Oliviya Hassi

Oliviya Hassi
ing. Olivia Hussey
Doğum tarixi:	17 aprel 1951 (1951-04-17)
Doğum yeri:	Buenos Ayres
Peşəsi:	Aktrisa
IMDb:	ID 0001377

Oliviya Hassi (ing. Olivia Hussey) — Böyük Britaniya aktrisası.

Həyatı

Oliviya Hassi 17 aprel 1951-ci ildə Buenos Ayresdə anadan olmuşdur. Atası Andreas Osuna opera müğənnisi olmuş və İsvaldo Ribo təxəllüsü ilə tanınmışdı. Oliviyanın 2 yaşı olarkən valideynləri ayrılırlar. 5 ildən sonra anası kiçik qardaşı ilə birlikdə Oliviyanı Londona aparır. Məhz orada Oliviya anasının soyadını götürür və teatr məktəbində təhsil almağa başlayır. O, ilk televiziya rolunu 13 yaşı olarkən alır və tezliklə italyan rejissor Franko Zeffirellinin "Romeo və Cülyetta" filmində Cülyetta rolunu ifa edir. Oliviya həmin roluna görə "Qızıl qlobus" mükafatına layiq görülür.

Oliviya Hassi 1971-ci ildə Los-Ancelesə gəlir və aktyor Din Martinin oğlu ilə ailə həyatı qurur. Onun oğlu Aleksandr da sonradan aktyor olur. 1973-cü ildə o, "İtirilmiş üfüqlər", 1978-ci ildə isə "Nildə ölüm" filmlərində çəkilir. 1978-ci ildə Martin Hassi ilə ayrılır və 1980-ci ildə yapon müğənnisi Akira Fuse ilə ailə qurur. 1983-cü ildə onların Maks adlı oğulları dünyaya gəlir.

O. Hassi ötən əsrin doxsanıncı illərinin əvvəllərində yenidən ərə gedir və bu nikahdan da qızı İndiyu Coy anadan olur.

Filmoqrafiya

İl	Azərbaycanca adı	Orijinal adı	Rol
1968	Romeo və Cülyetta	Romeo and Juliet	Cülyetta Kapuletti
1973	İtirilmiş üfüq	Lost Horizon	Mariya
1974	Qara Milad	Black Christmas	Cessika Bredford
1978	Nazaretli İsa	Jesus of Nazareth	Məryəm
1978	Nildə ölüm	Death on the Nile	Rozali Otterborn
1980	Virus	Virus	Marit
1982	Ayvenho	Ivanhoe	Rebekka
1984	Pompeyin sonuncu günləri	The Last Days of Pompey	İona
1987	Təhrif	Distortions	Emi Marks
1991	Elan edilməmiş müharibə	Undeclared War
1996	Gecə dumanı	The Dark Mist	səs
1998	Bağban	The Gardener	missis Karter

Xarici keçidlər

• Oliviya Hassi — IMDb səhifəsi