Orxan Bahadırsoy

Vikipediya, azad ensiklopediya
Jump to navigation Jump to search
Orxan Bahadırsoy
Orxan Elsevər oğlu Bahadırzadə
Doğum tarixi (28 yaş)
Doğum yeri Hamarmeşə, Lerik rayonu, Azərbaycan
Vətəndaşlığı Azərbaycan Azərbaycan
Milliyyəti azərbaycanlı
Fəaliyyəti yazıçı, şair, dramaturq, ssenari müəllifi, jurnalist, aktyor
Fəaliyyət illəri 2010 — günümüz
Əsərlərinin dili Azərbaycan dili, Türk dili
Janr ədəbiyyat, teatr, mətbuat

Orxan Bahadırsoy (tam adı: Orxan Elsevər oğlu Bahadırzadə) — Azərbaycan yazıçısı, dramaturqu, şairi, jurnalisti, ssenari müəllifi, aktyor.

Həyatı[redaktə | mənbəni redaktə et]

1993-cü il avqust ayının 4-ü Lerik rayonu Hamarmeşə kəndində anadan olub. 92 saylı tam orta məktəbi bitirib. Uşaqlıq illərini Lerikdə keçirib. [1] 2011-ci ildə Azərbaycan Dövlət Neft Akademiyasının (indiki Azərbaycan Dövlət Neft və Sənaye Universitetinin) "Biotibbi Texnologiyalar Mühəndisliyi" ixtisasına qəbul olunub. Daha sonra incəsənətə olan marağından dolayı buradakı təhsilini yarımçıq saxlayaraq Azərbaycan Dövlət Mədəniyyət və İncəsənət Universitetinin "Kino və Dram Teatrı Aktyorluğu" ixtisası üzrə təhsil alıb. [2] Özü bu haqda müsahibələrindən birində belə deyir:

"İstəmədiyim sahə idi. Həmişə qəribə bir paradoks var idi. Mən kimya, fizikanı sevirdim, lakin onları, sadəcə, krossvord hesab edirdim. Məsələlər həll etmək, tənliklər çözmək asudə vaxtımı əyləncəli keçirmək üçün bir vasitə idi. Ədəbiyyata isə peşə kimi yanaşırdım. Bunu nə müəllimlərimə, nə də valideynlərimə izah edə bilirdim. Lakin çox çəkmədi, birinci kursun sonlarında dərslərdən qaçıb, teatra getməyə başladım. Mənə qaib yazılırdı. Ərizəmi yazıb imtina etdim və evdən ayrıldım." [3]

Müxtəlif şeir, hekayə və bədii qiraət yarışmalarının qalibi olub. 2010-cu ildə Ekologiya və Təbii Sərvətlər NazirliyininTəhsil Nazirliyinin birgə keçirdiyi "Ətraf mühiti qoruyaq" adlı bədii əsərlər yarışmasında "Qəzəbli çay" hekayəsi ilə qalib olub. 2017-ci ildə Almaniyanın Potsdam, Frankfurt-Oder və Berlin şəhərlərində keçirilən "Next Stage Europe - 3" festivalında "Saçını satan aktrisa" pyesi ilə birincilik qazanıb. Bu festivalda iştirak edən və birincilik qazanan ilk və tək azərbaycanlı dramaturq olub. [4] "Saçını satan aktrisa" pyesi Potsdam Hans Otto Teatrında səhnələşdirilib və Almaniyada çap olunan Müasir Dramaturgiya Antologiyasına daxil edilib. Festivalda yer alan əsərinə və dramaturji üslubuna görə Almaniyanın nüfuzlu teatr adamları tərəfindən "Şərqin Şilleri" adlandırılıb. Eyni zamanda, festival çərçivəsində Berlin İncəsənət Universitetində məşhur alman yazıçı və dramaturq John von Düffeldən "Teatr və Dramaturgiya" üzrə master-klas keçib. [5]

Yaradıcılığı[redaktə | mənbəni redaktə et]

Orxan Bahadırsoy bədii yaradıcılığa 2007-ci ildə "Gülüş olmasa" şeiri ilə başlayıb. 2011-ci ildən şeirləri, hekayələri və publisistik yazıları bir sıra mətbu orqanlarda yayımlanmağa başlayıb. "Zaman-press" qəzetində İncəsənət və Ədəbiyyat şöbəsinin müdiri, Sputnik Beynəlxalq İnformasiya Agentliyində Köşə Yazarı vəzifələrində çalışıb. [6] Orxan Bahadırsoy yaradıcılığına Türkiyə, [7] Almaniya, [8] və Rusiya [9] Mətbuatında da geniş yer verilib.

Aktyor və rejissor kimi də fəaliyyət göstərib. 2009-2011-ci illərdə Xalq Teatrında "Cərimə Qonaqlığı" (Salam Qədirzadənin eyniadlı novellası əsasında) tamaşasında polis, "İblis" (Hüseyn Cavid) tamaşasında İblis, "Leyli və Məcnun" operasında (Üzeyir Hacıbəyov) Məcnun (Mənsum İbrahimovun səsi ilə) və başqa rolları canlandırıb. Səda Teatrında "Mənim sevimli dəlim" (Elçin Əfəndiyev) tamaşasında Ədəbi İşçi, [10] Gənc Tamaşaçılar Teatrında "Rəhmə gəl, mələyim" (Qeybulla Rəsulov) tamaşasında Kazım, İncəsənət Universitetində "Yad Qadının məktubları" (Stefan Sveyq, Əjdər Ol) tamaşasında Kişi obrazları ilə çıxış edib. 2015-ci ilə "ADO" Teatrında həm müəllifi, həm də rejissoru olduğu "Sirli Dahi" tamaşasında Edqar Allan Po, [11] "Suriyalı" tamaşasında Suriyalı [12] obrazlarını ifa edib.

Müxtəlif teatr tamaşaları haqqında bir sıra resenziyaların, [13] müxtəlif mövzulu tarixi araşdırmaların müəllifidir. Buna misal olaraq, Azərbaycan teatrının banisi Hüseyn Ərəblinski haqqında, [14] repressiya qurbanları haqqında [15]Zeynəb Xanlarovanın ictimai-siyasi fəaliyyəti barədə [16] araşdırmalarını göstərmək olar.

Şeirlərinə müxtəlif mahnılar bəstələnib və öz şeirlərinə bəstələdiyi mahnılarla da tanınır. Sözləri Orxan Bahadırsoya, musiqisi Tahir Abdullayevə məxsus olan "Ad günü" mahnısı Elnur Məmmədov (müğənni) [17] tərəfindən, musiqisi Zamiq Məmmədova məxsus olan "Gedirəm", [18] "Unut Məni" [19] mahnıları Zamiq Məmmədov tərəfindən ifa olunub. Sözləri və musiqisi Orxan Bahadırsoya məxsus olan "Sənə qurban" mahnısını Zamiq Məmmədov ifa edib. [20]

Şeirləri tanınmış aktyor və aktrisalar tərəfindən ifa olunub. Rövşən İsax,[21] Kamran Yunis, [22] Zemfira Əbdülsəmədova, [23] Tural Əhməd, [24] Türkay Cəfərli, Xəzər Süleymanlı, Kamran Ağabalayev, [25] Bəhram Əliheydər, Vüsalə Səid Əyyubqızı, Firdovsi Nəbiyev, Elxan Rza, [26] Sabirə Abdullayeva, [27] Ləman Mərrih [28] və başqa sənət adamları müəllifin şeirlərini məharətlə səsləndiriblər.

Orxan Bahadırsoy yaradıcılığı haqqında bir sıra ədəbiyyat adamları, tənqidçilər və teatrşünaslar müxtəlif yazılar yazıblar. Bunlardan İradə Qaracallı, Günel Musa, Azad Qaradərəli [29] və başqalarını göstərmək olar. Filologiya üzrə fəlsəfə doktoru İradə Musayevanın 2016-cı ildə çap olunan "XXI əsrdən baxış: ədəbi tənqid və bədii söz" kitabında Orxan Bahadırsoy yaradıcılığına da yer verilib. Kitab ali məktəblərin filologiya üzrə magistratura pilləsində tədris olunur. [30]

2020-ci ildən etibarən "YouTube" portalında özünün kanalını yaradan yazıçı bu kanal üzərindən elm, mədəniyyət və tarix mövzularında videolar hazırlamaqdadır. [31]

Əsərləri türk, rus, ingilis, gürcü və alman dillərinə tərcümə olunub. [32] [33]

Kitabları[redaktə | mənbəni redaktə et]

  • "Fahişə Mələklər" (roman) (2012) [34]
  • "Günahdır səni sevmək (roman) (2014) [35]
  • "Şeir Adam" (şeirlər toplusu) (2016) [36]
  • "Kimsəsizlər sığınacağı" (şeirlər, hekayələr və pyeslər toplusu) (2018) [37]

İstinadlar[redaktə | mənbəni redaktə et]

  1. https://ayna.az/news/1628
  2. https://www.facebook.com/780025458789842/videos/1289649087880241
  3. https://oxu.az/society/283028
  4. https://qaynarinfo.az/az/orxan-bahadirsoy-quotazerbaycandan-daha-hec-ne-ummuramquot-msahibe/
  5. https://m.sputnik.az/culture/20170710/411038800/orxan-bahadirsoyun-almaniya-ugurlari.html
  6. https://m.sputnik.az/authors/orkhan_bahadirsoy/
  7. http://www.yarpuzedebiyatdergisi.com/wp-content/uploads/2020/08/8-YARPUZEKIM.pdf
  8. https://www.pnn.de/kultur/kafkas-kinder/21335604.html
  9. https://az.sputniknews.ru/authors/orkhan_bahadyrsoy/
  10. https://www.youtube.com/watch?v=GVF4j8DZfL8&t=14s
  11. https://www.azpress.az/index.php?lang=az&sectionid=news&id=43038
  12. https://www.nefeslgbt.org/bakida-suriyali-geyin-h%C9%99yatindan-b%C9%99hs-ed%C9%99n-hekay%C9%99-s%C9%99hn%C9%99l%C9%99sdirilib/[ölü keçid]
  13. https://sputnik.az/culture/20190630/420919044/azerbaycan-teatri-ucun-bir-shtrix.html
  14. https://sputnik.az/culture/20160510/405071569.html
  15. https://sputnik.az/culture/20170614/410694465/repressiya-qurbanlari-ikinci-yazi.html
  16. https://www.edebince.az/2020/02/24/zeyneb-xanlarova-prezidenle-gorus-diger-cinayetler-haqqinda/
  17. https://www.youtube.com/watch?v=Asa7U_Rl71E
  18. https://www.youtube.com/watch?v=EnpnWTaDDuw
  19. https://www.youtube.com/watch?v=liNAz5GmigM
  20. https://www.youtube.com/watch?v=hOXn-wZrF9Y
  21. https://www.facebook.com/780025458789842/videos/3219667388052211
  22. https://www.youtube.com/watch?v=yHJAytnc3Wc
  23. https://www.youtube.com/watch?v=rnSjJZph4E4
  24. https://www.youtube.com/watch?v=iYgOkBVHNjQ&t=1s
  25. https://www.youtube.com/watch?v=e3k8Z3oo-NQ
  26. https://www.youtube.com/watch?v=7cWwJxKmpA8
  27. https://www.youtube.com/watch?v=U_EvKQECO3c&t=8s
  28. https://www.youtube.com/watch?v=tFjszAnJ1d0
  29. https://edebiyyat.az/teqdimat/131-azad-qaraderel-menm-cekm-uygun-gelmr-yasma.html
  30. https://kulis.az/news/16326
  31. https://www.youtube.com/channel/UCNDcN7PslIBHJcbPy2Q3xPA/videos
  32. https://www.adalet.az/w143808.html/143808.html
  33. https://www.antoloji.com/ben-bir-dogu-cocuguyum-siiri/
  34. http://www.kitabxana.net/?oper=readBook&id=1733
  35. https://publika.az/news/tabloid/26049.html
  36. https://sputnik.az/culture/20170120/408524148/sheir-adam-cap-olunub.html
  37. https://sputnik.az/culture/20190131/419185556/kimsesizler-sinagi-ishiq-uzu-gorub.html