Nurlan Əsgərli

Vikipediya, azad ensiklopediya
Jump to navigation Jump to search
Nurlan Əsgərli
Nurlan Bayram oğlu Əsgərli
Nurlan Əsgərli.jpeg
Şəxsi məlumatlar
Doğum tarixi
Doğum yeri Viləş, Masallı rayonu, Azərbaycan
Vəfat tarixi (20 yaşında)
Vəfat yeri Talış, Tərtər rayonu, Azərbaycan
Vəfat səbəbi Şəhid olmuşdur
Dəfn yeri Viləş, Masallı rayonu, Azərbaycan
Vətəndaşlığı Azərbaycan Azərbaycan
Atası Bayram Əsgərli
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Xüsusi Təyinatlı Qüvvələr
Xidmət illəri 2015–2016
Rütbə
OR-8 AZE ARMY.svg Gizir
Döyüşlər Aprel döyüşləri
Təltifləri "Hərbi xidmətdə fərqlənməyə görə" 3-cü dərəcəli medalı

Nurlan Bayram oğlu Əsgərli (3 dekabr 1995; Viləş, Masallı rayonu, Azərbaycan4 aprel 2016; Tərtər, Azərbaycan) — Azərbaycan Silahlı Qüvvələrinin giziri, Aprel döyüşlərinin şəhidi.

Həyatı və hərbi xidməti[redaktə | mənbəni redaktə et]

Nurlan Əsgərli 3 dekabr 1995-ci ildə Masallı rayonunun Viləş kəndində anadan olmuşdur. Orta təhsil zamanı idmanla, xüsusilə, boksla və cüdoyla məşğul olmuşdur. Rayon üzrə cüdo və boks çempionatlarından 1-ci və 3-cü yer tutaraq qayıtmışdır. Orta məktəbi bitirdikdən sonra 2014-cü ilin yanvar ayında Masallı rayon Hərbi komissarlığından həqiqi hərbi xidmətə çağırılmışdır. 2015-ci ilin aprel ayında kəşfiyyatçı kursuna daxil olmuşdur. Həmin ilin iyul ayında həqiqi hərbi xidmətini başa vurduqdan sonra müddətdən artıq xidmət etmək üçün könüllü olaraq hərbi xidmətini baş əsgər rütbəsində davam etdirmişdir. Xidmətinə görə gizir rütbəsi almışdır.

2016-cı il aprelin 1-dən 2-nə ötən gecədən başlayaraq AzərbaycanErmənistan Silahlı Qüvvələrinin bölmələri arasında cəbhənin TərtərCəbrayıl-Füzuli istiqamətlərində şiddətli döyüşlər başladı. Tarixə Aprel döyüşləri olaraq yazılan hərbi əməliyyatlar zamanı Nurlan Əsgərli Tərtər rayonunun Talış kəndi istiqamətində döyüşlərdə vuruşdu. Gecə döyüşləri zamanı Tərtər rayonunun Talış kəndi istiqamətində olan əlverişli mövqelər, strateji nöqtələr, o cümlədən Talış yüksəkliyi Azərbaycan Ordusu tərəfindən işğaldan azad olunmuşdur. Nurlan Əsgərli özü ilə eyni rütbədə olan qardaşı, gizir İntiqam Əsgərli ilə birlikdə döyüşürdü. Qardaşı ilə birgə döyüş meydanından şəhidlərimizin, həmçinin, polkovnik Vüqar Yusifovun və polkovnik-leytenant Raquf Orucovun nəşini çıxarmışdır. Nurlan Əsgərli 4 aprel 2016-cı ildə Talış kəndi istiqamətində gedən döyüşlərdə döyüş tapşırığının yerinə yetirilməsi zamanı şəhid oldu. Onun nəşini döyüş meydanından çiyin-çiyinə vuruşduğu doğma qardaşı İntiqam Əsgərli çıxartdı.[1] İntiqam Əsgərlinin dediklərindən:

" Komandirimizi (Raquf Orucovu) şəhid gördüyümüzdən ikimiz də çox sarsılmışdıq. Müəyyən bir məsafəyə qədər aparıb, arxada bizi gözləyən əsgərlərə təhvil verdik, sonra Vüqar Yusifovu çıxarmağa getdik.
Elə bu vaxt yenə də bizim tərəfə mərmi düşdü. Torpağın toz-dumanı çəkiləndən sonra, baxdım ki, Nurlan yoxdu.
Elə bu vaxt yenə də bizim tərəfə mərmi düşdü.
Onun yıxıldığı istiqamətə qaçdım. Qardaşım yaralanmışdı.
Fikirləşdim ki, üstümdəki tibbi ləvazimatla ona yardım edə bilərəm...
Mən Nurlana çatanda, hələ canını tapşırmamışdı...
Onu qollarımın arasına aldım... 30 saniyədən sonra qardaşım şəhid oldu...
İntiqam Əsgərli
"

Aprelin 5-i isə Nurlan Əsgərli doğulduğu Masallı rayonunun Viləş kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və gizir Əsgərli uğrunda şəhid olduğu torpağa tapşırıldı.[2]

Nurlan Əsgərli ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.

Təltifləri[redaktə | mənbəni redaktə et]

İrsi və xatirəsi[redaktə | mənbəni redaktə et]

Doğulduğu Masallı rayonunun Viləş kəndinin mərkəzi küçələrindən biri Nurlan Əsgərlinin adını daşıyır.

Ailəsi[redaktə | mənbəni redaktə et]

Nurlan Əsgərlini döyüş meydanından çıxaran qardaşı İntiqam Əsgərli 2020-ci ilin 27 sentyabr tarixindən başlayan İkinci Qarabağ müharibəsində vuruşmuş, Şuşanın azad edilməsi uğrunda gedən döyüşlərdə şəhid olmuş və ölümündən sonra Vətən Müharibəsi Qəhrəmanı fəxri adını almışdır.

İstinadlar[redaktə | mənbəni redaktə et]

  1. Aida Eyvazlı. ""Aprel döyüşü"nün qəhrəman qardaşları - biri şəhid oldu, o biri şahid". Türküstan (az.). 16.10.2017. İstifadə tarixi: 28.03.2021.
  2. "Masallı Şəhidi Nurlan Əsgərov dəfn edildi". Masallı Rayon İcra Hakimiyyəti (masalli-ih.gov.az) (az.)). 05.04.2016. İstifadə tarixi: 28.03.2021.