Nihat Xəlilzadə

Vikipediya, azad ensiklopediya
Jump to navigation Jump to search
Nihat Xəlilzadə
Nihat Lazım oğlu Xəlilzadə
Nihat Xəlilzadə.jpg
Doğum tarixi 13 yanvar 1992(1992-01-13) (28 yaş)
Doğum yeri
Vətəndaşlığı
Milliyyəti azərbaycanlı

Nihat Lazım oğlu Xəlilzadə (13 yanvar 1992(1992-01-13), Masallı, Masallı rayonu) — Koreya Respublikası Seul İcra Hakimiyyəti Xaricilərin Konsulluğunun Prezidenti, Qanqnam Bələdiyyəsi Qlobal Mərkəzin direktoru, Koreya Respublikası Sunqşil Universitetinin İnformasiya Texnologiyaları və Menecment üzrə magistr[1].

Həyatı[redaktə | əsas redaktə]

Nihat Xəlilzadə 13 yanvar 1992-ci ildə Masallı rayon Təzə Alvadı kəndində anadan olmuşdur. 1997-ci ildən Təzə Alvadı kənd məktəbində təhsilinə başlamışdır. 2000-ci ildən etibarən təhsilini Bakı şəhəri Nərimanov rayonu, Təbriz küçəsində yerləşən Ankara məktəbi məktəb-liseyində təhsilini davam etdirmişdir. Məktəb illərindən etibarən Riyaziyyat fənni üzrə müxtəlif olimpiyadalarda iştirak etmişdir. 2008-ci ildə Qafqaz Universitetinin Riyaziyyat və İnformatika ixtisası üzrə ingiliscə pulsuz təhsilinə başlamışıdır[2].

Ailəsi[redaktə | əsas redaktə]

Ailəlidir, 1 qızı var.

Fəaliyyəti[redaktə | əsas redaktə]

Nihat Xəlilzadə Qafqaz Universitetində təhsilinə başlasada təhsilini yarımçıq qoyub 2011-ci ildə Koreya Dövlət Təqaüdü qazanaraq Koreya Respublikasına yollanır. 2011-2012-ci illərdə Koreya dilini Tequ şəhəri Keimyunq Univeristetində öyrənir və Seul şəhərində Koreyanın İnformasiya Texnologiyaları üzrə ən məşhur universitetlərindən biri olan Hanyanq Universitetində Komputer Elmləri ixtisası üzrə Koreya dilində təhsilinə başlayır. Koreya dilini öyrənməyə başladıqdan cəmi 7 ay sonra Koreyanın məşhur qəzetlərindən biri olan Kyunqin qəzeti tərəfindən təşkil olunan Koreya dilində inşa yarışmasında 2-ci yeri tutub. Koreyaya getdiyi ilk günlərdən Azərbaycan mədəniyyətini təbliğ etməyə başlamış və YUNESKO nəzdində təşkil olunan Xarici ölkələrin tanıtımı layihəsi üzrə Azərbaycan, mədəniyyəti və dili barədə kömüllü dərslər vermişdir[3].

2011-ci ildə Kyonqsanbukdo bələdiyyəsi nəzdində Koreyanın inkişaf yolu və liderlik haqqında dərslər almış, 2013-cü ilin fevral ayında Beynələxalq Gənclərin Mübadilə Assosiyasiyasının təşkilatçılığı ilə Asya Gənclərinin Liderlik barədə treyninqlərində iştirak etmişdir. Bundan əlavə eyni ilin İyul ayında Koreya Texnologiya Nazirliyinin təşkil etdiyi Beynəlxalq Gənc İnformasiya Texnologiyaları Profesyonallarının Biliklərinin Artırılması proqramında Azərbaycanı təmsil etmişdir[3].

Mükafatları[redaktə | əsas redaktə]

2014-2015-ci illərdə Koreya Beynəlxalq Ticarət Assosiyasiyasının Azərbaycan üzrə təmsilçisi olmuş və gənclər üçün müxtəlif təhsil kampları təşkil etmişdir. Həmçinin eyni illər ərzində Koreya Respublikası LienVon Asya Assosiyasının təşkil etdiyi təqaüd proqramından 1 illik təqaüd və həmçinin Koreya mədəniyyəti,siyasəti və dili haqqında pulsuz tədris almağa haqq qazanıb. Bu fəaliyyətlərin nəticəsində həmin illər ərzində Azərbaycan Respublikasının Koreya Respublikasındakı Səlahiyyətli Səfiri Rəmzi Teymurov tərəfindən 2014-cü ilin mart ayında “Tərifnamə” ilə mükafatlandırılıb. Bundan əlavə o 2014 və 2015-ci illərdə Koreya Turizm Nazirliyi və həmçinin Koreya Mədəniyyət Kontent Servis Mərkəzinin sponsorluğu və Ariranq Beynəlxalq Televiziya kanalının təşkilatçılığı ilə hazırlanmış Noncanqpan Beynəlxalq Koreya diliMədəniyyəti üzrə Elmi Araşdırma yarışmasında 1-ci və 2-ci yerlərə layiq görülərək mükafatlandırılıb[3].

Hal-hazırda Seul İcra Hakimiyyətində Xaricilərin konsulluğunda prezident və həmçinin Qanqnam Bələdiyyəsində Qlobal Mərkəzin Direktoru kimi fəaliyyət göstərir. O, həmçinin Koreya Respublikasının İstimayi-Siyasət Assosiyasiyasının Azərbaycan təmsilçisidir[3].

İstinadlar[redaktə | əsas redaktə]

  1. Fuad. "Cənubi Koreyanın dövlət məmuru olan ilk azərbaycanlı gənc" (azərb.). palitranews.az.
  2. İlhamə Əbülfət. "Koreyada yaşayan azərbaycanlı: Koreyalı məndən Gədəbəyi soruşdu" (azərb.). oxu.az. 2019-06-21 tarixində orijinalından (#bad_url) arxivləşdirilib. İstifadə tarixi: 2019-06-21.
  3. 1 2 3 4 Nəzrin Cavid. "Koreyada yerli professorlara dərs deyən gənc həmyerlimiz – "Vətənə qayıtsam, Bakıda yox, Masallıda yaşayaram"" (azərb.). azedu.az. 2019-06-21 tarixində orijinalından arxivləşdirilib. İstifadə tarixi: 2019-06-21.