Oruc Əliyev

Vikipediya, azad ensiklopediya
Jump to navigation Jump to search
Oruc Əliyev
Oruc Söhrab oğlu Əliyev
Şəkil yoxdur.jpg
Doğum tarixi 10 noyabr 1949(1949-11-10)
Doğum yeri Xanlıqlar, Qazax rayonu, Azərbaycan, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Elm sahəsi Filologiya
İş yeri AMEA-nın Folklor İnstitutu

Oruc Söhrab oğlu Əliyev - Alim, folklorşünas, filologiya elmləri namizədi, AMEA Folklor İnstitutunun elmi işlər üzrə direktor müavini (2003-cü ildən).

Həyatı[redaktə | əsas redaktə]

1949-cu il noyabr ayının 10-da Azərbaycanın zəngin folklor mühitlərindən olan Qazax rayonunun Xanlıqlar kəndində anadan olmuşdur. O, 1967-ci ildə orta məktəbi, 1974-cü ildə isə Azərbaycan Dövlət Universitetinin (indiki BDU) filologiya fakültəsini bitirmişdir.

1974-1979-cu illərdə Biləsuvar rayonunun Xırmandalı kəndində müəllim işləmişdir.

Oruc Əliyev 1981-1984-cü illərdə AEA-nın Ədəbiyyat İnstitutunda aspiranturada oxumuşdur. 1985-ci ildə həmin institutun mifologiya şöbəsinə kiçik elmi işçi vəzifəsinə qəbul edilmişdir.

1988-ci ildə «Azərbaycan sehrli nağıllarının ideya - bədii xüsusiyyətləri» mövzusunda namizədlik dissertasiyası müdafiə edərək filologiya elmləri namizədi alimlik dərəcəsinə layiq görülmüşdür.

1995-ci ilə qədər Azərbaycan Milli Elmlər Akademiyasının Ədəbiyyat İnstututunda elmi işçi, böyük elmi işçi vəzifələrində çalışmışdır. Dosent elmi rütbəsi vardır.

1995-ci ildən Ədəbiyyat İnstitutunun nəzdində yaradılmış Folklor sarayı elmi-mədəni mərkəzində böyük elmi işçi, şöbə müdiri, elmi katib vəzifələrində işləmişdir.

2003-cü ildən AMEA Folklor İnstitutunun elmi işlər üzrə direktor müavinidir.

Azərbaycan folklorşünaslığına aid çoxsaylı məqalələrin, monoqrafiyanın, tərtib və toplama kitablarının müəllifidir. Bir sıra beynəlxalq və respublika konfranslarında iştirak etmişdir.

Azərbaycan folklorşünaslığında az öyrənilmiş bir elmi problemə həsr olunmuş bu elmi - tədqiqat işi sehrli nağılların ideya - bədii xüsusiyyətlərinin öyrənilməsi sahəsində son dərəcə orijinal bir tədqiqat işi idi. Alim uzun illərdir ki, «Azərbaycan nağıllarının poetikası» adlı doktorluq dissertasiyası üzərində çalışır. O, bu aktual elmi - problemlərlə bağlı «Azərbaycan nağıllarının poetikası» monoqrafiyasının, həmçinin 40-dan artıq məqalənin müəllifidir. Onun Azərbaycan şifahi xalq ədəbiyyatının həm ideya - məzmun, həm də həcm - forma özəllikləri baxımından son dərəcə xüsusi aparıcı mövqeyə malik nağıllar haqqındakı çoxistiqamətli tədqiqatları, demək olar ki, bu sahəyə aid tədqiqatlara yön verən, bu tədqiqatların strateji elmi istiqamətlərini müəyyənləşdirən tədqiqatlardır.

Fəaliyyəti[redaktə | əsas redaktə]

Oruc Əliyev son iyirmi ildə öz orijinal dəsti - xətti ilə seçilən, istər toplama, kataloqlaşdırma, janrlar üzrə təsnif və tərtib, istərsə də toplanılmış materialların müasir elmi - nəzəri təfəkkür işığında konseptual tədqiqi üzrə yorulmaz fəaliyyəti sayəsində seçilən folklorşünaslarımızdandır. Yorulmaz alimin bu iki istiqamətli fəaliyyətinə üçüncü bir cəhəti - elmi - təşkilati fəaliyyəti də əlavə etsək, onda onun müasir Azərbaycan folklorşünaslığı qarşısındakı əvəzsiz xidmətləri bütün dolğunluğu ilə görünər. Folklor Elmi - Mədəni Mərkəzi yarandığı gündən Oruc Əliyev bu mərkəzin elmi katibi kimi məsul bir vəzifəni icra edərək elmi - təşkilati işdə də son dərəcə böyük fəallıq göstərmiş, elmi fəaliyyətin səmərəlilik dərəcəsinin artırılması, məqsədyönlü təşkili üçün Hüseyn İsmayılovun yaxın köməkçisi olmuşdu.

Xarici keçidlər[redaktə | əsas redaktə]

DİREKTOR MÜAVİNİ

Mənbə[redaktə | əsas redaktə]

  • Salatın Əhmədli, Rövşən Babanlı. "Qazax mahalının alimləri" (ensiklopedik məlumat). "Günəş" nəşriyyatı. Bakı. 2017. 512 səh.]