Nazo Dharejo
 | Bu məqalədə daxili keçidlərin artırılmasına ehtiyac var. (fevral 2023) |
 |
| Nazo Dharejo | |
|---|---|
| نازُو ڌَاريجو | |
| Şəxsi məlumatlar | |
| Doğum tarixi | |
| Fəaliyyəti | siyasətçi |
Nazo Dharejo (sind dlində: نازُو ڌَاريجو, Naz Muxtiyar Dharejo və Vaderi Nazo Dharejo kimi də tanınır; 1977) — Pakistanlı fəal və siyasətçi. Onun öz kişi qohumlarına qarşı təsərrüfat torpağını müdafiə etməsi "Pakistanın ən mübariz qadını" ünvanı almasına və haqqında 2017-ci ildə "Mənim saf yurdum" filminin çəkilməsinə səbəb olmuşdur.
Haqqında[redaktə | mənbəni redaktə et]
Nazo Dharejonun atası Hacı Xuda Bukş Xan Dharejo Zəmindar ailəsindən olan torpaq sahibi idi. Onun Pakistanın Sind əyalətində şəxsi təsərrüfat ərazisi var idi. Nazo Dharejo onun ikinci arvadından - Vaderi Jmzadidən olan ən böyük qızı idi. O, Qazi Əhməddə havelidə doğulmuşdur. Hacı Xuda Bukş Xan Dharejo qızları üçün müəllimlər işə götürərək onlara Sind dili ilə yanaşı urdu və ingilis dillərini də öyrətmişdi. Nazo Dharejo daha sonra Sind Universitetində iqtisadiyyat elmləri üzrə bakalavr dərəcəsini alır.[1]
Hacı Xuda Bukş öz qızlarını oğlu kimi böyüdür və odlu silahlardan istifadə etməyi öyrədir ki, ehtiyac yarananda öz ailə torpaqlarını müdafiə etsinlər. Hacı Xuda Bukşun atasının (Nazo Dharejonun babası) 4 həyat yoldaşı və bir neçə oğul övladı var idi. Babanın ölümü ilə varislər arasında güclü mübahisələr yarandı. Nazo Dharejonun yeganə qardaşının öldürülməsindən sonra bəzi kişi qohumları Nazo Dharejonun anası və bacıları ilə yaşadığı torpağı ələ keçirməyə çalışdılar. Nazo Dharejo bacıları və əri Zülfüqar Dharejo ilə birlikdə təslim olmaq əvəzinə öz torpaqlarını silahları ilə qorudular. Nazo Dharejonun kişi qohumları 200 silahlı quldur muzdlu tutub 2005-ci lin avqustunda gecə ilə onların fermasına hücum təşkil etdilər. Nazo Dharejo onlara qarşı silahlı mübarizəyə başladı. Onlar əraziyə yaxınlaşanda Kalaşnikov silahlarından atəşə başladı. "Sinqapur Strayts Tayms" qəzetinn verdiyi məlumata görə, "Bu silahı mübarizə ona "Pakistanın ən mübariz qadını" ünvanını qazandırdı. Bu silahlı hücum sonrası hüquqi mübarizədə də Dharejo və onun ailəsi təzminat kimi yarım milyon rupi ($ 6 459) qazandı.[1]
Nazo Dharejo Muxtiyar Nazo Dharejo adı ilə Pakistan Müsəlman Liqası partiyası tərkibində aktiv siyasi fəaliyyət göstərir.[2]
Mənim saf yurdum[redaktə | mənbəni redaktə et]
2012-ci ildə qəzet səhifələrində "Nazo Dharejonu tanıyınː Sinddə ən mübariz qadın" başlıqlı yazını oxuduqdan sonra Britaniyanın Pakistan əsilli kinorejissoru Sarmad Məsud onun ailə ərazilərini müdafiə etməsi barədə film çəkmək istəmişdir. Film əvvəlcə urdu, daha sonra Sind dilində çəkilmişdir.
Sindli klassik rəqqas Suhaee Abro Nazo Dharejonun baş rolunun ifaçısı oldu. Məsud bu filmi "Pakistanda müasir qərb feminizmi şəbəkəsində öz ailəsini və torpağını 200 quldurdan qoruyan bir qadın və onun ailəsinin real tarixinə əsaslandığını" qeyd edir.[3]
İstinadlar[redaktə | mənbəni redaktə et]
- ↑ 1,0 1,1 ""Story of Pakistani woman who faced down 200 armed men now bidding for Oscars glory". Straits Times. 25 November 2017". 17 February 2022 tarixində arxivləşdirilib. İstifadə tarixi: 30 November 2019.
- ↑ "Chandio, Ramzan (5 April 2013). "PML-N women workers burst against 'nepotism' in selections". NAWAIWAQT GROUP OF NEWSPAPERS. The Nation". 22 June 2015 tarixində arxivləşdirilib. İstifadə tarixi: 30 November 2019.
- ↑ "Carter, Ashley (7 September 2017). "Interview: My Pure Land director Sam Masud". LeftLion". 17 February 2022 tarixində arxivləşdirilib. İstifadə tarixi: 30 November 2019.