PalSüd

Vikipediya, azad ensiklopediya
Jump to navigation Jump to search
PalSüd
Palsudlogo.png
Tipi Qida sənayesi
Yaranma tarixi 2008
Hakim simaları Mübariz Mənsimov
Sayt palsud.az

PalSüdPalmali Şirkətlər Qrupuna məxsus olan ticarət nişanı. Azərbaycanda qida sənayesində fəaliyyət göstərir. Süd və süd məhsulları sahəsində ixtisaslaşıb[1][2].

Tarix[redaktə | əsas redaktə]

Palmali Şirkətlər Qrupu 2005-ci ildə Lənkəran şəhərində NURSÜD Süd və Süd Məhsulları Zavodunun tikintisinə başladı. Zavod 2008-ci ilin fevral ayından fəaliyyət göstərir. Bu zavodun məhsulları "PalSüd" ticarət nişanı ilə istehsah edilir. Bundan əlavə 2009-cu ildə "PalDad" ticarət nişanıyla məhsullar buraxmağa başlayan "Palfood MMC" dondurma fabriki təsis edildi. Bu fabrikdə "PalDo" ticarət nişanlı dondurmalar istehsal edilir[1][2].

Xüsusiyyətlər[redaktə | əsas redaktə]

NURSÜD Süd və Süd Məhsulları Zavodu ən müasir texnologiyalar və avadanlıqlarla təchiz olunub. Zavod 40 min kvadratmetr (40 000 m²) sahədə yerləşir. Bu zavod gündə 150 min litr (150 000 l) süd emal etmə imkanına malikdir. Ətraf rayonların şəxsi təssərüfatlarından yığılan süd zavod laboratoriyasında yoxlanılıb emal edildikdən sonra hazır məhsulların istehsalında istifadə edilir. Zavodun istehsal etdiyi məhsullar İSO 22000:2005 beynəlxalq seritifikatına malikdir. Burada hər gün müxtəlif yağlılığa malik 34 növ məhsul - uzun ömürlü süd, ətirli (aromatlaşdırılmış) süd növləri, bəyaz pendir, qaymaqlı və qaymaqsız qatıq, ayran, nanəli ayran (naran), süzmə, kərə yağı, meyvəli yoqurtlar, kəsmik, xama, holland pendiri və digər məhsullar istehsal edilir[1]. Şirkətin məhsullarının Azərbaycanın bir çox bölgələrində yerləşən satış məntəqələrinə keyfiyyətini itirmədən çatdırılması məqsədilə 2008-ci ilin sonlarında “PalSüd Dağıtım” şirkəti təsis edilib[3].

Məhsullar[redaktə | əsas redaktə]

PalDad ticarət nişanlı PalDo dondurmaları istehsal edən şirkət həmçinin PalSüd ticarət nişanlı aşağıdakı məhsulları da istehsal edir[4]:

  • PalSüd uzunömürlü süd
  • PalSüd bəyaz pendir
  • PalSüd qatıq
  • PalSüd ayran
  • PalSüd süzmə
  • PalSüd kərə yağı
  • PalSüd xama
  • PalSüd kəsmik
  • PalSüd dovğa
  • PalSüd kefir
  • PalSüd yoqurt

Mükafatlar[redaktə | əsas redaktə]

PalSüd Şirkəti fəaliyyəti dövründə aşağıdakı mükafatlara layiq görülüb[5].

  • “Consulting & Business” jurnalı tərəfindən təsis edilmiş "İlin Şirkəti" mükafatına 2 dəfə layiq görülüb. Bu mükafat Azərbaycan iqtisadiyyatının müxtəlif sahələrində əhəmiyyətli nəticələr əldə edən, biznesin müsbət imicinin yaradılması, ölkənin dünya iqtisadiyyatına inteqrasiyası, əhalinin rifahı naminə daim çalışan şirkətlərə təqdim olunur.
  • 2009-cu ildə süd məhsulları istehsalçıları arasında "İlin Brendi" mükafatına layiq görülüb.
  • 2009-cu il 21 fevral tarixində “Süd məhsulları sənayesinin inkişafına töhfələrinə görə” İqtisadiyyat və Biznes sahəsəində Milli “Uğur 2008” mükafatı ilə təltif olunub.

Həmçinin bax[redaktə | əsas redaktə]

İstinadlar[redaktə | əsas redaktə]