Qafqaz derbisi (Ararat–Neftçi)

Qafqaz derbisi
Neftçi PFK Ararat
Ümumi məlumatlar
Digər adı	Qafqaz derbisi
İdman	Futbol
Yer	Bakı İrəvan
Komandalar	Neftçi Ararat
İlk qarşılaşma	Neftyanik 2-1 Dinamo (1949)
Ən son qarşılaşma	Neftçi 1-1 Ararat (1988)
Stadionlar	Tofiq Bəhramov adına Respublika Stadionu Hrazdan stadionu
Statistika
Ümumi qarşılaşmalar	72
Ən çox qələbə	Ararat (29)
Ən böyük qələbə	Ararat 6-1 Neftçi

Ararat–Neftçi — SSRİ dövründə Azərbaycan təmsilçisi "Neftçi" və Ermənistan təmsilçisi "Ararat" klublarının mübarizəsi. Bu komandalar arasındakı qarşılaşmalar həmişə prinsipial xarakter daşımışdır.

Ölkə miqyaslı uğurların müqayisəsi

Bu müqayisədə Ararat Yerevan klubunun açıq-aşkar üstünlüyü vardır:

Neftçi Bakı klubunun uğurları

• SSRİ çempionatı:
  • Bürünc medal (1) — 1966
• SSRİ Kuboku:
  • 1/2 finalçı (4) — 1967, 1968, 1970, 1971
• SSRİ Futbol Federasiyasının Kuboku:
  • Finalçı (1) — 1988

Ararat Yerevan klubunun uğurları

• SSRİ çempionatı:
  • Qızıl medal (1) — 1973
  • Gümüş medal (2) — 1971, 1976 (yaz mövsümü)
• SSRİ Kuboku:
  • Qalib (2) — 1973, 1975
  • Finalçı (2) — 1954, 1976

Qitə miqyaslı uğurların müqayisəsi

Neftçi Bakı klubunun SSRİ dövründə qitə miqyaslı heç bir uğuru olmamışdır. Ararat Yerevan klubu isə üç dəfə qitə kuboklaında iştirak etmişdir. Hətta bir dəfə Bayern Münhen klubunun 1:0 hesabı ilə məğlub etməyi də bacarmışdı. Bu nəticə UEFA Çempionlar Kuboku 1974/1975 mövsümünün 1/4 finalında qeydə alınmışdır.

Şəxsi oyunların statistikası

SSRİ çempionatlarında

SSRİ çempionatlarının güclülər və birinci dəstəsində, həmçinin kubok yarışlarında, ümumilikdə 72 oyunda üz-üzə gəliblər. 19 dəfə Neftçi Bakı, 29 dəfə isə Ararat Yerevan qalib olub və 24 matçda bərabərlik qeydə alınıb. Top fərqi də 88–64 Ararat Yerevan klubunun xeyrinədi. Ararat Yerevan klubunun ən böyükhesablı qələbəsi 1981-ci ildə İrəvanda 6:1 hesabı ilə qalib gəlmələridi. Neftçi Bakı isə 1983-cü ildə Bakıda 3:0 hesabıyla rəqibini darmadağın edib.

Ararat Yerevan SSRİ-nin ən güclü klubları arasında yer aldığı dövrlərdə Neftçi Bakı qarşısında heç vaxt böyük üstünlüyə malik olmayıb. SSRİ çempionatının elitasında bakılılar mümkün qədər Ararat Yerevan klubuna qarşı uğurla mübarizə aparıb. Elitada onlar 44 dəfə qarşılaşıb. Bu oyunların 16-da ermənilər, 12-də azərbaycanlılar qalib gəlib. Top fərqi 27–10 bakılıların xeyrinədi.

Ararat Yerevan ənənəvi olaraq xüsisilə Bakıda mütəmadı olaraq xal itkisinə məruz qalıb. İrəvan klubu ən uğurlu illərində belə Bakıda qələbəyə həsrət qalıb. Yalnız iki dəfə – 1982-ci ildə 1:0, 1984-cü ildə 2:0 hesabı ilə Neftçi Bakı klubunu Respublika stadionunda məğlub etməyi bacarıblar. Hər iki halda Bakıda böyük iğtişaşlar baş vermişdir. Paytaxdakı 22 oyunda Neftçi Bakı 11 dəfə qalib gəlib, 9 dəfə bərabərlik qeydə alınmışdır.

Bakılılar isə komandalar arasında 1963-cü ildə İrəvanda keçirilən oyunda 2:1 hesablı qalibiyyət sevinci yaşayıb. Düzdü, bundan sonra "neftçilər" səfərdə qələbə üzü görməyib. İrəvandakı 22 qarşılaşmaların balansı 14–1 meydan sahiblərinin xeyrinədi. 7 dəfə rəqiblər xalları yarı bölüb. Top fərqində də 38–12 ermənilərin üstünlüyü var.

SSRİ çempionatının güclülər dəstəsində keçirilən bütün oyunlar

#	Tarix	Turnir	Ev sahibi	Qonaq	Hesab
1	1949		Neftyanik	Dinamo	2:1
2	1949		Dinamo	Neftyanik	1:0
3	1950		Dinamo	Neftyanik	2:2
4	1950		Neftyanik	Dinamo	1:1
5	1963		Neftyanik	Ararat	2:0
6	1963		Ararat	Neftyanik	1:2
7	1966		Ararat	Neftyanik	2:0
8	1966		Neftyanik	Ararat	0:0
9	1967		Neftyanik	Ararat	1:0
10	1967		Ararat	Neftyanik	2:1
11	1968		Neftçi	Ararat	2:0
12	1968		Ararat	Neftçi	4:1
13	1969		Neftçi	Ararat	2:0
14	1969		Ararat	Neftçi	1:0
15	1970		Neftçi	Ararat	3:0
16	1970		Ararat	Neftçi	3:0
17	1971		Ararat	Neftçi	2:1
18	1971		Neftçi	Ararat	0:0
19	1972		Neftçi	Ararat	1:1
20	1972		Ararat	Neftçi	4:2
21	1977		Neftçi	Ararat	1:1
22	1977		Ararat	Neftçi	1:1
23	1978		Ararat	Neftçi	1:0
24	1978		Neftçi	Ararat	2:0
25	1979		Ararat	Neftçi	0:0
26	1979		Neftçi	Ararat	4:2
27	1980		Neftçi	Ararat	1:0
28	1980		Ararat	Neftçi	1:1
29	1981		Neftçi	Ararat	0:0
30	1981		Ararat	Neftçi	6:1
31	1982		Ararat	Neftçi	3:0
32	1982		Neftçi	Ararat	0:1
33	1983		Neftçi	Ararat	3:0
34	1983		Ararat	Neftçi	1:0
35	1984		Neftçi	Ararat	0:2
36	1984		Ararat	Neftçi	2:0
37	1985		Neftçi	Ararat	1:0
38	1985		Ararat	Neftçi	0:0
39	1986		Neftçi	Ararat	0:0
40	1986		Ararat	Neftçi	0:0
41	1987		Ararat	Neftçi	1:0
42	1987		Neftçi	Ararat	0:0
43	1988		Ararat	Neftçi	0:0
44	1988		Neftçi	Ararat	1:1

Qeyd: Bir müddət "Neftçi"nin adı "Neftyanik", "Ararat"ın adı isə "Dinamo" olmuşdur.

SSRİ kubokunda

Kubok oyunları çərçivəsində keçirilən qarşılaşmalarada Neftçi Bakı lap əvvəldən ən prinsipial rəqibi olan ermənilərə qarşı uğursuz çıxış edib. 5 oyunun 4-də uduzub, yalnız bircə dəfə heç-heçə oynayıb.

Mənbə

• Elsevər PAŞAYEV. "Azərbaycan və Ermənistan: "Neftçi" – "Ararat"dan tutmuş, Foqtsun uğuruna düşən kölgəyədək". azfutbol.com Arxivləşdirilib 2016-03-05 at the Wayback Machine (az.)

Xarici keçidlər

• "
• Статистика встреч Нефтчи (Баку), СССР – Арарат (Ереван), СССР