Oqtay Həsənov

Vikipediya, azad ensiklopediya
Jump to navigation Jump to search
Oqtay Həsənov
Həsənov Oqtay Hüseyn oğlu
Oqtay Həsənov.jpg
Doğum tarixi 1938(1938-05-00)
Doğum yeri Səfiyan, Laçın rayonu, Azərbaycan SSR
Vəfat tarixi 21 iyul 2012 (74 yaşında)
Vəfat yeri Bakı, Azərbaycan
Vətəndaşlığı Azərbaycan Azərbaycan
Milliyyəti azərbaycanlı
Təhsili Azərbaycan Dövlət Universiteti
Mükafatları "Tərəqqi" medalı

Oqtay Hüseyn oğlu Həsənov — Laçın rayon Xalq Nəzarəti Komitəsinin sədri (19821991), Laçın rayonunun ictimai-siyasi həyatında mühüm yeri olmuş ziyalı.

Həyatı[redaktə | əsas redaktə]

Oqtay Həsənov 1938-ci ilin mayında Laçın rayonunun Səfiyan kəndində müəllim ailəsində anadan olmuşdur.

1956-cı ildə Laçın şəhər 1 №-li orta məktəbini bitirmişdir. 1962-ci ildə Azərbaycan Dövlət Universitetinin geoloji-coğrafi fakültəsinin coğrafiya şöbəsini bitirmişdir.

1962-1978-ci illərdə Laçın şəhər 1№li orta məktəbində müəllim, tədris işləri üzrə direktor müavini işləmişdir.

1978-1982-ci illərdə Laçın rayon Partiya Komitəsində siyasi maarif kabinetinin müdiri, 1982-1991-ci illərdə Laçın rayon Xalq Nəzarəti Komitəsinin sədri, 1991-1995-ci illərdə Laçın rayon Xalq Deputatları Soveti Rəyasət Heyəti sədrinin müavini vəzifəsində çalışmışdır. 1996-cı ildən 2011-ci ilə kimi Laçın rayon Təhsil Şöbəsində metodist vəzifəsində işləmişdir.

Oqtay Həsənov 2007-ci ildə çap olunan "Hamı üçün kitab" adlı əsərin müəllifidir.

2012-ci il iyulun 21-də uzun sürən xəstəlikdən sonra 74 yaşında Bakı şəhərində vəfat etmişdir.

Təltifləri[redaktə | əsas redaktə]

1974-cü ildə “Azərbaycan SSR Qabaqcıl Maarif Xadimi” nişanı ilə, 1976-cı ildə “Şərəf nişanı” ordeni ilə, 1991-ci ildə “SSRİ Xalq Nəzarəti orqanlarında fəal işinə görə” nişanı ilə təltif olunmuşdur.

19 fevral 2009-cu ildə Azərbaycan Respublikası Prezidentinin fərmanı ilə "Tərəqqi" medalına layiq görülmüşdür.[1]

Ailəsi[redaktə | əsas redaktə]

1967-ci ildə ailə həyatı qurmuş, 3 oğlu, 1 qızı var.

Mənbə[redaktə | əsas redaktə]

  • "Atalar və oğullar". "Laçın yurdu", Bakı, "Bəxtiyar-4", №3 (6), 2012.

İstinadlar[redaktə | əsas redaktə]

  1. "Laçın şəhərinin 85 illik yubileyi münasibətilə bir sıra şəxslərin təltif edilməsi haqqında Azərbaycan Respublikası Prezidentinin sərəncamı". president.az (azərb.). 19 fevral 2009 17:41. İstifadə tarixi: 16 iyun 2016.