Nikola Tesla muzeyi

Vikipediya, azad ensiklopediya
Jump to navigation Jump to search
Nikola Tesla muzeyi
Museum of Nikola Tesla, Belgrade, Serbia-cropped.JPG
Əsası qoyulub 5 dekabr 1952
Açılış tarixi 5 dekabr 1952
Ölkə
Yerləşir Belqrad
44°48′18″ şm. e. 20°28′14″ ş. u.
Nikola Tesla muzeyi xəritədə
Nikola Tesla muzeyi
Nikola Tesla muzeyi
nikolateslamuseum.org
Commons-logo.svg Vikianbarda əlaqəli mediafayllar

Nikola Tesla muzeyi (serb. Музеј Николе Тесле) ― Serbiyanın paytaxtı Belqradın mərkəzində yerləşən elm muzeyi. Muzey Nikola Teslanın həyatını və işini şərəfləndirməyə və nümayiş etdirməyə həsr edilmişdir. Nikola Tesla muzeyində 160 000-dən çox orijinal sənəd, 2 000-dən çox kitab və jurnal, 1 200-dən çox tarixi texniki eksponat, 1500-dən çox fotoşəkil və orijinal texniki əşyalar, alətlər və aparatların fotoşəkilləri və foto lövhələri, həmçinin 1000-dən çox plan və rəsm saxlanılır.

Nikola Teslanın arxivinin dünyanın elektrikləşdirilməsi tarixi və bu sahədəki gələcək texnoloji inkişaflarla əlaqəli kritik rolu olduğu üçün muzey 2003-cü ildə UNESCO-nun "Dünyanın xatirəsi" proqramına daxil edilmişdir.[1]

Tarix[redaktə | əsas redaktə]

Nikola Tesla muzeyi görkəmli serb memarı Draqişa Braşovanın dizaynlarına əsasən 1927-ci ildə tikilmiş yaşayış villasında yerləşir. Bina Yuqoslaviya Federal Xalq Respublikası hökümətinin qərarına uyğun olaraq Nikola Tesla muzeyinin qurulduğu 5 dekabr 1952-ci ilədək müxtəlif məqsədlər üçün istifadə edilmişdir. Muzey üçün müəyyən əşyalar 7 sentyabr 1951-ci ildə Teslanın qardaşı oğlu və ən yaxın qohumu[2] Sava Kosanoviç və vəkili Filip Vittenberqin səyləri nəticəsində Nyu-Yorkdan Yuqoslaviyaya, Belqrad şəhərinə gətildi.

Sərgilər[redaktə | əsas redaktə]

Muzeydəki daimi sərgi 1955-ci ildə təşkil edilmişdir. Zaman zaman bəzi dəyişikliklər olsa da, əsas konsepsiya uzun illərdir eyni qalmışdır. Sərginin birinci hissəsi əsasən xatirələrə həsr olunarkən, ikinci hissə Teslanın ixtiralarının 3D kompüter tərəfindən yaradılan modellərinin nümayiş etdirildiyi interaktiv sərgidir. Muzey bundan başqa həmçinin, Teslanın ixtiraçılıq həyatından bəzi dövrləri göstərmək üçün zaman-zaman sənəd, fotoşəkil və digər materiallardan ibarət tematik sərgilər də təşkil edir.

Bərpa[redaktə | əsas redaktə]

3 noyabr 2006-cı ildə Nikola Tesla muzeyinin bərpasına başlandı. Layihənin birinci mərhələsinin 2006-cı ilin sonuna kimi tamamlanması planlaşdırılırdı. Yenidənqurma işləri artıq başa çatmışdır və muzeyi ziyarət etmək mümkündür.[3]

Qalereya[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Nikola Tesla's Archive". UNESCO Memory of the World Programme. 2008-05-16. 2009-03-12 tarixində orijinalından arxivləşdirilib. İstifadə tarixi: 2009-12-10.
  2. KGB agent, codename "KOLO", see American Espionage and Project Venona
  3. "Archived copy". 2013-09-28 tarixində orijinalından arxivləşdirilib. İstifadə tarixi: 2013-10-02.