Osman Sarıvəlli

Osman Sarıvəlli
İlk adı	Osman Abdulla oğlu Qurbanov
Təxəllüsü	Qəyur şairin ilk təxəllüsü,Sarıvəlli
Doğum tarixi	17 dekabr 1905
Doğum yeri	İkinci Şıxlı, Qazax qəzası, Yelizavetpol quberniyası, Rusiya imperiyası
Vəfat tarixi	2 iyul 1990 (84 yaşında)
Vəfat yeri	Bakı, Azərbaycan SSR, SSRİ
Dəfn yeri	Qazax rayonu
Vətəndaşlığı	Rusiya İmperiyası AXC SSRİ
Milliyyəti	azərbaycanlı
Uşağı	Babək Qurbanov
Təhsili	Moskva Dövlət Universiteti
İxtisası	şair
Fəaliyyəti	yazıçı, şair
Fəaliyyət illəri	1926-1990
Əsərlərinin dili	azərbaycanca
Janr	şeir, poema
İlk əsəri	"Ayaqsız" şeiri (1933)
Mükafatları

Osman Sarıvəlli (əsl adı Osman Abdulla oğlu Qurbanov; 17 dekabr 1905(1905-12-17), İkinci Şıxlı, Yelizavetpol quberniyası – 2 iyul 1990(1990-07-02), Bakı) — Azərbaycan şairi, 1937-ci ildən Azərbaycan Yazıçılar Birliyinin üzvü, Azərbaycan SSR xalq şairi (1977), Azərbaycan EA Nizami adına Dil və Ədəbiyyat İnstitutunun müdir müavini.

Həyatı

Osman Sarıvəlli 1905-ci il dekabrın 17-də Qazax rayonunun İkinci Şıxlı (Sarıvəlli) kəndində anadan olmuşdur. Orta təhsilini Qazax Müəllimlər Seminariyasında aldıqdan sonra bir müddət Göyçay rayonunun Qaraməryəm və Bığır kənd məktəblərində müəllim işləmişdir (1926–1929). Təhsilini artırmaq məqsədilə Moskvaya getmiş və burada Dövlət Universitetinin filologiya fakültəsində oxumuşdur (1929–1932). 1937-ci ildə Azərbaycan Yazıçılar İttifaqına üzv olmuşdur. Bakı Pedaqoji texnikumunda müəllim (1932–1935), Bakı Teatr texnikumunda müdir (1939–1940), Azərbaycan EA Nizami adına Dil və Ədəbiyyat İnstitutunda müdir müavini, "Ədəbiyyat qəzeti"nin redaktoru, Uşaqgəncnəşrdə redaktor, Azərbaycan Yazıçılar İttifaqında şeir üzrə məsləhətçi vəzifələrində işləmişdir.

1990-cı il iyulun 2-də Bakıda vəfat etmiş və doğulduğu kənddə dəfn edilmişdir.

Yaradıcılığı

Osman Sarıvəlli ədəbi yaradıcılığına 1933-ci ildə başlamışdır. Həmin ildə "Gənc işçi" qəzetində "Ayaqsız" adlı ilk şeiri çap olunmuşdur. Osman Sarıvəllinin "Dəmir sətirlərim" adlanan birinci kitabı 1934-cü ildə çap olunmuşdur.

Mükafatları

• "Azərbaycan SSR xalq yazıçısı" fəxri adı
• "Oktyabr İnqilabı" ordeni
• "Şərəf Nişanı" ordeni
• "Xalqlar Dostluğu" ordeni
• "Qırmızı Əmək Bayrağı" ordeni (SSRİ)
• "Əməkdə fərqlənməyə görə" medalı

Kitabları

• Dəmir sətirlərim (1934)
• Bənövşə (1940)
• Şairin hədiyyəsi (1943)
• Gətir, oğlum, gətir (1943)
• Gənclik eşqi (1946)
• Bahar çiçəkləri (1949)
• Yeni dünyanın qapısı (1950)
• İqlimdən-iqlimə (1963)
• Sabahı yaradanlar (1970)
• Seçilmiş əsərləri (üç cilddə) (1971–1975)
• Hər kim yüz il yaşamasa (1976)
• Mən sabaha gedirəm (1979)
• Kür qırağında (1987)
• Sarıvəlli O.Aşıq ürəkli şair, şair ürəkli Aşıq Şəmşir. Bakı: Avropa, 2010, 112 s.
• Sarıvəlli O. Qüdrətli şair, ustad sənətkar. Bakı: Avropa, 2011, 128 s.