Niftulla Əsgərov

Niftulla Əsgərov
Niftulla Əsgərov
	Niftulla Fətulla oğlu Əsgərov
Doğum tarixi	5 iyul 1959
Doğum yeri	Girdəni, Lənkəran rayonu, Azərbaycan SSR, SSRİ
Vəfat tarixi	22 yanvar 2024 (64 yaşında)
Dəfn yeri	Girdəni, Azərbaycan
Vətəndaşlığı	Azərbaycan SSR; Azərbaycan
Mükafatları	;

Niftulla Əsgərov (5 iyul 1959, Girdəni, Lənkəran rayonu – 22 yanvar 2024) — aktyor, Azərbaycan Respublikasının Əməkdar artisti.

Həyatı

Niftulla Əsgərov 5 iyul 1959-cu ildə Lənkəran rayonunun Girdəni kəndində anadan olub. 1995-ci ildən Lənkəran Dövlət Dram Teatrının aktyoru kimi çalışıb. Teatrda S. M. Qənizadənin "Xor-xor" əsərində Seyfulla, İ. Məlikzadənin "Gəl qohum olaq"ında Camal, H. Abbaszadənin "Həzi Aslanov"unda Bekişvilli, Ü. Hacıbəyovun "Olanlardan-keçənlərdən"ində Atamoğlan əmi, N. B. Vəzirovun "Hacı Qənbər"ində Qıdı Kirvə, E. İsgəndərzadənin "Qalxın, məhkəmə gəlir"ində Bəhruz, H. Mirələmovun "Vicdanın hökmü"ndə Aşot, B. Nuşiçin "Nazirin xanımı"nda Çeda, N. Nərimanovun "Nadir şah"nda Əliəşrəf bəy və s. obrazlara səhnə həyatı verib.^[1]

Paralel olaraq "My name is İntiqam", "My name is İntiqam 2", "Bayram axşamı", "Bığ əhvalatı", "Vəziyyət rusca", "Elçilik" və başqa filmlərdə, "Bizim Əhməd haradadır?", "Xalxın evi" və s. seriallarında aktyor kimi çəkilib.

2024-cü il yanvar ayının 22-də uzun sürən xəstəlikdən sonra dünyasını dəyişib.^[2] Lənkəranın Girdəni kəndinin qəbiristanlığında dəfn olunub.^[2]

Filmoqrafiya

Təltifləri

2014-cü ildə teatrın inkişafında xidmətlərinə görə Mədəniyyət Nazirliyinin "Fəxri mədəniyyət işçisi" döş nişanı^[3] ilə təltif olunub. 2018-ci ildə "Azərbaycan Respublikasının Əməkdar artisti" fəxri adına layiq görülüb.^[4]

İstinadlar

↑ Mədəniyyət TV. "65 yaşında dünyadan köçən Əməkdar artist Niftulla Əsgərov Lənkəranda torpağa tapşırılıb" (az.). Youtube.com. 23.01.2024. 2024-01-23 tarixində arxivləşdirilib. İstifadə tarixi: 2024-01-23.
↑ ¹ ² "Əməkdar artist Niftulla Əsgərov dəfn olundu - YENİLƏNİB + FOTO". Oxu.Az (az.). 22 yanvar 2024. 23 yanvar 2024 tarixində arxivləşdirilib. İstifadə tarixi: 22 yanvar 2024.
↑ "Niftulla Əsgərov "Fəxri mədəniyyət işçisi" döş nişanı ilə təltif olunub". sia.az. İstifadə tarixi: 22 yanvar 2024.
↑ "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 8 iyul 2023 tarixində arxivləşdirilib. İstifadə tarixi: 22 yanvar 2024.

[1] Mədəniyyət TV. "65 yaşında dünyadan köçən Əməkdar artist Niftulla Əsgərov Lənkəranda torpağa tapşırılıb" (az.). Youtube.com. 23.01.2024. 2024-01-23 tarixində arxivləşdirilib. İstifadə tarixi: 2024-01-23.

[:0-2] ¹ ² "Əməkdar artist Niftulla Əsgərov dəfn olundu - YENİLƏNİB + FOTO". Oxu.Az (az.). 22 yanvar 2024. 23 yanvar 2024 tarixində arxivləşdirilib. İstifadə tarixi: 22 yanvar 2024.

[3] "Niftulla Əsgərov "Fəxri mədəniyyət işçisi" döş nişanı ilə təltif olunub". sia.az. İstifadə tarixi: 22 yanvar 2024.

[4] "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 8 iyul 2023 tarixində arxivləşdirilib. İstifadə tarixi: 22 yanvar 2024.

[1]

[2]

[3]

[4]