Oksana Rəsulova

Vikipediya, azad ensiklopediya
Jump to navigation Jump to search
Oksana Rəsulova
Oksana Rəsulova.jpg
Doğum tarixi 19 dekabr 1982 (1982-12-19) (36 yaş)
Doğum yeri Əli Bayramlı, Azərbaycan SSR, SSRİ
Vətəndaşlığı Azərbaycan Azərbaycan
Peşələri rəqqasə, aktrisa, müğənni, həkim
Milliyyəti Azərbaycanlı
Fəaliyyət illəri 1999 - indi

Oksana Rəsulova — Rəqqasə, aktrisa, ginekoloq və dəri zöhrəvi həkimi.

İxtisasca ginekoloq və dəri zöhrəvi həkimi olmasına baxmayaraq 19 ildir hind rəqsinə həm nəzəri, həm də texniki cəhətdən yiyələnməkdədir. Hind rəqsi üzrə bir çox beynəlxalq müsabiqələrdə qalib eyni zamanda 2-ci və 3-cü dərəcəli laureat olub. 2007-ci ildə Moskvada Hind rəqs ulduzları ilə birgə “Şavratri” adlı ilk keçirilən müziklda “Apsara” rolunu ifa edib. 2008-ci ildə isə Peterburqda keçirilən "Beynəlxalq Hind Rəqsləri Müsabiqəsi"ndə 1-ci yerə layiq görülüb. Nəhayət 2009-cu ilin oktyabr ayında Azərbaycanı Hind mədəniyyət festivalı “Divali 2009” da təmsil edib və 1-ci yərə çıxıb. Daha sonra “Hind rəqsləri üzrə 3-cü açıq konkurs”-da iştirak edib və 3-cü yeri tutub. Oksana hind dilində sərbəst danışır, azərbaycan və rus dillərinidə həmçinin bilir.

Həyatı[redaktə | əsas redaktə]

Oksana Rəsulova 19 dekabr 1982-ci ildə Əli Bayramlı şəhərində ziyalı ailəsində dünyaya gəlib. 3 yaşından hind rəqslərinə böyük həvəsi Oksanada, bu həvəsi hind filmləri pərəstişkarı olan xalası yaradır. Ailəsi ilə birlikdə Rusiyaya köçən Oksana uzun müddət Rusiya Federasiyasında yaşayıb. Rəqs təhsilini buradada davam etdirir və Uşaq Xareoqrafiya məktəbinə daxil olur. Rəqslə paralel olaraq, orta təhslini də davam etdirən Oksana daha sonra tibb akademiyasına daxil olur və ginekologiya ixtisası üzrə təhsil alır. İki il ixtisası üzrə işləyir. Lakin gələcəyini rəqqsiz təsəvvür etməyən Oksana həkimliyin daşını atıb, hind rəqsləri ilə daha ciddi məşğul olmağa başlayır. Səylə çalışmağı onu beynəlxalq müsabiqələrə qədər gətirib çıxarır. 1999-2000-ci illərdə keçirilən müsabiqlərədə 2-ci və 3-cü yerlərə layiq görülsə də 2008-ci ildə nəhayət qalib seçilir. Elə həmin ildə də vətənə qayıdan rəqqasə, bir il sonra Rusiyada keçirilən, beynəlxalq müsabiqədə bu dəfə Azərbaycanı təmsil edir və yenə də qalib olur. Öz üzərində dayanmadan çalışan Oksana 2001-ci ildə yaratdığı "Çandra Mutxi" rəqs qrupunu yenidən bərpa edir və müəllimlik fəaliyyətini davam etdirir. Şəhərin məşhur fitness mərkəzlərindən birində açılan kursda trener kimi də çalışıb.[1]

Qalmaqallardan kənar, öz sənəti ilə məşğul olan O.Rəsulova qısa bir zamanda populyarlıq qazandı.

Rəqqasə Azərbaycanlı reper Elşad Xose ilə ailə həyatı qurdu. Lakin çox çəkmədi ki, onlar qısa bir müddətdə ayrıldılar. Bu günə qədər də onların hansı səbəbdən ayrıldıqları naməlumdur. Hal hazırda rəqqasə subaydır.

2014-cü ildə Hindistanın “Zee Tv” telekanalında "India's Best Cine Star Ki Khoj" adlanan 12 nəfərlik realiti şousunun finalçıları arasında 6 qızdan biri olmağı bacaran Oksana Rəsulova, məşhur rejissor və aktyorların münsif kürsüsündə əyləşdiyi verlişdə bütün münsifləri təəcübləndirməyi bacarıb. Münsiflər heyətində Bollivudun məşhurları Sonali Bendre, aktyor Ayuşman Xurana, tanınmış rejissor Vijat Krişna Açarya əyləşiblər.[2] Oksana hal hazırda həmin realiti şouda tur keçməkdə davam edir.[3]

Karyerası[redaktə | əsas redaktə]

3 yaşından hind rəqslərinə böyük həvəsi olan, 8 yaşından isə rəqslə məşğul olan Oksana, 1999-cu ildən başlayaraq artıq böyük səhnələrdə rəqqasə kimi çıxış etməyə başlayıb. Hind rəqsi üzrə bir çox beynəlxalq müsabiqələrdə qalib, eyni zamanda 2-ci və 3-cü dərəcəli laureat olub. Oksana hind rəqslərindən “Stilizasiya”(Qarışıq-klassik və estrada) və sırf estrada, Bollivud hind rəqslərinə üstünlük verir. 2007-ci ildə Moskvada Hind rəqs ulduzları ilə birgə “Şavratri” adlı ilk keçirilən müziklda “Apsara” rolunu ifa edib. 2008-ci ildə isə Peterburqda keçirilən "Beynəlxalq Hind Rəqsləri Müsabiqəsi"ndə 1-ci yerə layiq görülüb. 2009-cu ilin oktyabr ayında Azərbaycanı Hind mədəniyyəti festivalı “Divali 2009” da təmsil edib və 1-ci yərə çıxıb. Daha sonra “Hind rəqsləri üzrə 3-cü açıq konkurs”-da iştirak edib və 3-cü yeri tutub. Sözügedən “Divali 2009”-da müsabiqənin münsiflərindən biri erməni qizi Narina Laryan olub. Oksananın rəqsi erməni münsifi o qədər valeh edib ki, o, Oksanaya müsabiqənin ən yüksək xalı hesab edilən 10 xalı verib. Həmin ərəfədə Oksana daha bir müsabiqədə, “Hind rəqsləri üzrə 3-cü açıq konkurs”-da iştirak edib və 3-cü yeri tutub. Burda isə münsiflər heyətində məşhur klassik hind rəqsləri üzrə ustad Aşvani Niqam əyləşib.[4] Azərbaycanda prodüsser Kemal Cenk İçten ilə tanış olan rəqqasə onun dəstəyi ilə müxtəlif verilişlərə dəvət alır və populyarlıq qazanır. 2008-ci ildə Oksana Rəsulova Azərbaycana gələndən sonra bir neçə işlərə imza atib. Aktrisa kimi İzzət Bağırov, Murad Sadıx, Təranə Vəlizadə, Orxan Ölməz, Nətavən Həbibi kimi sənətçilərin kliplərində çəkilir, qısametrajlı filmlərə və seriallara dəvət alır. 2010-cu ildə aktrisa kimi "Dostlar" serialının demo versiyasında baş rolda çəkilib. Həmin ildə Oksana Rəsulova "Mənim Atam" filmində də çəkilib (rejissor: Elçin Musaoğlu, Novruz Hikmət).[5] 2011-ci ildə isə Mədəniyyət və Turizm Nazirliyinin sifarişi ilə Azərbaycanda ilk hip-hop müzikılı olan "Leyli və Məcnun"da "Zeynəb" obrazını canlandırır. Öz üzrəində dayanmadan işləyən və peşəkarlığa doğru addımlayan Oksana 2001-ci ildə yaratdığı "Çandra Mutxi" rəqs qrupunu yenidən bərpa edir və müəllimlik fəaliyyətini davam etdirir.

Hindistanda bir neçə dəfə tədbirlərə dəvət alan rəqqasə, axırıncı səfərində Bollivudun məşhur aktyoru Anupam Kxerin aktyorluq məktəbində təhsil alır və Bollivudun ən tanınmış simaları ilə görüşür.[6] Bundan əlavə ilk müəllimi hesab etdiyi, Hindistanın rəqs kraliçası, Madhuri Dikşitın online rəqs məktəbinə aktirasının öyrətdiyi "Maina May" rəqsini, videoçarx şəklində öz ifasında göndərir. Oksananın rəqsini bəyənən aktrisa, onun istedadını yüksək dəyərləndirir, öz tələbəsi hesab edir və bu barədə hind telekanallarının birində müsahibə verir. Ən böyük arzusuna çatdığını deyən Oksana bununla kifayətlənməyib, daha çox uğur əldə etmək fikrinə düşür və 2014-cü ildə Hindistanın “Zee Tv” telekanalında "India's Best Cine Star Ki Khoj" adlanan realiti şouya qatılır. Münsiflər heyəti Bollivudun məşhurları Sonali Bendre, aktyor Ayuşman Xurana, tanınmış rejissor Vijat Krişna Açaryadır. Televerilişin final turlarında 2000 nəfər iştirak edib. Onlar arasından isə 100 nəfər seçilib. Bu 100 rəqqasə arasında Oksana Rəsulova da yer tutub. Finala 6 nəfər qız, 6 nəfər oğlandan ibarət 12 nəfər keçəcəyi halda Azərbaycanlı rəqqasə də finala düşüb və birinci yer uğrunda mübarizə aparır. Hal hazırda Oksana bu yarışmada mübarizə aparmaqda davam edir.[7]

Mükafatları[redaktə | əsas redaktə]

Filmoqrafiya[redaktə | əsas redaktə]

  1. 3 bacı (film, 2012-2014) (bədii serial) (rol: özü)
  2. Zaman adlı qatar (film, 2016)
  3. Şər qarışanda (film, 2016)
  4. Mələyin öpüşü (film, 2017)[8]
  5. Bayram axşamı (film, 2017)
  6. Mələyin Öpüşü (film, 2017)

Musiqi klipləri[redaktə | əsas redaktə]

  1. İzzət Bağırov - Dünya
  2. Murad Sadıx - Sevməsəm Ölərəm
  3. Küçük İbo - Deniz
  4. Orxan Ölməz - Yasa Dışı
  5. Təranə Vəlizadə - Sarı Gəlin
  6. Əlişahin və Zabir Əliyev - Kimsə Sevəcək
  7. Elşad Xose - Yox Təbəssüm
  8. Nətavan Həbibi - Sus

İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]