Nilufər Hüseynova

Vikipediya, açıq ensiklopediya
Jump to navigation Jump to search
Hüseynova Nilufər
Hüseynova Nilufər Bəhram qızı
Nilufər Hüseynova.jpg
Doğum tarixi 1 aprel 1953 (1953-04-01) (66 yaş)
Doğum yeri Azərbaycan, Bakı şəhəri
Vətəndaşlıq Flag of Azerbaijan.svg Azərbaycan
Elm sahəsi Botanika
İş yeri AMEA Mərkəzi Nəbatat Bağının elmi katibi
Elmi dərəcəsi Biologiya üzrə fəlsəfə doktoru
Elmi adı dosent
Təhsili Azərbaycan Pedogoji İnstitutu
cbg.org.az/aze/researchers/Huseynova_Nilufer.html

Hüseynova Nilufər Bəhram qızı — Biologiya üzrə fəlsəfə doktoru, dosent, [[AMEA Mərkəzi Nəbatat Bağının]] elmi katibi.

Həyatı[redaktə | əsas redaktə]

Hüseynova Nilufər Bəhram qızı 1953-cü il aprel ayının 1-də Bakı şəhərində, ziyalı ailəsində anadan olmuşdur. 1970-ci ildə Bakı şəhəri, N.Nərimanov rayonundakı 39 №-li orta məktəbi bitirmişdir. Elə həmin il Azərbaycan Pedaqoji İnstitutunun (indiki ADPU) biologiya fakültəsinin əyani şöbəsinə daxil olmuş və 1974-cü ildə oranı “Fərqlənmə diplomu” ilə bitirmişdir. Təhsil aldığı institutun göndərişi ilə 1974-1977-ci illər ərzində Azərbaycan EA Botanika İnstitutunun əyani aspiranturasında “Bitki fiziologiyası” ixtisası üzrə təhsil almışdır. Evlidir, 2 övladı var.

Elmi Fəaliyyəti[redaktə | əsas redaktə]

1978-1986-cı illər ərzində Botanika İnstitutunun “Bitki fiziologiyası” şöbəsində baş laborant, 1986-1995-ci illərdə kiçik elmi işçi, 1995-ci ildən elmi işçi, 1996-cı ildən böyük elmi işçi, 1997-1999-cu illərdə AMEA Botanika İnstitutunun elmi katibi vəzifəsində çalışmışdır. 1995-ci ildə “Azotla təmin olunmuş və azotqıt bitkilərin kök və yerüstü hissələrinin qarşılıqlı əlaqəsinin sitokinin-auksin-inhibitor tənzimlənməsi” mövzusunda namizədlik dissertasiyası müdafiə etmişdir. Uzun müddət Botanika İnstitutunun Həmkarlar Təşkilatının katibi olmuşdur.

2000-ci ildə AMEA Mərkəzi Nəbatat Bağının sərbəst elmi-tədqiqat strukturuna keçməsi ilə əlaqədar olaraq AMEA Rəyasət Heyətinin qərarı ilə Mərkəzi Nəbatat Bağının elmi katibi vəzifəsinə keçirilmiş və hal-hazıradək Bağın elmi katibdir.

2002-ci ildə mənə Azərbaycan Prezidenti yanında Ali Attestasiya Komissiyası tərəfindən dosent elmi adı verilmişdir.

Hazırda Mərkəzi Nəbatat Bağının elmi katibi vəzifəsində çalışmaqla yanaşı, 2013-cü ildən Azərbaycan Prezidenti yanında Ali Attestasiya Komissiyasının biologiya və aqrar elmləri üzrə ekspert şurasının elmi katibidir.

Qarğasoğanı cinsinin 5 növünün əkin və səpin materiallarının genofondu, o cümlədən Mərkəzi Nəbatat Bağına introduksiya olunmuş və ezamiyyə yolu ilə toplanmış yabanı sünbülçiçək və gəmirici soğan növlərinin kolleksiyası yaradılmışdır.

Elmi əsərləri[redaktə | əsas redaktə]

Çapdan çıxmış elmi əsərlərinin ümumi sayı 78, onlardan xaricdə çıxmış elmi əsərlərinin sayı 25-dir.

  1. Nəbatat terminlərinin izahlı lüğəti və bitki adları I hissə, Bakı, Elm, 2008, 328 s
  2. Nəbatat terminlərinin izahlı lüğəti və bitki adları II hissə, Bakı, Elm, 2008, 351 s.
  3. Oruc İbadlı. Azərbaycanın elm və mədəniyyət xadimləri (biblioqrafiya), Bakı, Elm, 2009, 140 s.
  4. Nəbatat terminlərinin izahlı lüğəti, Bakı, Elm, 2011, 264 s.
  5. The biological Properties and economic importance of some seedy fruit plants that grow in Azerbaijan,s forests. International Caucasian forestry sympozium. Turkey, Artvin 24-26 october, 2013
  6. Оценка сортов пшеницы азербайджанской селекции на основе мощностью Н+-насосов корневого система и активность карбоангидразы в листьях. AMEA Mərkəzi Nəbatat Bağının əsərləri, XII cild, Bakı, 2014, s.62-71
  7. Böyük Qafqazın şərq hissəsində rast gəlinən geofit bitki növlərinin qurşaqlar üzrə paylanması. AMEA Mərkəzi Nəbatat Bağının əsərləri, XIII cild, Bakı, 2015, s.112-116

Xarici keçidlər[redaktə | əsas redaktə]