Oktay Səmədov

Vikipediya, azad ensiklopediya
Jump to navigation Jump to search
Oktay Səmədov
Oktay Əlipaşa oğlu Səmədov
Oktay Səmədov.jpg
Doğum tarixi (63 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elm sahəsi pedaqogika
Elmi dərəcəsi pedaqogika üzrə fəlsəfə doktoru
Elmi adı dosent
İş yeri Azərbaycan Respublikasının Prezidenti yanında Ali Attestasiya Komissiyasının Analitik təhlil və elektron xidmətlər şöbəsinin müdiri
Tanınır Alim-pedaqoq
Mükafatları "Azərbaycan Xalq Cümhuriyyətinin 100 illiyi (1918-2018)" yubiley medalı

Oktay Əlipaşa oğlu Səmədov — pedaqogika üzrə fəlsəfə doktoru, dosent, Azərbaycan Respublikasının Prezidenti yanında Ali Attestasiya Komissiyasının Analitik təhlil və elektron xidmətlər şöbəsinin müdiri.

Həyatı[redaktə | əsas redaktə]

Oktay Səmədov 8 aprel 1957-ci ildə Bakı şəhərində ziyalı ailəsində anadan olmuşdur.

1978-ci ildə M.F.Axundov adına APRDƏİ-ni fərqlənmə diplomu ilə bitirmişdir.

1978-1980-ci illərdə Azərbaycan rayonlarının kənd məktəblərində rus dili müəllimi işləmişdir.

1981-1984-cü illərdə SSRİ Pedaqoji Elmlər Akademiyasının Milli Məktəbdə Rus Dilinin Tədrisi Elmi Tədqiqat İnstitutunun aspiranturasında təhsil almışdır.

1986-cı ildə rus dilinin tədrisi metodikası sahəsində namizədlik dissertasiyasını müdafiə etmişdir.

Pedaqogika üzrə fəlsəfə doktoru, dosentdir.

1986-cı ildə (M.F. Axundov adına APRDƏİ-də (indiki Bakı Slavyan Universitetində) əmək fəaliyyətinə başlamış, müəllim, baş müəllim, dekan müavini vəzifələrində çalışmış, 2000-2006-cı illərdə Bakı Slavyan Universitetinin Magistratura şöbəsinin müdiri və elmi katib işləmişdir.

2006-2014-cü illərdə Bakı Slavyan Universitetinin tərbiyə işləri üzrə prorektoru vəzifəsində çalışmışdır.

2006-2014-cü illərdə Yeni Azərbaycan Partiyasının Bakı Slavyan Universiteti üzrə ilk ərazi təşkilatının sədri seçilmişdir.

2014-cü ildə Prezident cənab İlham Əliyevin 3 iyun tarixli Sərəncamı ilə Azərbaycan Respublikasının Prezidenti yanında Bilik Fondunun icraçı direktoru vəzifəsinə təyin olunmuş, 2019-cu ilin yanvar ayına qədər həmin vəzifədə çalışmışdır.

Azərbaycan Respublikasının Prezidenti yanında Ali Attestasiya Komissiyasının Analitik təhlil və elektron xidmətlər şöbəsinin müdiri vəzifəsində çalışır.

Bakı Slavyan Universitetinin Filologiya fakültəsinin Rus dili və onun tədrisi metodikası kafedrasının dosentidir.

Jurnalistlər üçün “Azərbaycan və rus dillərində 2222 söz və ifadə” məlumat kitabının müəllifi, məktəblilər üçün “Toponimlər tədris lüğəti”nin, tələbələr üçün “İşgüzar sənədlərin dili” məlumat kitabının həmmüəllifi, 70-dən çox elmi-metodik və elmi-kütləvi məqalələrin müəllifi, 200-dən çox elmi və bədii nəşrin redaktoru, bir çox ümumrespublika və beynəlxalq elmi konfransların iştirakçısıdır. Tərçüməçilik fəaliyyəti ilə də məşğul olur. Ali və orta məktəblərdə rus dilinin tədrisi metodikasının, elmi və bədii əsərlərin tərcüməsinin, gənclərin təlim-tərbiyəsi və maarifləndirilməsi işinin aktual problemlərinə dair elmi və publisistik məqalələri Rusiya, Ukrayna, Belarusiya, Türkiyə, Türkmənistan, Qazaxıstan ali məktəblərinin elmi məcmuələrində dərc olunmuşdur.

Azərbaycan Respublikasının Prezidenti cənab İlham Əliyevin Sərəncamı ilə “Azərbaycan Xalq Cümhuriyyətinin 100 illiyi (1918-2018)” yubiley medalı ilə təltif edilmişdir.

Ailəlidir, iki oğlu, üç nəvəsi var.


Əsərləri[redaktə | əsas redaktə]

• “Использование справочной лингвистической литературы на уроках русского языка в азербайджанской школе”, Методические рекомендации для студентов педагогического вуза. Баку, АПИРЯЛ им. М.Ф.Ахундова, 1995.

• “Учебный топонимический словарь”. Баку, “Мутаржим”, 1997.

• “Язык деловой документации. Русско-азербайджано-английский словарь-справочник”. Баку, “Мутарджим”, 1999.

• Магистратура: 99 вопросов. Справочник для студентов и магистрантов в БСУ. Баку, “Мутарджим”, 2001.

• Программы учебных предметов «Современные проблемы методики», «Основные и вспомогательные средства обучения русскому языку», «Методика преподавания русского языка в вузе», «Использование справочной лингвистической литературы в процессе обучения русскому языку как иностранному», «Приемы привития языковых знаний и умений» в отделении магистратуры Бакинского славянского университета, Баку, 2019.

• “Azərbaycan və rus dillərində 2222 söz və ifadə”. Jurnalistin məlumat kitabçası. Bakı, 2019.

Rusiya və Azərbaycan prezidentlərinin BSU-ya səfəri (10 yanvar 2001)

İstinadlar[redaktə | əsas redaktə]

Xarici keçidlər[redaktə | əsas redaktə]