Məzmuna keç

Nikol Zaybert

Vikipediya, azad ensiklopediya
Nikol Zaybert
Ümumi məlumatlar
Doğum adı Nicole Hohloch
Ləqəbi Nicole
Doğum tarixi 25 oktyabr 1964(1964-10-25)[1][2] (61 yaş)
Doğum yeri
Musiqiçi məlumatları
Fəaliyyəti müğənni, səsyazma sənətçisi[d], bəstəkar, dicey-prodüser[d], schlager singer[d], musiqiçi
Fəaliyyət illəri 1981-ci ildən
Janrlar pop musiqisi[3], rok[3], caz[3], qospel[3]
Musiqi alətləri gitara[4]
Mükafatları Saarland Order of Merit — 1999
nicole-4-u.de
Vikianbarın loqosu Vikianbarda əlaqəli mediafayllar

Nikol Seibert (Hohlox) (alm. Nicole Seibert‎; 25 oktyabr 1964[1][2], Saarbrükken[1]) — Nikol adı ilə tanınan Almaniya müğənnisi bəstəkarı, musiqiçisi və prodüseri.[5] 1982-ci ildə o, Avroviziya Mahnı Müsabiqəsində qalib gələrək, bu müsabiqədə birincilik qazanan ilk Almaniya təmsilçisi olub.[6]

O, bəzilərini ingilis, niderland və fransız dilləri də daxil olmaqla fərqli dillərdə ifa edib yazdırdığı 25-dən çox studiya albomu və 80-dən çox sinql buraxıb.[7] İfaçı həmçinin özünün bir çox səsyazmaları üçün musiqi və sözlər yazaraq bəstəkarlıq fəaliyyəti ilə də məşğul olub.[8]

Həyatı

[redaktə | vikimətni redaktə et]

Nikol Hohlox Qərbi Almaniyanın Saarland vilayətinin Saarbrükken şəhərində anadan olub. O, dörd yaşından çıxış etməyə başlasa da, ilk sinqlı ("Flieg nicht so hoch, mein kleiner Freund") işıq üzü görənə — yəni 16 yaşına qədər kommersiya uğuru qazana bilməyib. Bu mahnı Avstriyada 2-ci pilləyə yüksəlib və bir çox Avropa musiqi hit-paradlarında ilk 40-lıqda qərarlaşıb. 17 yaşında olarkən o, "Ein bißchen Frieden" mahnısı ilə 1982-ci il Avroviziya Mahnı Müsabiqəsinin qalibi olub və bu bəstə bir çox Avropa musiqi siyahılarında 1-ci sıraya qalxıb. Müsabiqənin səsverməsi başa çatdıqdan sonra Hohlox mahnının orijinal alman versiyası ilə yanaşı, bəzi hissələrini ingilis, fransız və holland dillərində də ifa edərək mahnını yenidən səsləndirib. İllər sonra verdiyi bir müsahibədə o, İsraildən gələn xallarla bağlı belə bir bəyanat verib: "Amma ən vacib qələbə sülh haqqında mahnı ilə alman qızının İsraildən 12 xal alması idi." Müsabiqədə o, həmçinin İsrail hökumətindən orada xidmət edən əsgərlər üçün oxumaq məqsədilə Təl-Əvivə dəvət aldığını (və bunu qəbul etdiyini) bildirib.[6]

O, mahnının "A Little Peace" adlı ingiliscə versiyasını da yazdırıb və bu bəstə Böyük Britaniyanın "UK Singles Chart" hit-paradında 1-ci yerə layiq görülüb.[9] Beləliklə, bu mahnı Birləşmiş Krallıq hit-paradları tarixində 500-cü bir nömrəli sinql olub. Mahnının həmçinin fransız ("La Paix sur Terre"), holland ("Een beetje vrede"), ispan ("Un poco de paz"), danimarka ("En smule fred"), sloven ("Malo miru"), rus ("Немного мира"), polyak ("Troszeczkę ziemi, troszeczkę słońca") və macar ("Egy kis nyugalmat kívánok én" — Neoton Família ilə birgə) dillərində tam versiyaları da qeydə alınıb.[10][11][12][13][14] Daha sonra, elə 1982-ci ildə o, üç studiya albomu buraxıb. Onlardan biri alman dilli ("Ein bißchen Frieden"), digəri ingilis dilli ("A Little Peace") və üçüncüsü "Meine kleine Freiheit" albomudur. Alboma adını verən əsas mahnılar kimi, buradakı digər bəstələrin də əksəriyyətinin bir-birinə uyğun gələn alman və ingilis dilli versiyaları mövcuddur.[15]

Nikol Seibert 2007-ci ildə

2005-ci ildə o, həmin ilin may ayında işıq üzü görən "Alles Fließt" albomunun həm də həmmüəllifi (həmprodüseri) olub. 2008-ci ildə isə o, "Mitten ins Herz" albomunu təqdim edib və bu albomun dəstəyi ilə 2009-cu ilin yanvarında başa çatan üç aylıq "unplugged" (akustik) qastrol səfərinə çıxıb. Karyerasının ilk illərində onun yazdırdığı və ifa etdiyi mahnılar əsasən Ralf Zigel, Bernd Maynunqer, Robert Yunq və Jan Frankfurter kimi bəstəkarlar tərəfindən qələmə alınıb. Digər dillərdəki mahnıların səsyazmaları üçün isə o, Pol Qridus, Zak Lorens, Pyer Delano və Jan-Pol Kara kimi şəxslərlə birgə çalışıb.[16] 2016-cı ildə "Traumfänger" studiya albomunu hazırlayarkən Zigel və Maynunqer ilə yenidən əməkdaşlıq edib. Eyni zamanda Hohloxun özü də (Zaybert soyadı ilə) bəzi bəstələrin müəllifi kimi qeyd olunub. 2019-cu ildə işıq üzü görən "50 ist das neue 25" studiya albomundakı mahnılar üçün Haynz Rudolf Kunse, Yens Karstens, Martin Koppehele, Suna Koppehele, Qabi Koppehele və Ciorcio Koppehele ilə birgə fəaliyyət göstərib və həmin albomdakı bir çox mahnının ərsəyə gəlməsində həm də müəllif kimi iştirak edib.

2020-ci ildə Hohlox musiqi sənayesindəki 40 illik yubileyini konsert turnesi ilə qeyd etməyi planlaşdırsa da, COVID-19 pandemiyası səbəbindən bu konsertlərin tarixləri dəyişdirilib.[17]

Daha çox Şlaqer (Schlager) janrının musiqiçisi kimi tanınsa da, o, həmçinin caz, pop, rok və qospel janrlı mahnılar da yazdırıb buraxıb.

Şəxsi həyatı

[redaktə | vikimətni redaktə et]

Hohlox Marlis və Ziqfrid Hohlox cütlüyünün dörd övladından biridir. O, Saarlandın Noxfelden adlı kiçik icmasında bir qardaşı və iki bacısı ilə birlikdə böyüyüb. Məhz orada məktəbə gedib və orta təhsilini başa vurub. İfaçı doğma şəhəri Noxfeldenin fəxri vətəndaşıdır.[18] Hohlox 14 yaşından bəri tanıdığı uşaqlıq dostu Vinfred Zaybert ilə 17 avqust 1984-cü ildə rəsmi nikaha daxil olub. Bir gün sonra isə onlar kilsədə toy mərasimi keçiriblər. Cütlüyün iki övladı var və onlar Noxfeldenin Noykirxen kəndində yaşayırlar.[19][20]

O, kilsələrin ab-havası və akustikası səbəbindən orada konsertlər verməyi çox sevir. Uşaqlıqdan bəri öz mənəviyyatında daxili suallarına cavab tapıb və qoruyucu mələklərin onu qoruduğuna qətiyyətlə inanır. Onun bu inancı həyatındakı bəzi hadisələrlə daha da möhkəmlənib. Belə hadisələrdən birində — 2004-cü ilin qışında, 220 000-dən çox insanın ölümünə səbəb olan sunami fəlakətinin baş verdiyi ərəfədə Hohlox Tailanda səyahət planlaşdırıbmış. Lakin dostlarının ciddi tövsiyələrini nəzərə alıb Tailand səfərini ləğv edərək əvəzində Cənubi Afrikaya yollanıb.[21]

O, uşaq istismarının qarşısının alınması və Filippindəki kimsəsiz uşaqların sağlam fəaliyyəti kimi müxtəlif humanitar layihələrə dəstək verir. İfaçı həmçinin Rett sindromundan əziyyət çəkənlər üçün və "zəncirsiz həyat" naminə kampaniyalarda fəal iştirak edir. O, "Welthungerhilfe" (Aclıqla Qlobal Mübarizə) təşkilatının xətti ilə iki dəfə Afrikada səfərdə olub.

Fəxri adlar və mükafatlar

[redaktə | vikimətni redaktə et]
  • 1982: Avroviziya Mahnı Müsabiqəsində birinci yeri tutaraq qalib olub.[6]
  • 1983: Tokioda keçirilən Dünya Populyar Mahnı Festivalında "So viele Lieder sind in mir" mahnısı ilə iştirak edib və ikinci yeri qazanıb.
  • 1991: "Ein leises Lied" mahnısı ilə Almaniya Şlaqer Paradının (Schlagerparade) qalibi olub.[22]
  • 1993: 1992-ci ilin nəticələrinə görə "Ən yaxşı qadın şlaqer ifaçısı" nominasiyasında "Echo" mükafatına layiq görülüb.[18][23]
  • 1999: Saarland vilayətinin "Xidmətlərə görə" ordeni ilə təltif edilib.[18][23]

Diskoqrafiyası

[redaktə | vikimətni redaktə et]

Studiya albomları

[redaktə | vikimətni redaktə et]
İl Adı İlk dəfə yayımlanması
1981 Flieg nicht so hoch, mein kleiner Freund 1981
1982 Ein bißchen Frieden 17 iyun 1982
1982 A Little Peace oktyabr 1982
1982 Meine kleine Freiheit noyabr/dekabr 1982
1983 So viele Lieder sind in mir 10 oktyabr 1983
1985 Gesichter der Liebe 1985
1986 Laß mich nicht allein 1986
1987 Moderne Piraten 1987
1988 So wie du 1988
1990 Für immer...für ewig... 1990
1991 Und ich denke schon wieder nur an dich 2 sentyabr 1991
1992 Wenn schon...denn schon 9 noyabr 1992
1993 Mehr als nur zusammen schlafen gehn 4 oktyabr 1993
1994 Und ausserdem 24 oktyabr 1994
1996 Pur 3 iyun 1996
1998 Abrakadabra 20 aprel 1998
1999 Visionen 20 sentyabr 1999
2001 Kaleidoskop 2 aprel 2001
2002 Ich lieb dich 9 sentyabr 2002
2004 Für die Seele 3 may 2004
2005 Alles fließt 30 may 2005
2006 Begleite mich 24 mat 2006
2008 Mitten ins Herz 8 fevral 2008
2009 Meine Nummer 1 19 iyun 2009
2012 Jetzt komm ich 16 mart 2012
2013 Alles nur für Dich 10 may 2013
2014 Das ist mein Weg 24 oktyabr 2014
2016 Traumfänger 15 aprel 2016
2017 12 Punkte 14 aprel 2017
2019 50 ist das neue 25 11 oktyabr 2019

İstinadlar

[redaktə | vikimətni redaktə et]
  1. 1 2 3 4 Deutsche Nationalbibliothek Record #132281023 // Gemeinsame Normdatei (alm.). 2012—2016.
  2. 1 2 IMDb (ing.). 1990.
  3. 1 2 3 4 http://esctoday.com/88752/germany-nicole/.
  4. ↑ https://eurovisionary.com/eurovision-1982-germanys-nicole-in-focus/.
  5. ↑ "Nicole Seibert". charts.org.nz. İstifadə tarixi: 27 dekabr 2020.
  6. 1 2 3 Saunders, Emma. "Eurovision memories: Oh, what a night!". BBC News. 21 may 2015. 24 iyul 2016 tarixində arxivləşdirilib. İstifadə tarixi: 16 dekabr 2020.
  7. ↑ "Discographie Nicole" (alman). GfK Entertainment. İstifadə tarixi: 16 dekabr 2020.
  8. ↑ "Nicole Seibert". charts.org.nz. İstifadə tarixi: 2 yanvar 2021.
  9. ↑ Rice, Jo. The Guinness Book of 500 Number One Hits (1st). Enfield, Middlesex: Guinness Superlatives Ltd. 1982. səh. 224. ISBN 0-85112-250-7.
  10. ↑ "Papillon credits". Irish Charts. 9 oktyabr 2023 tarixində orijinalından arxivləşdirilib.
  11. ↑ "Jean Frankfurter – austriancharts.at".
  12. ↑ "A Little Peace (credits)". hitparade.ch (alman). İstifadə tarixi: 18 dekabr 2020.
  13. ↑ "lescharts.com – Nicole – Butterfly". lescharts.com. 13 fevral 2018 tarixində arxivləşdirilib. İstifadə tarixi: 6 yanvar 2021.
  14. ↑ "lescharts.com – Nicole – La paix sur terre". lescharts.com. İstifadə tarixi: 6 yanvar 2021.
  15. ↑ McAlpine, Fraser. "7 Eurovision winners nobody talks about any more". BBC. 11 may 2018. 29 oktyabr 2020 tarixində arxivləşdirilib. İstifadə tarixi: 16 dekabr 2020.
  16. ↑ "Mitten ins Herz". germancharts.de (alman). İstifadə tarixi: 16 dekabr 2020.
  17. ↑ "Release "A Little Peace" by Nicole – MusicBrainz". musicbrainz.org. İstifadə tarixi: 14 yanvar 2021.
  18. 1 2 3 "Nicole Wiki: Die Sängerin im Blickpunkt" (alman). SchlagerPlanet. 28 avqust 2013. İstifadə tarixi: 16 dekabr 2020.
  19. ↑ "Nicole und ihr Winfried: Eine Liebesgeschichte" (alman). SchlagerPlanet. 27 noyabr 2013. İstifadə tarixi: 16 dekabr 2020.
  20. ↑ Posselt, Fabian. "Nicole und ihr Ehemann Winfried sind seit 25 Jahren verheiratet". bild.de (alman). 21 iyun 2009. İstifadə tarixi: 17 yanvar 2021.
  21. ↑ Schmidt, Annika. "Schlagersängerin Nicole ist dem Tod dreimal von der Schippe gesprungen – eine unglaubliche Fügung" (alman). ExtraTipp. 26 iyun 2020. 29 noyabr 2022 tarixində orijinalından arxivləşdirilib. İstifadə tarixi: 16 dekabr 2020.
  22. ↑ "29 years ago today – Germany get their first win with Nicole". Eurovision. 24 fevral 2011. 13 yanvar 2021 tarixində orijinalından arxivləşdirilib. İstifadə tarixi: 26 dekabr 2020.
  23. 1 2 "Nicole". nicole-4-u.de (alman). 5 noyabr 2019. 13 avqust 2020 tarixində arxivləşdirilib. İstifadə tarixi: 4 yanvar 2021.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Nikol_Zaybert&oldid=8953111"