Məzmuna keç

Nevill Goddard

Vikipediya, azad ensiklopediya

Nevill Qoddard (19 fevral 1905[1], Barbados – 1 oktyabr 1972[1], Los-Anceles, Kaliforniya[1]) Barbadoslu yazıçı, natiq və mistik idi. Barbadosda böyüyüb və gənc yaşlarında ABŞ-a köçmüşdü. O, insan təxəyyülünün hər şeyə, deməli, Tanrı olduğuna dair iddiasını sınamaq üçün müxtəlif özünə kömək üsullarını öyrətmişdi. O, Müqəddəs kitabı və Vilyam Bleykin poeziyasını yenidən şərh etməklə populyarlıq qazanmışdır.

Nevill Qodvard
Doğum tarixi 19 fevral 1935-ci il
Doğum yeri Barbados, Böyük Britaniya
Vəfat tarixi 1 oktyabr, 1972-ci il
Vəfat yeri Kaliforniya (ABŞ)
Dəfn yeri Sent Maykl, Barbados
İxtisası Yazıçı(Özünü inkişaf və Bibliyanın izahı ilə bağlı)
Fəaliyyəti müəllif, mühazirəçi

Erkən həyatı

[redaktə | vikimətni redaktə et]

Nevill Lanselot Qoddard 19 fevral 1905-ci ildə Barbadosun Fontabelle şəhərində tacir Cozef Nataniel Qoddard və Vilhelmina Qoddard ailəsində anadan olmuşdur.[2] Nevill on uşaqdan dördüncüsü idi. O, həmçinin kriketçi və iş adamı Con Qoddardın böyük qardaşı idi. 1922-ci ildə, 17 yaşında ikən Goddard dram öyrənmək üçün Nyu-Yorka mühacirət etmiş və teatr karyerasına 1925-ci ildə Nyu Yorkdakı Hippodromda rəqqas kimi başlamışdır.[3][4] 1929-1936-cı illər arasında Nyu-Yorkda Abdulla adlı bir Efiopiyalı yəhudi ona mentorluq etmişdir. Bu müddət ərzində Abdulla onu Kabbala ilə tanış etmiş və ona İbrani dilini öyrətmişdir. Yeni Düşüncə (New Thought) axınının müəllifi Cozef Merfi də Abdullanı müəllimi kimi qəbul etmişdir.[5] 1942-ci ildə, 37 yaşında ABŞ ordusuna çağırılmış və Luiziana ştatının Kamp Polk şəhərində 11-ci Zirehli Diviziyada xidmət etmişdir. Cəmi 9 ay xidmət etdikdən sonra o, batalyon komandiri polkovnik kiçik Teodor Bilbou tərəfindən ehtiyata buraxılmışdır. Ordudakı bu qısa müddət xidmətdən sonra o, Amerika Birləşmiş Ştatların vətəndaşlığını almışdır, halbuki bu vaxta qədər o Britaniya vətəndaşı idi.[6][7][8]

Karyerası

[redaktə | vikimətni redaktə et]

Qoddardın ən erkən karyerası peşəkar rəqqas kimi olmuşdur. Birləşmiş Krallıqda rəqs şirkəti ilə qastrol səfərində olarkən, şotlandiyalı Artur Beqbi ilə tanış olduqdan sonra metafizikaya marağı yaranmışdır. Beqbi Nevilə ilk dəfə spiritizm seansı təcrübəsini yaşatmışdır. Nyu-Yorka qayıtdıqdan sonra Qoddard Rosikrusian cəmiyyətinə qoşulmuşdur. 1938-ci ilin fevralından isə Nyu-Yorkdakı Köhnə Aktyorlar Kilsəsində mühazirə oxumağa başlamışdır. ABŞ-də səyahət etdikdən sonra, Nevill 1952-ci ildə Los-Ancelesdə məskunlaşmışdır. 1950-ci illərin əvvəllərindən Qoddard The Town Hall-da dini mövzularda mühazirə oxumağa başlamışdır.[9][10] 1931-ci ildə etdiyi "Xəyal və İnam" adlı mühazirəsində o, televiziyadakı qısa karyerasından danışmışdır: "Mən indi etdiyim işi etdim, mənə kürsü verdilər, sadəcə bir masada oturub danışdım." Məhz 1950-ci illərin ortalarında o, televiziyada qısa müddətə fəaliyyətə başlamışdır. Los-Ancelesdə 11-ci kanalda hər bazar günü saat 14:00-14:30 arasında yayımlanan yarım saatlıq 26 şousu var idi. Şoular sadə idi, Qoddardın televiziya tamaşaçılarına bibliya ezoterizmi haqqında çıxışlarından ibarət idi. Proqram orta hesabla həftədə 300.000-dən çox tamaşaçı auditoriyası əldə edirdi. Kanal 11 Studiyası tamaşaçıları müvafiq reklamla təmin edə bilmədiyi üçün, şou ləğv edildi. 1954-cü ildə Qoddardın "metafizik telefilm şousu" planlaşdırdığı bildirilmişdi, baxmayaraq ki, layihənin həyata keçib-keçməyəcəyi bəlli deyildi. 1960-cı illərdə və 1970-ci illərin əvvəllərində o, mühazirələrinin çoxunu yalnız Los-Anceles, San Fransisko və Mayami şəhərlərində deyirdi.[11][12]

Mirası

[redaktə | vikimətni redaktə et]

Conatan L. Valton iddia edirdi ki, daha çox Möhtərəm Ayk kimi tanınan Frederik Eyerenkotter, Qoddardın ideyalarına əsaslanan nəzəriyyə və təlimləri qəbul etmişdir. Ronda Birn və Vayn Dayer Qoddardın onların fikirlərini formalaşdırdıqlarını deyirdilər. Karlos Kastanyedanın keçmiş həyat yoldaşı və daha sonra bioqrafı olan Marqaret Ranyan Kastanyeda Qoddarın yaradıcılığı ilə maraqlanır və Kastanyedanı onun ideyaları ilə tanış etmişdi."[13][14]

Şəxsi həyatı

[redaktə | vikimətni redaktə et]

Qoddard 1923-cü ildə Mildrid Meri Hyuqs ilə evlənmişdir. Hyuqs 29 mart 1901-ci ildə İngiltərənin Lankaster və Blekbörn şəhərlərində anadan olmuş və 9 noyabr 1979-cu ildə Nyu-Yorkda vəfat etmişdir. 1942-ci ildə Qoddard ikinci dəfə Katerina Vil Van Şmus ilə evlənmişdir.[15] Van Şmus 2 fevral 1907-ci ildə Nyu-Cersidə anadan olmuş və 1 yanvar 1975-ci ildə Kaliforniyanın Los-Anceles şəhərində vəfat etmişdir.[16] Onların 28 iyun 1942-ci ildə anadan olan Viktoriya Qoddard adlı bir qızı var idi.[17]

Öümü

[redaktə | vikimətni redaktə et]

Qoddard 1 oktyabr 1972-ci ildə 67 yaşında qida borusunun yırtılmasına görə vəfat etmişdir.[18] 2022-ci ildə tarixçi Mitç Horovits əvvəlcə infarkt kimi səhv göstərilən ölüm səbəbi ilə bağlı qeydləri düzəltmişdir.[19] Müəllifin ölüm şəhadətnaməsində qida borusunun yırtılması kimi göstərmişdir. O, təxminən 20 il Los-Ancelesdə yaşamışdır.[20]

Əsərləri

[redaktə | vikimətni redaktə et]
  • Sizin əmrinizdə (1939; Qoddard Nəşrləri)
  • İnancınız sizin sərvətinizdir (1941; Qoddard Nəşrləri)
  • Hamı üçün azadlıq — Müqəddəs Kitabın praktik tətbiqi (1942; Qoddard Nəşrləri)
  • Hiss sirrdir (1944; Qoddard Nəşrləri)
  • Dua — inanma sənəti (1946; Qoddard Nəşrləri)
  • Bu dünyanın xaricində (1949; Qoddard Nəşrləri)
  • Şüurun gücü (1952; naməlum)
  • Təsəvvürdən yaradıcı istifadə (1952; Qoddard Nəşrləri)
  • Oyanmış təxəyyül (1954; DeVorss & Company)
  • Əkin zamanı və məhsul yığımı (1956; DeVorss & Company)
  • Mən atamı tanıyıram (1960; DeVorss & Company)
  • Qanun və vəd (1961; DeVorss & Company)
  • O, qabığı qırır (1964; DeVorss & Company)
  • Dirilmə (1966; DeVorss & Company)

İstinadlar

[redaktə | vikimətni redaktə et]
  1. 1 2 3 Deutsche Nationalbibliothek Record #1025869966 // Gemeinsame Normdatei (alm.). 2012—2016.
  2. ↑ Goddard, Richard. "John D. C. Goddard 1919-1987" (PDF). The Goddard Association of Europe. İstifadə tarixi: 9 oktyabr 2023.
  3. ↑ Regardie, Israel. The Romance Of Metaphysics: An Introduction To The History, Theory And Psychology Of Modern Metaphysics. The Aries Press, Chicago. 1946. 91–108.
  4. ↑ "Where Neville Goddard Lived in New York and West Hollywood". Coolwisdombooks.com. 21 sentyabr 2024 tarixində arxivləşdirilib. İstifadə tarixi: 8 oktyabr 2023.
  5. ↑ "Before Neville Goddard: Modeste Abdallah Guillaume". Cool Wisdom Books.
  6. ↑ Cantin, Bernard. Joseph Murphy se raconte à Bernard Cantin (fransız). Saint-Hubert, Québec: Éditions Un Monde différent. 1987. ISBN 9782892251210.
  7. ↑ "The Final Link to 30 West 72nd". Cool Wisdom Books.
  8. ↑ Horowitz, Mitch. Magician of the Beautiful : an Introduction to Neville Goddard. G & D Media. 2019. ISBN 9781722523879.
  9. ↑ "Rochester Dancer Said to Resemble Rudolph Valentino". The Pittsburgh Press. 14 noyabr 1926. səh. 108.
  10. ↑ "Rochester Dancer Said to Resemble Rudolph Valentino". Democrat and Chronicle. Rochester, New York. 15 yanvar 1930. səh. 15.
  11. ↑ Beronius, George L. "Neville Goddard; Religious Topics Author-Speaker". Los Angeles Times. 7 iyul 1951. səh. A2. ProQuest 166277786.
  12. ↑ "Timeline of Neville Goddard's Lecture Venues and Appearances". Cool Wisdom Books. İstifadə tarixi: 1 fevral 2026.
  13. ↑ Goddard, Your Faith Is Your Fortune (1941)
  14. ↑ Goddard, Out of This World (1949)
  15. ↑ "Neville Goddard: Marriages, Children and Family Tree: Research Notes". Cool Wisdom Books (ingilis). 12 sentyabr 2021. 16 noyabr 2024 tarixində arxivləşdirilib. İstifadə tarixi: 8 iyul 2025.
  16. ↑ "In Memory of Victoria Goddard, Daughter of Neville Goddard (1942–2024)". Cool Wisdom Books (ingilis). 22 dekabr 2024. İstifadə tarixi: 25 oktyabr 2025.
  17. ↑ "Neville Goddard: Marriages, Children and Family Tree: Research Notes". Coolwisdombooks.com. 16 noyabr 2024 tarixində arxivləşdirilib. İstifadə tarixi: 8 oktyabr 2023.
  18. ↑ "Neville Goddard; Religious Topics Author-Speaker". The Los Angeles Times. Los Angeles, CA. 4 oktyabr 1972. İstifadə tarixi: 21 may 2024.
  19. ↑ Horowitz, Mitch. Neville Goddard's Final Lectures. G&D Media. 2022. 17. ISBN 978-1-7225-0099-3.
  20. ↑ "Neville Goddard; Religious Topics Author-Speaker". en:Los Angeles Times. 4 noyabr 1972. səh. C3. ProQuest 157086265.

Ədəbiyyat

[redaktə | vikimətni redaktə et]
  1. Goddard, Richard. "John D. C. Goddard 1919-1987" (PDF). Avropa Goddard Assosiasiyası. 9 oktyabr 2023-cü ildə alınıb.
  2. Regardie, Israel (1946). Metafizikanın Romantikası: Müasir Metafizikanın Tarixi, Nəzəriyyəsi və Psixologiyasına Giriş. Aries Press, Çikaqo. səh. 91–108.
  3. "Neville Goddard Nyu Yorkda və Qərbi Hollivudda yaşadığı yer". Coolwisdombooks.com. 8 oktyabr 2023-cü ildə alınıb.
  4. Horowitz, Mitch (2019). Gözəlliyin sehrbazı: Neville Goddard-a giriş. G&D Media.
  5. Beroni, George L. (7 iyul 1951). "Neville Goddard; Dini Mövzular üzrə Müəllif-Natiq". Los Angeles Times. səh. A2.
  6. "Neville Kontur Seriyası". The Hollywood Reporter. 130 (30): 4. 30 iyul 1954.
  7. Walton, Jonathan L. (2011). "İncilin (və Qara Bədənin) Yaşıllaşdırılması: Möhtərəm Ikenin Sərvət İncili və Qaradan Sonra İlahiyyat". Pnevma.
  8. Horowitz, M. (2019). "Yeni dövr və qnostisizm: ümumilik şərtləri". Gnosis: Gnostik Araşdırmalar Jurnalı. 4 (2): 191–215
  9. Castaneda, Margaret Runyan (1997). Carlos Castaneda ilə Sehrli Səyahət. Millenia Press, Victoria, BC.
  10. "Neville Goddard: Evliliklər, Uşaqlar və Ailə Ağacı: Tədqiqat Qeydləri".
  11. "Neville Goddard; Dini Mövzular üzrə Müəllif-Natiq". Los Angeles Times. Los Anceles, Kaliforniya. 4 oktyabr 1972. Alındı 21 may 2024.
  12. Horowitz, Mitch (2022). Neville Goddardın son mühazirələri. G&D Media. səh. 17.
  13. "Neville Goddard; Dini Mövzular üzrə Müəllif-Natiq". Los Angeles Times. 4 noyabr 1972. səh. C3.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Nevill_Goddard&oldid=8841743"