Nazim Cəbrayılov (şəhid)

Vikipediya, azad ensiklopediya
Jump to navigation Jump to search
Nazim Cəbrayılov
Nazim Cəbrayılov (şəhid).jpg
200px
Doğum tarixi 2 mart 1949(1949-03-02)
Doğum yeri Ağdam, Azərbaycan SSR
Vəfat tarixi 18 aprel 1994 (45 yaşında)
Vəfat səbəbi Şəhid olmuşdur
Atası İbrahim Cəbrayılov
Fəaliyyəti Hərbçi
Mükafatları Azərbaycan Bayrağı ordeni - lent (1993-2013).png

Nazim Cəbrayılov (tam adı: Nazim İbrahim oğlu Cəbrayılov; d. 02.03.1949 Ağdam, Azərbaycan SSR – ö. 18.04.1994) — “Azərbaycan Bayrağı” ordeni ilə təltif edilmiş hərbçi, şəhid.

Həyatı[redaktə | əsas redaktə]

Nazim Cəbrayılov 1949-cu il martın 2-də Ağdam şəhərində anadan olub. Ağdam şəhər 1 nömrəli orta məktəbi bitirən Nazim Cəbrayılov 1966-cı ildə Azərbaycan Xalq Təsərrüfatı İnstitutuna (indiki Azərbaycan Dövlət İqtisad Universiteti) daxil olub. İnstitutu bitirdikdən sonra təyinatla Türkmənistanın Aşqabad şəhərinə göndərilib. Aşqabad şəhər DİŞ-nin SƏDM bölməsində işləyib. Daha sonra Kalininqrad Milis Məktəbində oxuyan Nazim Cəbrayılov ikinci ixtisas diplomu alıb. Bir müddət işlədikdən sonra vətənə qayıdıb və 2711 nömrəli hərbi avtomobil dəstəsində hərbi mühəndis vəzifəsində çalışıb.

Fəaliyyəti[redaktə | əsas redaktə]

1988-ci ilin Ermənistanın Azərbaycan torpaqlarına hücumundan sonra baş leytenant Nazim Cəbrayılov Azərbaycanın ərazi bütövlüyünün müdafiəsi üçün hərbi xidmətə yollanıb.O, Müdafiə Nazirliyinin əmri ilə taqım komandiri təyin edilib.

1994-cü il aprelin 13-də göstərdiyi böyük hünər və şücaətdən sonra Nazim Cəbrayılov vaxtından əvvəl kapitan rütbəsinə təqdim edilib. Lakin bu rütbəni daşımaq ona nəsib olmayıb. Həmin il aprelin 18-i Nazim Cəbrayılov və onun əsgərləri döyüşdə şəhid olublar.[1]

Təltif və mükafatları[redaktə | əsas redaktə]

Şəxsi şücaət və qəhrəmanlığına görə Azərbaycan Respublikasının Prezidenti Heydər Əliyevin sərəncamı ilə Nazim İbrahim oğlu Cəbrayılov "Azərbaycan Bayrağı" ordeni ilə təltif edilib.[2]

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]