Nigar Bakıxanova

Vikipediya, azad ensiklopediya
Jump to navigation Jump to search
Nigar Bakıxanova
Doğum tarixi 17 may 1961(1961-05-17)
Doğum yeri Bakı, Azərbaycan SSR, SSRİ
Vəfat tarixi 17 noyabr 1995 (34 yaşında)
Vəfat yeri Bakı, Azərbaycan
Vətəndaşlığı SSRİ SSRİ
Azərbaycan Azərbaycan
Uşaqları oğulları:Rifat, Nadim
Atası Tofiq Bakıxanov
Milliyyəti azərbaycanlı
Təhsili

Nigar Tofiq qızı Bakıxanova — istedadlı Azərbaycan ərəbşünası, filologiya elmləri namizədi.

Həyatı[redaktə | əsas redaktə]

Nigar Tofiq qızı Bakıxanova 1961-ci il may ayının 17-də Bakı şəhərində anadan olmuşdur. 1983-cü ildə M.A.Əliyev adına Azərbaycan Dövlət İncəsənət İnstitutunun (indiki Azərbaycan Dövlət Mədəniyyət və İncəsənət Universiteti) teatrşünaslıq fakültəsini bitirmişdir. Şərq mədəniyyətinə və bütövlükdə Şərq aləminə olan böyük məhəbbəti onu müstəqil şəkildə ərəb dilini öyrənməyə sövq etmiş və AMEA Şərqşünaslıq İnstitutuna gətirib çıxarmışdır.

"Ərəb filologiyası" şöbəsinin dissertantlığına qəbul olunan Nigar Bakıxanova görkəmli Misir dramaturqu Əhməd Şövqinin yaradıcılığını öyrənir və 1992-ci ildə "Əhməd Şövqinin dramaturgiyası" adlı namizədlik dissertasiyasını uğurla müdafiə edərək filologiya elmləri namizədi elmi dərəcəsi almışdır. Elmi rəhbəri professor Aida İmanquliyeva olmuşdur.

Nigar Bakıxanova beynəlxalq konfranslarda rus, ərəb, ingilisAzərbaycan dillərində çoxsaylı məruzələrlə iştirak etmişdir. Misir ədəbiyyatı, Fələstin teatrı, ərəb filologiyası mövzusunda elmi məqalələrin, cəmiyyət həyatının tamamilə müxtəlif sahələrinə aid – "İngiliscə-ərəbcə-Azərbaycanca iqtisadi terminlər lüğəti" ("Elm" nəşriyyatı, 2001) və "Rusca-Azərbaycanca - ərəbcə müxtəsər diplomatik və siyasi terminlər lüğəti" (1993) adlı iki kitabın müəllifidir. "Misirdə kölgə teatrı", "Fələstin teatrı", "Əhməd Şövqinin "Xanım Yuda" pyesi", "Şekspir yaradıcılığında ərəb ünsürləri" və başqa əsərləri nüfüzlu elmi məcmuələrində dərc edilmişdir. O, həmçinin ərəbdilli xalqların şair və yazıçılarından çoxsaylı tərcümələr etmişdir.

Nigar Bakıxanova 1995-ci il noyabr ayının 17-də vəfat edib.[1]

Atası, bəstəkar Tofiq Bakıxanov onun üçün "Nigar" mahnılar silsiləsi yazmış və "Nigar" adlı Beşinci simfoniyasını xatirəsinə həsr etmişdir.[2]

İstinadlar[redaktə | əsas redaktə]