Pərviz Səmədov
| PƏRVİZ SƏMƏDOV | |
|---|---|
 | |
| Doğum tarixi | 5 may 1970 |
| Doğum yeri |
Gəncə şəhəri,  Azərbaycan SSR |
| Vəfat tarixi | 15 may 1992 (22 yaşında) |
| Vəfat yeri |
Gülablı, Ağdam rayonu,  Azərbaycan |
| Vəfat səbəbi | şəhid olmuşdur. |
| Dəfn yeri |
Gəncə şəhəri, Azərbaycan |
| Peşəsi | hərbi qulluqçu |
| Mükafatları |
 |
Pərviz Səmədov (5 may 1970, Kirovabad – 15 may 1992, Gülablı, Ağdam və ya Ağdam) — Azərbaycanın Milli Qəhrəmanı; Qarabağ müharibəsi şəhidi.
Mündəricat
Həyatı[redaktə | əsas redaktə]
5 may 1970-ci ildə Gəncə şəhərində anadan olmuşdur. 1977-1985-ci illərdə Gəncədəki 1 saylı orta məktəbdə təhsil almışdır. 1988-ci ildə orduya çağırılır Çitada iki il xidmət etdikdən sonra isə vətənə dönür. Bir müddət burada Toxuculuq Kombinatında işləyir. Ermənilərin Azərbaycan torpaqlarını işğal etməsi Vətən övladı kimi Pərvizi də narahat edirdi. O, könüllü olaraq 22 fevral Ağdam cəbhəsinə gəlir və komandir təyin edilir.
Döyüşlərdə iştirakı[redaktə | əsas redaktə]
Şelli, Pircamal, Naxçıvanlı, Aranzəmin kəndləri uğrunda gedən döyüşlərdə rəşadətlə vuruşmuşdu. Pərviz kəşfiyyat hissəsinə başçılıq edirdi, onun sayəsində erməni əsgərlərinin onlarla zirehli texnikası, silah-sursatı aşkarlanıb məhv edilmişdi. 1992-ci il 15 may Ağdamın Gülablı kəndində dəhşətli döyüşlər gedirdi. Pərviz başda olmaqla bölüyü döyüşə atıldı ermənilər tərəfindən vurulmuş "Təcili yardım" vertolyotunun ekipajını xilas etmək mümkün oldu lakin işğalçı, təcavüzkar ermənilərin snayper gülləsi gənc komandir Pərvizin qəlbini əbədi olaraq susdurdu. O, 22 yaşında ömrünün baharında Vətənimiz uğrunda qəhrəmancasına həlak oldu.
Ailəsi[redaktə | əsas redaktə]
Ailəli idi. Bir oğlu var.
Milli Qəhrəman[redaktə | əsas redaktə]
Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Səmədov Pərviz Əbdüləhəd oğlu ölümündən sonra "Azərbaycanın Milli Qəhrəmanı" adına layiq görülmüşdür.[1]
Gəncə şəhərində dəfn edilib, qəhrəmanımızın adına burada küçə var.
Həmçinin bax[redaktə | əsas redaktə]
Mənbə[redaktə | əsas redaktə]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 263.
İstinadlar[redaktə | əsas redaktə]
- ↑ "Azərbaycan Respublikası Müdafiə Nazirliyinin hərbi qulluqçularına "Azərbaycanın Milli Qəhrəmanı" adı verilməsi haqqında Azərbaycan Respublikası Prezidentinin səlahiyyətini həyata keçirən, Azərbaycan Respublikası Ali Sovetinin sədri İsa Qəmbərovun 7 iyun 1992-ci il tarixli 833 nömrəli fərmanı" (azərb.). www.e-qanun.az (1992-06-07).
