Oqtay Əliyev (zabit)

Vikipediya, açıq ensiklopediya
Jump to navigation Jump to search
Oqtay Əliyev
Əliyev Oqtay İrşad oğlu
Oqtay Əliyev (zabit).jpg
Doğum tarixi 18 oktyabr 1960(1960-10-18)
Doğum yeri Ağdam
Vəfat tarixi 27 fevral 2006(2006-02-27)
Vəfat yeri Bakı
Uşaqları Babək Oqtay oğlu Əliyev, Nəriman Oqtay oğlu Əliyev
Atası İrşad Əliyev
Anası Qənirə Rüstəmova
Mükafatları "Qüsursuz xidmətə görə" medalı (III dərəcəli) "Qüsursuz xidmətə görə" medalı (II dərəcəli)

Oqtay Əliyev (Tam adı: Oqtay İrşad oğlu Əliyev; d. 18 oktyabr 1960; Ağdam - ö. 27 fevral 2006; Bakı) — Azərbaycan Respublikası Milli Təhlükəsizlik Nazirliyinin sabiq əməkdaşı, Qarabağ müharibəsi veteranı[1]

Həyatı[redaktə | əsas redaktə]

Oqtay Əliyev 18 oktyabr 1960-cı ildə Ağdamda doğulmuşdur. Ağdam şəhər 2 saylı beynəlmiləl orta məktəbində təhsil almış, 1986-cı ilin fevral ayından 1987-ci ilin fevral ayınadək SSRİ Dövlət Təhlükəsizliyi Komitəsinin Minsk şəhərində yerləşən məktəbində ali kursların dinləyicisi olmuşdur.

Ailəsi[redaktə | əsas redaktə]

Atası İrşad Məhəmməd oğlu Əliyev (25.02.1924-13.03.1993) Ağdamın Sarıhacılı və Seyidli kəndlərindəndir. Qarabağ xanı Pənahəli xanın əqrabasıdır. Azərbaycanın görkəmli yazıçısı, dramaturqu və maarif xadimi Süleyman Sani Axundovun mənsub olduğu nəslin ləyaqətli nümayəndəsidir. Ömrünün axırınadək dövlət orqanlarında müxtəlif məsul vəzifələrdə çalışmışdır. Ağdamın erməni təcavüzkarları tərəfindən işğalı ərəfəsində, 1993 ilin mart ayında haqsızlıqlara tab gətirməyərək dünyasını dəyişmişdir. Ağdamın Fəxri Xiyabanında dəfn edilmişdir.

Anası Qənirə Rüstəm qızı Rüstəmova (30.12.1932-27.09.2012) Ağdamın Xıdırlı kəndindəndir. 50 ildən çox Ağdam şəhər 2 saylı beynəlmiləl orta məktəbin hər iki bölməsində - Azərbaycan və rus bölməsində fizika - riyaziyyat fənlərindən dərs demişdir. Azərbaycan Təhsil Nazirliyinin əmri ilə sonradan həmin məktəbin rus bölməsi ayrılaraq Ağdam şəhər 7 saylı orta məktəbə çevrilmiş və sərbəst fəaliyyət göstərmişdir. Qənirə Rüstəmova yataq xəstəsi olanadək bu məktəbdə işləmişdir. O, məcburi köçkün həyatını Bakı şəhərində, övladı Adil İrşadoğlunun ailəsində yaşamış və burada dünyasını dəyişmişdir.[1]

Oqtay Əliyevin övladları: Babək Oqtay oğlu Əliyev, Nəriman Oqtay oğlu Əliyev.

Azərbaycan Jurnalistlər İttifaqının üzvü, Birinci Qarabağ müharibəsinin iştirakçısı, Qarabağ Əlillər Cəmiyyətinin fəxri üzvü, Adil İrşadoğlunun qardaşıdır.

Fəaliyyəti[redaktə | əsas redaktə]

1987-ci ilin fevral ayından 27 fevral 2006-cı il tarixinədək Azərbaycan Respublikası Milli Təhlükəsizlik Nazirliyinin müxtəlif orqanlarında yorulmadan çalışmışdır.

1990-cı ilin yanvar-fevral aylarında MTN-nin Ağdam rayon şöbəsinə, 1991-ci ilin iyul ayında isə erməni silahlı dəstələrinə qarşı döyüşlərdə iştirak etmək üçün MTN-nin Goranboy rayon bölməsinə ezamiyyətə göndərilmişdir. 1992-ci ilin fevral ayından 1993-cü ilin avqust ayınadək MTN-nin Ağdam rayon şöbəsində könüllü xidmət edərək keçirilən bir sıra hərbi əməliyyatlarda da yaxından iştirak etmişdir. Ağdam rayonu erməni silahlı qüvvələri tərəfindən işğal olunmamışdan 2 gün əvvəl bölmənin istifadəsində olan əməliyyat rabitəsini, icraatındakı bütün əməliyyat sənədlərini öz təşəbbüsü ilə çıxarmış və mühüm sənədlərin düşmənin əlinə keçməsinə imkan verməmişdir. Oqtay İrşad oğlu Əliyev həmin sənədləri MTN-nin Yevlax rayon şöbəsinə təhvil vermişdir. 1993-cü ilin avqust ayında MTN-nin Biləsuvar rayon şöbəsinə əməliyyat müvəkkili vəzifəsinə təyin edilmişdir. 1995-ci ilin dekabr ayının axırlarında MTN-nin Yardımlı rayon şöbəsinə əməliyyat müvəkkili təyin edilmişdir. Sonradan isə Azərbaycan Respublikası Milli Təhlükəsizlik Nazirliyində çalışmışdır. 1997-ci ildə Qarabağ Müharibəsi veteranı adını qazanmışdır[1].

Mükafatları[redaktə | əsas redaktə]

Oqtay İrşad oğlu Əliyev qüsursuz xidmətinə görə Fəxri Fərmanlarla, 3-cü dərəcəli və 2-ci dərəcəli medallarla təltif edilmişdir.

Ölümü[redaktə | əsas redaktə]

Oqtay İrşad oğlu Əliyev 27 fevral 2006-cı il tarixində 45 yaşında dünyasını dəyişmişdir.

İstinadlar[redaktə | əsas redaktə]