Məzmuna keç

Nou Neym Klub

Vikipediya, azad ensiklopediya
Nou Neym Klub
Ölkə
Yaranma tarixi 1863

Nou Neym Klub (ing. No Names Club) və ya Nou Neym Kilbörn (ing. No Names Kilburn) — Londonun Kilbörn rayonunda yerləşən həvəskar keçmiş İngiltərə futbol klubu. Klubun oyun meydançası pis şəraitdə olduğu üçün onlara "Palçıqçılar" (ing. Mudlarks) ləqəbi verildi.[1]

Klubun qeydə alınan ilk matçları 1863-cü ilin yanvar və aprel aylarında "Barns" klubu üzərində qələbə ilə başa çatan oyunlar idi.[2] Klub 26 oktyabr 1863-cü ildə İngilətərə Futbol Assosiasiyasının 11 qurucu üzvlərdən biri idi[3] və klubu İFA-nın ilk prezidenti seçilən klubun kapitanı Artur Pember təmsil edirdi.[4] "N. N" İFA-nın qurucularından biri kimi müəyyən reputasiyaya sahib olsa da və 1866-cı ildə yalnız Assosiyasiyanın qanunları ilə oynayan 3 klubdan biri olsa da[5] klub heç vaxt elit klublardan biri sayılmırdı və 1868-ci ildə Artur Pemberin mühacirətindən sonra[6] kluba maraq azaldı. 1869–70 mövsümündə klub tez-tez yeni kapitan Tebbutt iştirak etmədən oynamaq məcburiyyətində qalırdı[7] və klubun 5 fevral 1870-ci ildə "Apton Park" klubuna qarşı keçirdiyi və məğlubiyyətlə başa çatan son qeydə alınmış matçı zamanı yalnız yeddi oyunçusu oynamağa gəlmişdir.[8]

Klub həmin ay İngiltərə Futbol Assosiasiyasının illik yığıncağına nümayəndə heyətini göndərmiş və 3 mart 1870-ci ildə "N. N"-nin iki oyunçusu İngiltərə ilə Şotlandiya arasında keçirilən ilk təmsilçi oyunda iştirak etmişdi, lakin sonradan dərc edilmiş matç siyahılarında klubun hər-hansı fəaliyyəti barədə bəhs olunmur və klub adına hər-hansısa əlavə nəticələr mövcud deyil.[9] 1871-ci ildən etibarən klubun adı Futbol Assosiasiyasının üzvlərinin siyahısında hallanmır.[10]

1871-ci ildə yaranan "Brondsbri" klubu "N. N"-nin dirçəlşi hesab olunurdu.[11] və klubun adı tez-tez "Brondsbri N. N." kimi çəkilirdi.[12]

İstinadlar

[redaktə | vikimətni redaktə et]
  1. ↑ "match report". The Field. 7 dekabr 1867.
  2. ↑ "Football". Bell's Life in London: 7. 12 aprel 1863.
  3. ↑ Harvey, Adrian. Football, the First Hundred Years: The Untold Story of the People's Game. Routledge. 2005. səh. 135. ISBN 978-0-415-35018-1. 5 avqust 2023 tarixində arxivləşdirilib. İstifadə tarixi: 7 mart 2023.
  4. ↑ "Meeting of Captains". Bell's Life in London: 10. 31 oktyabr 1863. 15 avqust 2021 tarixində arxivləşdirilib. İstifadə tarixi: 7 mart 2023.
  5. ↑ Along with Barnes and Crystal Palace: Bell's Life in London and Sporting Chroncile (2288): 7. 24 February 1866.
  6. ↑ Brown, Paul. "Arthur Pember's Code". What A Howler. 26 sentyabr 2021 tarixində arxivləşdirilib. İstifadə tarixi: 22 sentyabr 2022.
  7. ↑ "NNs 3-1 Old Bradfield". Sportsman: 3. 11 yanvar 1870.
  8. ↑ "match report". Sportsman: 3. 10 fevral 1870.
  9. ↑ e.g. "Fixtures for March". Sportsman. London (773): 4. 17 mart 1870.
  10. ↑ Brown, Tony. The Football Association 1863-1883: A Source Book. Nottingham: Soccerdata. 2011. səh. 52. ISBN 9781905891528.
  11. ↑ "news". Sportsman: 3. 1 noyabr 1871.
  12. ↑ "match report". Sportsman: 3. 23 dekabr 1871.
Mənbə — "https://az.wikipedia.org/w/index.php?title=Nou_Neym_Klub&oldid=7150883"