Ninel Yultıyeva
| Ninel Yultıyeva | |
|---|---|
| başq. Юлтыева Нинель Дауыт ҡыҙы | |
| Doğum tarixi | 3 fevral 1926 |
| Doğum yeri | |
| Vəfat tarixi | 2014 |
| Vəfat yeri | |
| Təhsili |
|
| Fəaliyyəti | balerina, balerina, xoreoqraf |
Ninel Yultıyeva (başq. Нинель Дауыт ҡыҙы Юлтыева; 3 fevral 1926, Ufa, SSRİ – 2014, Kazan) — Sovet balerinası, müəllim, xoreoqraf. Tatarıstan Muxtar Sovet Sosialist Respublikasının əməkdar artisti (1953)[1]. Rusiya Sovet Federativ Sosialist Respublikası xalq artisti (1957). Tatarıstan Respublikasının xalq artisti (1996). Başqırdıstan Respublikasının xalq artisti (1995)
Bioqrafiyası[redaktə | mənbəni redaktə et]
3 fevral 1926-cı ildə Ufada bir başqırd yazıçısı və ictimai xadimi Daut Yultiyevin ailəsində anadan olmuşdur. 1935–1941-ci illərdə A. Y. Vaqanova adına Rusiya Balet Akademiyasında oxumuşdur. 1968-ci ildə A. Y. Vaqanova adına Rusiya Balet Akademiyasının pedaqoji şöbəsini bitirir. 1972-ci ildə N. A. Rimski-Korsakov adına Sankt-Peterburq Konservatoriyasının xoreoqrafiya şöbəsini bitirib. 1941–1946-cı illərdə Başqırdıstan Opera və Balet Teatrının solisti olmuşdur.
1946-cı ildə Kazana gələrək Musa Cəlil adına Tatar Opera və Balet Teatrında N. C. Ciqanovun "Zyuqra" baletində baş rolunda debüt edir.
1946–1966-cı illərdə prima balerinası və M. Cəlil adına Tatar Opera və Balet Teatrının balet truppasının bədii rəhbəri olur.
1972-ci ildən ömürünün sonuna qədər Kazan Mədəniyyət İnstitutunun xoreoqrafiya şöbəsinin müdiri işləyir. 1974–1977-ci illərdə Qahirə balet truppasının əsas xoreoqrafı və bədii rəhbəri (Misir) olur. 1981–1983-cü illərdə Venesueladakı T. Karano Karakas Teatrının xoreoqrafı və müəllimi kimi çalışır. 1988–1989-cu illərdə Qahirə Ali Balet İnstitutunun bədii rəhbəri (Misir) işləyir.
1998-ci ildən Ninel Yultıyeva Kazan Xoreoqrafiya Məktəbinin bədii rəhbəri olur[2].
1950-ci illərdə başlayan fəal pedaqoji fəaliyyətə başlayan Ninel Yultıyevanın bu günə qədər yüzlərlə şagirdi institutlarda, məktəblərdə və kolleclərdə dərs deyir, komandalar idarə edir və teatrlarda işləyir.
Ninel Yultıyeva 23 noyabr 2014-cü ildə Kazanda vəfat edir.
Mükafatları[redaktə | mənbəni redaktə et]
Tatarıstan muxtar Sovet Sosialist Respublikasının əməkdar artisti (1953)
Rusiya Sovet Federativ Sosialist Respublikası xalq artisti (1957)
Tatarıstan Respublikasının xalq artisti (1996)
Başqırdıstan Respublikasının xalq artisti (1995)
"Can rəqsi" mükafatı.
Sankt-Peterburq Petrovski Elm və İncəsənət Akademiyasının həqiqi üzvü[3], professor.
"1941–1945-ci illər Böyük Vətən Müharibəsində fədakar əməyə görə" medalı.
İstinadlar[redaktə | mənbəni redaktə et]
- ↑ Гатова И. Юлтыева Венера Гареевна //Народные артисты: Очерки.— Казань, 1980. С. 444–450
- ↑ "Казанское хореографическое училище". 2019-03-29 tarixində arxivləşdirilib. İstifadə tarixi: 2020-06-02.
- ↑ "Петровская Академия Наук и Искусств". 2014-01-04 tarixində arxivləşdirilib. İstifadə tarixi: 2014-02-07.