Pedru Ameriku

Vikipediya, açıq ensiklopediya
Keçid et: naviqasiya, axtar
Pedru Ameriku
port. Pedro Américo de Figueiredo e Melo
Avtoportreti (1895)
Avtoportreti (1895)
Doğum tarixi: 29 aprel 1843(1843-04-29)
Doğum yeri: Areya, Paraiba, Flag of Empire of Brazil (1822-1870).svg Braziliya İmperiyası
Vəfat tarixi: 7 oktyabr 1905 (62 yaşında)
Vəfat yeri: Florensiya, Flag of Italy (1861-1946).svg İtaliya Krallığı
Əsli: braziliyalı
Mükafatları: Müqəddəs məqbərə ordeni
Commons-logo.svg VikiAnbardakı işləri

Pedru Ameriku (port. Pedro Américo de Figueiredo e Melo; d. 29 aprel 1843, Areya — ö. 7 oktyabr 1905, Florensiya) — görkəmli Braziliya akademik rəssamlarından biri. Müəllimyazıçı kimi də fəaliyyət göstərmişdir.[1]

Bioqrafiya[redaktə | əsas redaktə]

"Məhəbbət və elm tanrılarının müşayiət etdiyi gecə"

1857-ci ildə İmperiya Təsviri İncəsənət Akademiyasında təhsil almaq üçün təqaüd alaraq Rio-de-Janeyro şəhərinə köçmüşdür. Daha sonra təhsilini Avropada davam etdirmişdir. Parisdə Təsviri İncəsənət Məktəbində təhsil almış, Jan Ogüst Dominik Enqrin, İppolit Frandrenin və Kral Vernenin tələbəsi olmuş, əsərləri şöhrət qazanmış və 1868-ci ildə Brüssel Universitetində doktorluq dərəcəsi əldə etmişdir.

Braziliyaya qayıtdıqdan sonra ən məşhur əsərlərindən biri olan "Ya müstəqillik, ya ölüm" rəsm əsərini çəkmişdir. Rəsm əsərində Şahzadə Pedrunun Braziliyanın Portuqaliyadan müstəqilliyini elan etdiyi an təsvir olunur. Rəsm on illərlə Braziliyada ibtidai məktəblər üçün nəzərdə tutulmuş tarix kitablarında istifadə olunmuşdur.

Həyatının çox hissəsini İtaliyanın Florensiya şəhərində keçirsə də, tez-tez Rio-de-Janeyroya gedib-gələn Pedru Ameriku lektor və incəsənət tarixçisi kimi də xidmət vermişdir.

Pedru Ameriku rəssam və diplomat Manuel de Araujo Portu-aleqrenin qızı Karlota de Araujo Portu-aleqri (18441918) ilə evlənmişdir və onların uşaqları olmuşdur. Almaniya Tacı Cəngavər Nişanına sahib olmaqla yanaşı Müqəddəs məqbərə ordeni ilə də təltif olunmuşdur. 1889-cu ildə Braziliyanın respublika elan edilməsindən sonra Milli Məclisin deputatı seçilmişdir.

Qalereya[redaktə | əsas redaktə]

İstinadlar[redaktə | əsas redaktə]

  1. "Pedru Ameriku" (portuqal). Dec.Ufcg. http://www.dec.ufcg.edu.br/biografias/PedroAme.html. İstifadə tarixi: 13 may 2016.

Xarici keçidlər[redaktə | əsas redaktə]

Vikianbarda Pedru Ameriku ilə əlaqəli mediafayllar var.