Niyazi İsmayılov

Niyazi İsmayılov
İsmayılov Niyazi Musa oğlu
Doğum tarixi	11 fevral 1963 (1963-02-11)
Doğum yeri	Çərəkə, Göyçay rayonu, Azərbaycan SSR, SSRİ
Vətəndaşlıq	SSRİ → Azərbaycan
Elm sahəsi	iqtisadiyyat
İş yeri	Azərbaycan Dövlət İqtisad Universiteti
Elmi dərəcəsi	iqtisad elmləri namizədi
Elmi adı	dosent
Təhsili	Azərbaycan Xalq Təsərrüfatı İnstitutu
Mükafatları

İsmayılov Niyazi Musa oğlu — "Tərəqqi" medalı laureatı, Azərbaycan Dövlət İqtisad Universitetinin "Uçot-İqtisad" fakültəsinin dekanı, iqtisad elmləri namizədi, dosent. Yeni Azərbaycan Partiyasının üzvü.

Həyatı

Niyazi İsmayılov 11 fevral 1963-cü ildə Göyçay rayonu­nun Çərəkə kəndində anadan olmuşdur. Orta təhsilini 1970-1980-ci illərdə Ucar şəhər 1 saylı orta məktəbində almışdır.

1981-1983-cü illərdə ordu sıralarında xidmət etmişdir. 1984-1988-ci illərdə Azərbaycan Xalq Təsərrüfatı İnstitutunun Uçot-iqtisad fakültəsinin əyani şöbəsinə "Mühasibat uçotu və təsər­rü­fat fəaliy­yə­tinin təhlili" ixtisası üzrə qəbul olunaraq ali təhsil almışdır.

1988-ci ildə "Təsər­rüfat fəaliy­yəti və isteh­salın səmərəliliyinin təh­lili" kafedrasına işə qəbul olunmu­şdur.

1988-1992-ci illərdə isə N.A.Voznesenski adına Leninqrad Maliyyə-İqtisad İnstitutunun Bakı filialını "Lenin təqaüd­çü­sü" kimi fərqlənmə diplomu ilə bitirərək tam ali təhsil almışdır.

1992-ci ildə M.V.Lomonosov adına Moskva Dövlət Universitetində aspiranturada təhsilini davam etdirmişdir.

1993-2000-ci illərdə Azərbaycan Dövlət İqtisad İnstitutunun "Təsərrüfat fəaliy­yəti və is­teh­­salın səmərəliliyinin təhlili", "İqtisadi təhlil" kafedralarında müəl­lim, baş müəllim və dosent vəzifə­lə­rində çalışmış, 2005-2006-cı illərdə "Uçot-iqti­sad" fakültəsin­də tədris işləri üzrə dekan müavini iş­lə­mişdir. 4 iyul 2006-cı ildə "Uçot-iqtisad" fakül­tə­si­nin ümumi yığıncağında dekan vəzi­­fə­sinə seçil­miş­dir.

Hal-hazırda Azərbaycan Dövlət İqtisad Universitetinin «İqtisadi təhlil və audit» kafed­ra­sı­nın dosenti, "Uçot-iqtisad" fakültəsinin dekanıdır.

Onun elmi-metodiki əsərlərinə 1 dərslik, 3 monoqrafiya, 10 metodik vəsait, 6 metodik göstəriş, 35 elmi məqalə daxildir.

Niyazi İsmayılov Yeni Azərbaycan Partiyasının üzvü, Fakültə Elmi Şurasının sədri, Universitet Böyük Elmi Şurasının üzvü, D.02.052 Dissertasiya Şurasının elmi katibidir.

Ailəsi

Ailəlidir. Bir oğlu var.

Mükafatları

• "Tərəqqi" medalı — 26.09.2011