Oasis
| Oasis | |
|---|---|
 | |
| Əsas məlumatlar | |
| Üslub | |
| Fəaliyyət illəri |
|
| Ölkə |
 İngiltərə |
| Şəhər | Mançester |
| Leybl | |
| Heyət |
Pol Arturs Liam Gallaher Noel Gallaher Gem Arçer Endi Bell |
| Keçmiş üzvlər |
Pol Makgigan Toni Makkeroll Toni Vayt |
| Əlaqəli layihələr | |
| oasosisnet — rəsmi saytı | |
 Vikianbarda əlaqəli mediafayllar | |
Oasis — 1991-ci ildə Mançesterdə yaranmış rok qrupu. Qrup ilk vaxtlar Liam Gallaher (əsas vokal), Pol "Bonhed" Arturs (gitara), Pol "Gigsi" Makgigan (bas gitara) və Toni Makkerrolldan (baraban) ibarət olub. Bir neçə ay sonra Liam öz böyük qardaşı Noel Gallaheri (solo gitara, vokal) qrupa beşinci üzv kimi dəvət edib. Noel qrupun faktiki lideri olub və ilk dörd studiya albomunun mahnı müəllifliyini öz üzərinə götürüb. "Oasis" Britpop janrının dünya miqyasında ən uğurlu qrupu hesab olunur.
"Oasis" 1993-cü ildə müstəqil "Creation Records" şirkəti ilə müqavilə bağlayıb və rekord göstəricili ilk studiya albomu "Definitely Maybe"ni (1994) buraxıb. Albom Britaniya albomlar çartında birinci yerə çıxıb və o dövr üçün ölkə tarixində ən sürətlə satılan debüt albom olub. Növbəti il qrup yeni barabançı Alan "Vayti" Vaytla "(What's the Story) Morning Glory?" (1995) albomunu buraxıb. Bu dövrdə "Blur" qrupu ilə aralarında Britaniya mediası tərəfindən "Britpop döyüşü" adlandırılan, geniş işıqlandırılan rəqabət yaşanıb. "(What's the Story) Morning Glory?" Britaniya çartlarında on həftə birinci yerdə qalıb, beynəlxalq uğur qazanıb və bütün zamanların ən çox satılan albomlarından biri olub. Albom həmçinin Britaniyada ən çox satılan üçüncü albom və 1990-cı illərin ən çox satılan albomu statusunu qazanıb. Gallaher qardaşları 1990-cı illər boyu bulvar qəzetlərində ictimai mübahisələri və coşğun həyat tərzləri ilə gündəmdə olub. 1996-cı ildə "Oasis" Nebvortda hər birində 125 min tamaşaçının iştirak etdiyi iki konsert verib - bu, o dövr üçün Britaniya tarixində ən böyük açıq hava konsertləri idi. 1997-ci ildə qrup səbirsizliklə gözlənilən üçüncü studiya albomu "Be Here Now"nı buraxıb. Albom Britaniya çartlarında ən sürətlə satılan albom olsa da, sonradan tənqidçilər tərəfindən uğursuz hesab edilib.
Diskoqrafiya
[redaktə | vikimətni redaktə et]Studiya albomları
- Definitely Maybe (1994)
- (What's the Story) Morning Glory? (1995)
- Be Here Now (1997)
- Standing on the Shoulder of Giants (2000)
- Heathen Chemistry (2002)
- Don't Believe the Truth (2005)
- Dig Out Your Soul (2008)
Xarici keçidlər
[redaktə | vikimətni redaktə et]- oasisinet.com — rəsmi saytı
 |
Musiqi qrupu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |