Nikolay Romanov (çareviç)

Nikolay Romanov
Nikolay Romanov
Şəxsi məlumatlar
Doğum tarixi	20 sentyabr 1843
Doğum yeri	Çarski Selo, Puşkin[d], Çarskoselski qəzası[d], Sankt-Peterburq quberniyası[d], Rusiya imperiyası;
Vəfat tarixi	24 aprel 1865[…] (21 yaşında)
Vəfat yeri	Nitsa, İkinci Fransa İmperiyası;
Vəfat səbəbi	vərəm
Dəfn yeri	Pyotr və Pavel kafedralı;
Fəaliyyəti	əsilzadə, zabit
Atası	II Aleksandr[…]
Anası	Mariya Aleksandrovna
Dini	şərqi ortodoks xristianlıq
Hərbi xidmət
Mənsubiyyəti	Rusiya imperiyası
Rütbəsi	general-mayor;
Elmi fəaliyyəti
Elm sahəsi	siyasət
Təltifləri
	Vikianbarda əlaqəli mediafayllar

Nikolay Aleksandroviç Romanov (rus. Николай Александрович Романов; 20 sentyabr 1843, Çarski Selo, Sankt-Peterburq quberniyası^[d]^[1] – 24 aprel 1865^[2]^[1]^[…], Nitsa, İkinci Fransa İmperiyası^[2]^[1]) — Rusiya imperatoru II Aleksandrın oğlu, çareviç.

Həyatı

1843-cü ildə Sankt-Peterburqdakı Çarskoye seloda dünyaya gəldi. Atası Rusiya imperatoru I Nikolayın oğlu və varisi Çareviç Aleksandr, anası isə Böyük Hesse hersoqu II Lüdovikin qızı Hesseli Vilhelmina Mariyadır. Dünyaya gəldiyi əsnada babası I Nikolay taxtda idi. Onun 1855-ci ildə vəfatı və atasının taxta çıxmasıyla çareviç ünvanı aldı və Rus taxt-tacının varisi elan olundu. Bu ünvanı ölümünədək daşıdı. Uşaqlıq illərdi nəzarət altında təlim-tərbiyə ilə keçdi və kiçik qardaşı Aleksandra çox yaxın idi.

Taxt varisi olduğu üçün gələcəkdə kiminlə evlənəcəyi müzakirə məsələsi idi. Uzun müzakirələrin ardından 1864-cü ildə Danimarka kralı IX Kristianın qızı Şahzadə Daqmarla nişanlandı. Nişanlısına aşiq olan çareviç Nikolay ona ünvanladığı saysız məktublarla sevgisini bildirdi.

1865-ci ilədək çareviçin səhhətində heç bir problem yox idi. Ancaq cənubi Avropaya etdiyi səyahət əsnasında səhhəti pisləşdi. İlk diaqnoz yanlışlıqla revmatizm olaraq qoyuldu. Şiddətli bel və boyun ağrısıyla yanaşı, səs-küyə və işığa həssaslığı artmasına baxmayaraq səyahəti davam etdirdi. İtaliya turunu tamamladıqdan sonra cənubi Fransada dayandı. Səhhəti ağırlaşmışdı. Nəhayət, burada meningit diaqnozu qoyuldu. Çox keçmədən 24 aprel 1865-ci ildə Nitsada vəfat etdi. Cənazəsi Sankt-Peterburqa göndərildi və Pyotr və Pavel kafedralına dəfn olundu.

Ölüm döşəyində ikən sevimli qardaşı knyaz Aleksandrın, nişanlısı Şahzadə Daqmarla evlənməsini vəsiyyət etdi. Onun bu vəsiyyəti 1866-cı ildə yerinə gətirildi. Onun şərəfinə Nitsada Çareviç Nikolay Aleksandroviç kilsəsi inşa olundu və kilsənin 1868-ci ildəki açılışına qardaşı yeni çareviç Aleksandrla yeni xanımı Şahzadə Daqmar qatıldı.

Mənbə

Ədəbiyyat

M. & B. Wattel. (2009). Les Grand'Croix de la Légion d'honneur de 1805 à nos jours. Titulaires français et étrangers. Paris: Archives & Culture. p. 515. ISBN 978-2-35077-135-9
Bille-Hansen, A. C.; Holck, Harald, eds. (1864) [1st pub.:1801]. Statshaandbog for Kongeriget Danmark for Aaret 1864. Kongelig Dansk Hof- og Statskalender (in Danish). Copenhagen: J.H. Schultz A.-S. Universitetsbogtrykkeri. p. 4

İstinadlar

1 2 3 4 5 6 7 8 Николай Александрович (rus.). // Русский биографический словарь СПб: 1914. Т. 11. С. 357–365.
1 2 3 4 5 Николай Александрович (rus.). // Энциклопедический словарь СПб: Брокгауз — Ефрон, 1897. Т. XXI. С. 129.

[_581bfa2f80d1acd6-1] 1 2 3 4 5 6 7 8 Николай Александрович (rus.). // Русский биографический словарь СПб: 1914. Т. 11. С. 357–365.

[_ae57747602c04981-2] 1 2 3 4 5 Николай Александрович (rus.). // Энциклопедический словарь СПб: Брокгауз — Ефрон, 1897. Т. XXI. С. 129.

[1]

[2]