Petrovaradin

Vikipediya, azad ensiklopediya
Jump to navigation Jump to search
Petrovaradin
Петроварадин
Nss.jpg
Petrovaradin Fortress (Péterváradi vár, Peterwardein).JPG
45°15′ şm. e. 19°52′ ş. u.
Ölkə Serbiya Serbiya
Region Voyevodina
Tarixi və coğrafiyası
Sahəsi
  • 27,2 km²
Mərkəzin hündürlüyü 85 m
Saat qurşağı
Rəqəmsal identifikatorlar
Poçt indeksi 21131
Nəqliyyat kodu NS
www.petrovaradinfortress.com
Xəritəni göstər/gizlə
Petrovaradin xəritədə
Petrovaradin
Petrovaradin
Commons-logo.svg Vikianbarda əlaqəli mediafayllar

Petrovaradin (serb. Петроварадин, mac. Petervarad), Serbiyada Dunay çayı sahilində Novi Sad şəhərinin qarşısında yer alan qəsəbədir. Tarixi bir yer olaraq eyni adda bir də qalası vardır. Novi Sad ilə birgə genişləndirilmiş Novi Sad şəhəri bələdiyyə quruluşunu yaradır.

Tarixi[redaktə | əsas redaktə]

Bölgədəki məskunlaşma tarixi Mis dövrünə (e.ə. 4500-cü illər) qədər davam edir. Keltlərin eramızdan əvvəl 4-cü əsrdə məskunlaşdığı bölgə eramızdan əvvəl I əsrdə Roma hakimiyyəti altına girdi. İlk qala burada Keltlər tərəfindən inşa edilmişdir. Roma dövründə qala daha da böyütüldü və "Cusum" adı ilə Pannoniya əyalətinə bağlandı. Qala eramızın V əsrində Hun hücumları ilə dağıdıldı. Hücumlar nəticəsində şəhər sıra ilə Ostroqotlar, GepidlərLanqobardların hakimiyyəti altına keçdi. V əsrin sonlarında Bizanslılar tərəfindən bərpa edilən Cusum Petrikon və ya Petrikov adlandı. Daha sonra avarlar, franklar, xorvatlar, slavyanlar, bolqarlar və sonra yenidən Bizans hakimiyyətinə keçdi. Bolqarlar dövründə voyevoda sermon idarəsi altında Petrik adlandırıldı. Şəhər XII əsrdə Macarıstan krallığı tərəfindən fəth edildi.

1526-cı il 27 iyul tarixində Parqalı İbrahim Paşa tərəfindən Petrovaradinin mühasirəsi nəticəsində Osmanlı İmperiyasına qatıldı.[1] Osmanlı hakimiyyəti dövründə "Varadin" olaraq bilinən ərazi, ekspedisiyalar üçün əhəmiyyətli bir gediş nöqtəsi olaraq xidmət etdi. 1687-ci ildə Osmanlıların məğlubiyyəti ilə Habsburqların rəhbərliyinə keçdi. Qala 19 sentyabr 1694-cü ildə Sürməli Əli Paşanın komandanlığı altında Osmanlı ordusu tərəfindən mühasirəyə alındı. Lakin Osmanlı ordusunun 23 günlük mühasirəsi nəticəsiz qaldıqda Osmanlı ordusu Belqrada geri çəkildi.[2]

1716-cı ildə sədrəzəm silahdar Əli Paşanın vəfat etdiyi Petrovaradin müharibəsi burada baş vermişdi. Petrovaradin, Habsburq tabeliyində sərhəddəki hərbi müdafiə sisteminin bir hissəsi oldu. 1881-ci ildə Avstriya-Macarıstan İmperiyasında muxtar Xorvat-Slavyan krallığı idarəsinə keçdi. Daha sonra 1918-ci ildə Yuqoslaviya Krallığının nəzarətinə keçdi. II Dünya Müharibəsi sırasında isə qurulan Xorvatiya Müstəqil Dövlətinin nəzarəti altına keçdi. Müharibədən sonra Voyevodina muxtar bir vilayət oldu və daha sonra Yuqoslaviya ərazisinin bir hissəsi oldu.

Nüfuzu[redaktə | əsas redaktə]

2011-ci ildə aparılmış ümumi siyahıyaalmaya görə, bələdiyyədə 33,865 nəfər, qəsəbə mərkəzində isə 14.298 nəfər yaşayır.[3]

Qalereya[redaktə | əsas redaktə]

Həmçinin bax[redaktə | əsas redaktə]

Mənbə[redaktə | əsas redaktə]

  1. "Petervaradin Muharebesinde (1716) Habsburgların Osmanlılardan Ele Geçirdiği Silahlar ve Harp Teçhizatı" Tarih Dergisi, Sayı 59, 2014/1:İstanbul., Hakan Karagöz
  2. "Ahmed (II)" İslam Ansiklopedisi, cilt:2, sayfa:34
  3. 2011 Sırbistan Genel Nüfus Sayımı İlk Sonuçları (serb. serbcə) (ing. ingiliscə)