O'G3NE

Vikipediya, azad ensiklopediya
Naviqasiyaya keçin Axtarışa keçin
O'G3NE
O'G3NE 2014-cü ildə
O'G3NE 2014-cü ildə
Əsas məlumatlar
Üslub Pop
R&B
Fəaliyyət illəri 2007–h.h.
Ölkə  Niderland
Şəhər Fixnaart
Digər adı Liza, Emi və Şelli (2007-2014)
Leybl BMG
Heyət Liza Vol
Emi Vol
Şelli Vol
Vikianbarın loqosu Vikianbarda əlaqəli mediafayllar

O'G3NE — Liza, Emi və Şelli Vol bacılarından ibarət Niderlandlı musiqi triosu. Onlar "Adem in, Adem uit" mahnısı ilə Niderlandı 2017 Avroviziya Uşaq Mahnı Müsabiqəsində təmsil etmişdirlər. 2014-cü ildə trio Niderlandın The Voice səs yarışmasında qələbə qazanmışdır və həmin qələbədən sonra O'G3NE Britaniyanın EMI Records albom şirkəti ilə anlaşma imzalamışdır.

O'G3NE "Lights and Shadows" mahnısı ilə Niderlandı 2017 Avroviziya Mahnı Müsabiqəsində təmsil etmişdir.[1]

Yaranma tarixçəsi[redaktə | mənbəni redaktə et]

Liza Vol 21 iyun 1994-cü ildə, Emi və Şelli əkizləri isə 18 oktyabr 1995-ci ildə Niderlandın Dordrext şəhərində anadan olmuşdur. Qızlar daha sonra ölkənin Fixnaart şəhərinə köçmüş və orada böyümüşdürlər.

2007-2011: 300%Sweet 16 albomları[redaktə | mənbəni redaktə et]

Liza, Emi və Şelli "Adem in, Adem uit" mahnısı ilə 2007-ci ildə Niderlandın Avroviziya Uşaq Mahnı Müsabiqəsi üçün təşkil etdiyi Junior Songfestival milli seçim turunda iştirak etmiş və nəticədə seçim turunda qalib gəlmişdirlər. Beləliklə bacılar Niderlandın Rotterdam şəhərində keçirilən 2007 Avroviziya Uşaq Mahnı Müsabiqəsində ölkələrini "Adem in, Adem uit" mahnısı ilə təmsil etmiş və 17 ölkə təmsilçisinin mübarizə apardığı müsabiqədə Niderlanda 11-ci yeri qazandırmışdırlar. 2008-ci ildə onların 300% adlı debüt albomu işıq üzü görmüşdür. Daha sonra isə 2011-ci ildə qrupun Sweet 16 adlı ikinci studiya albomu təqdim edilmişdir.

2014-2016: The Voice nailiyyəti və We Got This[redaktə | mənbəni redaktə et]

2011-ci ildə ikinci studiya albomunun təqdimatından sonra Liza, Emi və Şelli bir müddət fasiləyə ayrılmışdır. Daha sonra bacılar yeni səhnə adı "O'G3NE" ilə 2014-cü ildə Niderlandın The Voice səs yarışmasının dinləmələrinə qatılmışdırlar. Onlar dinləmələrdə Bee Gees qrupunun "Emotion" mahnısını ifa etmişdirlər. Nəticədə qızlar münsiflərdən Marko Borsatonun komandasına qoşularaq, yarışmanın növbəti mərhələsinə yüksələ bilmişdirlər. Yarışmada göstərdikləri yüksək səviyyəli ifalar sayəsində O'G3NE yarışmanın finalına yüksəlməyə nail olmuşdur. 2014-cü ilin dekabr ayında baş tutan finalda qrup ən çox səs toplayaraq, yarışmada qələbə qazanmışdır. Yarışmadakı qələbədən sonra O'G3NE Britaniyanın EMI Records albom şirkəti ilə anlaşma imzalamışdır.

2016-cı ilin sentyabr ayında O'G3NE qrupunun We Got This adlı üçüncü studiya albomu işıq üzü görmüşdür. Albom Niderland albom siyahılarında zirvəyə yüksəlmişdir.

2016-hal-hazırda: Avroviziya Mahnı Müsabiqəsi[redaktə | mənbəni redaktə et]

O'G3NE mətbuat konfransında

2016-cı ilin oktyabr ayında Niderlandın AVRO TROS telekanalı O'G3NE triousunun Niderlandı Ukraynanın paytaxtı Kiyevdə keçirilən Avroviziya 2017-də təmsil edəcəyini açıqlamışdır. Onların Avroviziyada ifa edəcəkləri mahnı "Lights and Shadows" 2017-ci ilin mart ayında təqdim edilmişdir. Uzun məşqlərdən sonra O'G3NE 11 may tarixində baş tutan müsabiqənin ikinci yarımfinal mərhələsində 6-cı nömrə altında səhnə almışdır. Nəticədə O'G3NE 200 xalla 4-cü yeri tutaraq, Avroviziya 2017-nin finalına yüksəlməyə nail olmuşdur. Qrup finalda ümumi nəticədə 26 ölkə təmsilçisi arasında 150 xalla 11-ci yerdə qərarlaşmışdır.[2]

Diskoqrafiya[redaktə | mənbəni redaktə et]

Albomlar[redaktə | mənbəni redaktə et]

  • 300% (2008)
  • Sweet 16 (2011)
  • We Got This (2016)

Sinqllar[redaktə | mənbəni redaktə et]

  • "Adem in, Adem Uit" (2007)
  • "Zet 'M Op!" (2008)
  • "Strand" (2008)
  • "The Power of Christmas" (2008)
  • "Op De Radio" (2012)
  • "Al Mijn Vrienden" (2013)
  • "Diep In De Nacht" (2013)
  • "Magic" (2014)
  • "Cold" (2015)
  • "Wings to Fly" (2015)
  • "Take the Money and Run" (2016)
  • "Clown" (2016)
  • "Loved You First" (2016)
  • "Lights and Shadows" (2017)
  • "But I Do" (2017)

İstinadlar[redaktə | mənbəni redaktə et]

  1. "Netherlands: O'G3NE to the Eurovision Song Contest 2017". eurovoix.com. 2023-07-26 tarixində arxivləşdirilib. İstifadə tarixi: 29 oktyabr 2016.
  2. "Eurovision 2017 Results". Eurovision World. 2017-06-16 tarixində arxivləşdirilib. İstifadə tarixi: 5 noyabr 2017.
Əvvəlki:
Daue Bob
"Slow Down"
Niderland Avroviziya Mahnı Müsabiqəsində

2017
Sonrakı:
Ueylon
"Outlaw in 'Em"

Xarici keçidlər[redaktə | mənbəni redaktə et]