Nizami Cəfərov (Duman oğlu)

Vikipediya, açıq ensiklopediya
Jump to navigation Jump to search
Nizami Cəfərov
Nizami Cəfərov Duman oğlu
Doğum tarixi 15 mart 1960 (1960-03-15) (59 yaş)
Doğum yeri Azərbaycan Azərbaycan SSR, Gədəbəy rayonu
Vətəndaşlığı
Milliyyəti Azərbaycanlı
İxtisası «Elektron hesablama maşınları»
Fəaliyyəti müəllim
gedebey.info/sayt/?page_id=556

Həyatı[redaktə | əsas redaktə]

Cəfərov Nizami Duman oğlu 15 mart, 1960-cı il Gədəbəy rayonunun Əli-İsmayıl kəndində anadan olub. 1967-1977-ci illərdə Gədəbəy rayonu Əli-İsmayıl kənd orta məktəbində orta təhsil alıb. 1977-ci il Ç.İldırım adına Azərbaycan Politexnik İnstitutunun (hazırkı Azərbaycan Texniki Universitetin) «Avtomatika və hesablama texnikası» fakültəsinin axşam şöbəsinə daxil olmuş və 1985-ci ildə həmin institutu «Elektron hesablama maşınları» ixtisası üzrə bitirmişdir.

1977-ci ilin oktyabrından əmək fəaliyyətinə başlamış, BBTİ-nin nəzdində Elektirik quraşdırma idarəsində elektirikçi işləmişdir. 1978-1980-ci illərdə ordu sıralarında xidmət edib. 1982-1984-cü illərdə Azərbaycan Dövlət Neft Akademiyasının (ADNA) hesablama mərkəzində texnik vəzifəsində çalışmışdır. 1984-1990-cı illərdə Azərbaycan Memarlıq və İnşaat Mühəndisləri Universitetinin hesablama mərkəzində texnik vəzifəsində çalışmışdır. 1990-cı ildən ADNA-nın «Kompyüter texnologiyaları və proqramlaşdırma» kafedrasında əvvəlcə tədris laboratoriya müdiri vəzifəsində işləmiş və saat hesabı dərs demişdir. 1993-cü ildən assistent, 1995-ci ildən baş müəllim, 1998-ci ildən hazırkı vaxta qədər isə dosent vəzifəsində çalışır.

1996-cı ildə «İnformasiyanın emalı və idarəetmə sistemi» ixtisası üzrə «Bitkilərin ekoloji təmiz mühafizə vasitələri üzrə informasiya sistemi» mövzusunda namizədlik dissertasiyası müdafiə etmişdir. 30-a qədər elmi məqalənin, 8 metodik vəsaitin və 2 dərs vəsaitinin müəllifidir. Elmi əsərləri Respublikamızda və Rusiyanın tanınmış mətbuat orqanlarında çap olunub.

Bir çox müəssisələrdə avtomatlaşdırılmış informasiya sistemləri yaradıb və hazırda bu sahədə öz fəaliyyətini davam etdirir.

Mənbə[redaktə | əsas redaktə]