Pərviz Qafaroğlu

Vikipediya, açıq ensiklopediya
Jump to navigation Jump to search
Baku azerbaijan 2013.jpg

Pərviz Qafar oğlu Rzayev (d.5 yanvar, 1959. Arıs, Çimkənd, Qazaxıstan SSR) — İqtisad üzrə fəlsəfə doktoru, "Vergi jurnalı"nın eksperti, Azərbaycan Respublikası Vergilər Nazirliyi Tədris Mərkəzinin “İqtisadiyyat və Menecment” kafedrasının müdiri.

Həyatı[redaktə | əsas redaktə]

5 yanvar 1959-cu il tarixdə Qazaxıstan Respublikası Çimkənd vilayətinin Arıs şəhərində anadan olub.

1975-ci ildə orta məktəbi və 1980-cı ildə Azərbaycan Xalq Təsərrüfatı İnstitutunu (indiki Azərbaycan Dövlət İqtisad Universiteti) fərqlənmə ilə bitirmişdir.1980-2000-ci illərdə Azərittifaq sistemində iqtisadçı, şöbə rəisi, idarə direktoru, 2000-2008-ci illərdə Ticarət Nazirliyində idarə rəisi, İqtisadi İnkişaf Nazirliyində idarə rəisi, Nazirliyin aparat rəhbəri vəzifələrində işləmişdir (Naxçıvan MR). Dövlət qulluğunun müşaviri ixtisas dərəcəsinə malikdir.

1999–cu ildən elmi və pedaqoji fəaliyyətlə də məşğuldur. İqtisad üzrə fəlsəfə doktorudur. 75-dən çox elmi məqalənin, iki monoqrafiyanın müəllifi, iki dərs vəsaitinin və iki tədris proqramının həmmüəllifidir. 6 məqaləsi müxtəlif xarici ölkələrin resenziyalı elmi jurnallarında dərc edilmişdir. Doktorluq dissertasiya işinin mövzusu (elmlər doktoru) ADİU-nun Elmi Şurasında təsdiq olunmuşdur. Tədqiqatlarını davam etdirir.

1980-1982-ci illərdə ordu sıralarında xidmət etmiş, ehtiyatda olan zabitdir. Azərbaycan Respublikasının ərazi bütövlüyü uğrunda gedən döyüşlərdə iştirak etmişdir. Yeni Azərbaycan Partiyasının və Respublika Müharibə Veteranları Şurasının üzvüdür.

2008-ci ildən Azərbaycan Respublikası Vergilər Nazirliyi Tədris Mərkəzinin “İqtisadiyyat və Menecment” kafedrasının müdiri vəzifəsində çalışır. Azərbaycanın “Vergi jurnalı”nın (resenziyalı elmi jurnal) ekspertidir.

2008-ci ildə ABŞ Xəzinədarlıq Departamentinin, 2013-cü ildə Avstriya Federal Maliyyə Akademiyasının Bakı şəhərində, 2013-cü ildə Böyük Britaniya Maliyyə Nazirliyi Gəlirlər Departamentinin London şəhərində (E-learninq proqramı üzrə) təşkil edilmiş təlimçilərin təlimi kurslarında iştirak etmiş, müvafiq sertifikat almışdır.

Ailəlidir, üç övladı var.

Email: perviz595959@mail.ru

İstinadlar[redaktə | əsas redaktə]