylı Ağstafa dəmir yol orta məktəbini qızıl medalla bitirib. O, 1949-cu ildə S.M. Kirov adına Azərbaycan Dövlət Universitetinin fizika-riyaziyyat fakültəsinə daxil olmuşdur. 1954-cü ildə Universiteti bitirib riyaziyyatçı ixtisasına yiyələnmişdir. 1954-1957-ci illər ərzində S.M. Kirov adına Azərbaycan Dövlət Universitetinin həndəsə ixtisası üzrə aspirantı olmuşdur. Abbasov Nazim Tanrıverdi oğlu 2004-cü il noyabr ayının 19-da vəfat etmişdir.

Elmi fəaliyyətləri[redaktə | əsas redaktə]

Abbasov Nazim 1959-cu ildə S.M. Kirov adına Azərbaycan Dövlət Universitetinin Elmi Şurasında professor B.A. Rozenfeldin elmi rəhbərliyi altında ”Kvazi qeyri-evklid fəzaların hərəkətləri qrupunun spin təsviri” mövzusunda namizədlik dissertasiyasını müdafiə edərək fizika-riyaziyyat elmləri namizədi elmi dərəcəsini almışdır. Nazim Abbasovun rəsmi opponentləri f-r.e.d., prof. N.Y. Vilenkin və f-r.e.n., dos. B.M. Yusifzadə olmuşdular. Abbasov Nazim 1964-cü ildə ”Həndəsə və cəbr” kafedrası üzrə dosent, 1978-ci ildə isə ”Həndəsə” kafedrası üzrə professor elmi adlarına layiq görülmüşdür. Nazim Abbasov 1957-1959-cu illərdə Azərbaycan Dövlət Universitetinin ”Həndəsə və cəbr” kafedrasında assistent, 1959-1964-cü illərdə baş müəllim, 1965-1978-ci illər ərzində dosent, 1972-2004-cü illərdə ”Həndəsə” kafedrasının müdiri və, eyni zamanda, 1978-2004-cü illərdə həmin kafedranın professoru vəzifələrində çalışmışdır. Səhhəti ilə əlaqədar olaraq 2004-cü ildə ”Həndəsə” kafedrasında professor-məsləhətçi vəzifəsinə keçirilmişdir. 1980-cı ildə Azərbaycan Dövlət Universitetinin 60 illiyinə həsr olunmuş xatirə medalı və nişanı, 2000-ci ildə isə Azərbaycan Respublikasının Təhsil Nazirliyinin Fəxri Fərmanı ilə təltif olunmuşdur.

Əsas elmi nailiyyətləri[redaktə | əsas redaktə]

”Kvazi qeyri-evklid fəzaların hərəkətləri qrupunun spin təsviri”