Məzmuna keç

Orxan Məmmədov

Keçid əlavə et
Vikipediya, azad ensiklopediya
Orxan Məmmədov
Kiçik və Orta Biznesin İnkişafı Agentliyinin İdarə Heyətinin sədri
Vəzifədədir
27 fevral 2018-ci ildən
Şəxsi məlumatlar
Doğum tarixi 1 iyul 1984(1984-07-01) (42 yaş)
Doğum yeri
Milliyyəti Azərbaycanlı
Vətəndaşlığı Azərbaycan Azərbaycan
Təhsili
Fəaliyyəti iqtisadçı
Uşağı 3
Vikianbarın loqosu Vikianbarda əlaqəli mediafayllar

Orxan Məmmədov (1 iyul 1984, Bakı) — Azərbaycan iqtisadçısı, Kiçik və Orta Biznesin İnkişafı Agentliyinin İdarə Heyətinin sədri,[1] "Zirə FK" Peşəkar Futbol Klubunun Müşahidə Şurasının sədri və Azərbaycan Minifutbol Federasiyasının prezidenti.[2][3][4]

Həyatı

[redaktə | vikimətni redaktə et]

Orxan Vidadi oğlu Məmmədov 1 iyul 1984-cü ildə Bakı şəhərində anadan olmuşdur. İlk təhsilini Bakı şəhərində Tofiq İsmayılov adına 6 nömrəli məktəb-liseydə almış, 2001-ci ildə Bakı Dövlət Universitetinin beynəlxalq münasibətlər və beynəlxalq hüquq fakültəsinə daxil olmuşdur. 2005-ci ildə həmin universiteti bitirdikdən sonra təhsilinə beynəlxalq biznes və maliyyə proqramı üzrə Böyük Britaniyanın Regent Universitetində davam etmişdir. 2007-ci ildə məzun olduqdan sonra Odlar Yurdu Universitetində biznes administrasiyası üzrə magistr təhsilinə başlamışdır. Daha sonra 2010–2012-ci illərdə Azərbaycan Dövlət İqtisad Universitetində maliyyə və kredit ixtisası üzrə təhsil almışdır.[1][5]

2005–2006-cı illərdə Azərbaycan Respublikası Silahlı Qüvvələrində həqiqi hərbi xidmət keçmişdir.

İngilis, rus və türk dillərini bilir.

Ailəlidir, 3 övladı var.

Fəaliyyəti

[redaktə | vikimətni redaktə et]

Əmək fəaliyyəti

[redaktə | vikimətni redaktə et]

Orxan Məmmədov əmək fəaliyyətinə 2006-cı ildə Azərbaycan Respublikası Energetika Nazirliyində Beynəlxalq təşkilatlar şöbəsinin Beynəlxalq təşkilatlarla iş sektorunun aparıcı məsləhətçisi kimi başlayıb. O, 2007-ci ildə Azərbaycan Respublikası İqtisadiyyat Nazirliyinin Sahibkarlığın inkişafı siyasəti şöbəsinin müdir müavini vəzifəsinə təyin olunub və 2009-cu ilə kimi həmin vəzifəni icra edib, daha sonra həmin ildə Azərbaycan Respublikasının İqtisadi İnkişaf Nazirliyinin Xarici iqtisadi əlaqələr şöbəsinin müdir müavini vəzifəsində təyinat alıb. 2011-ci ilin aprel-dekabr aylarında əmək fəaliyyətinə Azərbaycan Respublikasının İqtisadi İnkişaf Nazirliyinin Dövlətlərarası iqtisadi əməkdaşlıq şöbəsinin müdir müavini, 2011–2014-cü illərdə isə həmin şöbənin müdiri kimi davam edib. 2014–2016-cı illərdə Azərbaycan Respublikasının İqtisadiyyat və Sənaye Nazirliyinin, 2016–2018-ci illərdə isə Azərbaycan Respublikasının İqtisadiyyat Nazirliyinin Dövlətlərarası iqtisadi əməkdaşlıq şöbəsinin müdiri vəzifəsində çalışıb.

Prezident İlham Əliyevin minifutbol üzrə Avropa çempionatının qalibi olan milli komandanın üzvləri ilə görüşündən.

O, İqtisadiyyat Nazirliyində işlədiyi dövr ərzində müxtəlif ölkələrlə birgə yaradılmış hökumətlərarası komissiyaların 100-ə yaxın iclaslarında və müxtəlif işçi qruplarında təmsil olunub, bir sıra beynəlxalq əhəmiyyətli tədbirlərin təşkilində yaxından iştirak edib.

27 fevral 2018-ci il tarixindən Azərbaycan Respublikasının Kiçik və Orta Biznesin İnkişafı Agentliyinin İdarə Heyətinin sədri vəzifəsinə təyin edilib.

KOBİA-ya rəhbərliyi dövründə agentlik Kiçik Biznes üzrə Beynəlxalq Şuraya (The International Council for Small Business — ICSB),[6] Ümumdünya DÖST Qurumları və Peşəkarları Assosiasiyasına (WAPPP),[7] Kiçik və Orta Müəssisələr üçün Beynəlxalq Şəbəkəyə (INSME) üzv qəbul edilib,[8] agentliyin təşəbbüsü ilə Ukrayna-Azərbaycan İşgüzar Şurası yaradılıb,[9] KOB sahəsində Azərbaycan təcrübəsinin paylaşılması və bu sahədə xarici ölkələrlə əlaqələrin genişləndirilməsi üçün müxtəlif tədbirlər həyata keçirilib.[10][11][12]

Orxan Məmmədov 2017-ci ildən Azərbaycan Minifutbol Federasiyasının fəxri prezidenti və 2022-ci ildən "Zirə FK" Peşəkar Futbol Klubunun Müşahidə Şurasının sədridir.[3][13][14] Azərbaycan Minifutbol Federasiyasının fəxri prezidenti olduğu müddətdə, Azərbaycan minifutbol üzrə milli yığması 2022-ci ildə Slovakiyada keçirilmiş yarışda Avropa çempionu olub.[15] Azərbaycan Minifutbol Federasiyasının prezidenti Taleh Nəsibov Azərbaycan Minifutbol yığmasının Avropa çempionu olmasından danışarkən Orxan Məmmədovun əməyini belə qeyd edib:[2]

" Azərbaycanda minifutbol federasiyasının yaradılmasının əsas təşəbbüskarı "Zirə" futbol klubunun prezidenti Orxan Məmmədovdur. "

O 11 iyul 2023-cü ildə Azərbaycan Minifutbol Federasiyasının prezidenti seçilib.[4]

Orxan Məmmədov Azərbaycanda innovativ sahibkarlıq, təşəbbüskarlıq və startap ekosisteminin inkişafındakı fəaliyyətləri ilə tanınır.[16][17]

Qalereya

[redaktə | vikimətni redaktə et]

İstinadlar

[redaktə | vikimətni redaktə et]
  1. 1 2 "KOBİA - Orxan Məmmədov - İdarə Heyətinin sədri". smb.gov.az. 20 iyun 2022 tarixində arxivləşdirilib. İstifadə tarixi: 8 fevral 2023.
  2. 1 2 "Orxan Məmmədovu AFFA-nın rəhbərliyində görmək üçün bir neçə ciddi səbəb - GÜNDƏM". Sportinfo.Az (az.). 14 iyun 2022. 8 fevral 2023 tarixində arxivləşdirilib. İstifadə tarixi: 8 fevral 2023.
  3. 1 2 "Orxan Məmmədov: "Qarabağ"a təşəkkür edirik!"". Report İnformasiya Agentliyi (az.). 8 fevral 2023 tarixində arxivləşdirilib. İstifadə tarixi: 8 fevral 2023.
  4. 1 2 FED.az. "Orxan Məmmədov federasiya rəhbəri seçildi - FOTO". FED.az (az.). 11 iyul 2023. 19 iyul 2023 tarixində arxivləşdirilib. İstifadə tarixi: 12 iyul 2023.
  5. ↑ mia.az. "Yeni agentliyin icraçı direktoru vəzifəsinə təyin edilən Orxan Məmmədov kimdir? - FOTO". mia.az (az.). 6 avqust 2023 tarixində arxivləşdirilib. İstifadə tarixi: 27 fevral 2023.
  6. ↑ "KOBİA Kiçik Biznes üzrə Beynəlxalq Şuraya üzv qəbul edilib". Milli.Az (az.). 11 noyabr 2021. 15 aprel 2023 tarixində arxivləşdirilib. İstifadə tarixi: 10 aprel 2023.
  7. ↑ "KOBİA Ümümdünya DÖST Qurumları və Peşəkarları Assosiasiyasına üzv oldu". Report İnformasiya Agentliyi (az.). 14 aprel 2023 tarixində arxivləşdirilib. İstifadə tarixi: 10 aprel 2023.
  8. ↑ "KOBİA Kiçik və Orta Müəssisələr üçün Beynəlxalq Şəbəkəyə üzv oldu". Trend.Az (az.). 21 fevral 2020. 15 aprel 2023 tarixində arxivləşdirilib. İstifadə tarixi: 10 aprel 2023.
  9. ↑ "Ukrayna-Azərbaycan İşgüzar Şurası yaradılıb (FOTO)". Trend.Az (az.). 24 iyun 2021. 14 aprel 2023 tarixində arxivləşdirilib. İstifadə tarixi: 10 aprel 2023.
  10. ↑ "Orxan Məmmədov: KOBİA təcrübəsini Macarıstanla bölüşməyə hazırdır". azertag.az (az.). 6 avqust 2023 tarixində arxivləşdirilib. İstifadə tarixi: 11 aprel 2023.
  11. ↑ "Orxan Məmmədov: Startapların inkişafı üçün Polşa təcrübəsini öyrənməkdə maraqlıyıq". azertag.az (az.). 6 avqust 2023 tarixində arxivləşdirilib. İstifadə tarixi: 11 aprel 2023.
  12. ↑ "Orxan Məmmədov: "Biz Latviya ilə işgüzar əməkdaşlığın inkişafı təşəbbüslərini dəstəkləməyə hazırıq"". Report İnformasiya Agentliyi (az.). 16 aprel 2023 tarixində arxivləşdirilib. İstifadə tarixi: 11 aprel 2023.
  13. ↑ "Orxan Məmmədov: "Zirə"nin əsas məqsədi avrokuboklara vəsiqə qazanmaqdır"". Report İnformasiya Agentliyi (az.). 9 fevral 2023 tarixində arxivləşdirilib. İstifadə tarixi: 9 fevral 2023.
  14. ↑ ""Zirə"də Müşahidə Şurası yaradılıb". Report İnformasiya Agentliyi (az.). 27 fevral 2023 tarixində arxivləşdirilib. İstifadə tarixi: 27 fevral 2023.
  15. ↑ "İlham Əliyev minifutbol üzrə Avropa çempionatının qalibi olan milli komandamızın üzvlərini qəbul edib » Azərbaycan Prezidentinin Rəsmi internet səhifəsi". president.az (az.). 13 yanvar 2023 tarixində arxivləşdirilib. İstifadə tarixi: 27 fevral 2023.
  16. ↑ "Azerbaijan strengthens contacts with Polish startup ecosystem". azertag.az (ingilis). 19 dekabr 2022 tarixində arxivləşdirilib. İstifadə tarixi: 9 fevral 2023.
  17. ↑ "Orkhan Mammadov: Entrepreneurs in Azerbaijan prefer preferential loans". Report News Agency (ingilis). 9 fevral 2023 tarixində arxivləşdirilib. İstifadə tarixi: 9 fevral 2023.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Orxan_Məmmədov&oldid=8840218"