PlayStation: The Official Magazine

Vikipediya, açıq ensiklopediya
Jump to navigation Jump to search
PlayStation: The Official Magazine
PlayStation The Official Magazine loqosu.png
PTOM-un ilk buraxılışı.jpg
"PTOM" jurnalının ilk buraxılışı (yanvar 2007)
Baş redaktor Rocer Börçill
Növ Video oyun
Dövrilik İldə 13 dəfə
İlk buraxılışı sentyabr 1997 (21 il əvvəl) (1997-09)
Nəşrini dayandırıb 25 dekabr 2012 (2012-12-25)
Şirkət Future plc / Future US
Ölkə Flag of the United States.svg ABŞ
Dil İngilis dili
ISSN 1940-0721
playstationthemagazine.com

PlayStation: The Official Magazine (abr. PTOM), 2007-ci ilə qədər PlayStation Magazine (abr. PSM) — "Future plc" tərəfindən nəşr edilmiş keçmiş ABŞ video oyun jurnalı. Jurnal hər il 13 nömrə nəşr edirdi. "PlayStation" üzrə ixtisaslaşmış jurnalın ilk nömrəsi 1997-ci ilin sentyabr ayında, sonuncu nömrəsi isə 25 dekabr 2012-ci ildə nəşr edilmişdir.[1][2][3] "Future plc" tərəfindən nəşr edilən başqa "PlayStation" jurnalı – "PSM3".[4]

Tarix[redaktə | əsas redaktə]

PSM: 100% Independent PlayStation Magazine[redaktə | əsas redaktə]

"PSM" jurnalının ilk nömrəsinin üzlüyü.
"PSM" jurnalının son nömrələrinin birinin üzlüyü.

Rəsmi jurnala çevrilməzdən əvvəl "PSM" "Sony PlayStation" platforması üzrə ixtisaslaşmış müstəqil bir video oyun jurnalı idi.

Jurnalın ilk nömrəsi 1997-ci ilin sentyabr ayında nəşr edilmişdir, üzlüyündə isə "Final Fantasy VII" video oyununun şəkli var idi. Nəşr edildiyi dövrdə digər "PlayStation" mövzulu jurnallardan daha çox nüsxə satmışdır.

2007-ci ildə "PSM" onillik ildönümünü qeyd etmişdir. Bu dövrdə jurnal bir neçə dəfə yenidən dizayn edilmişdir.[5]

PlayStation: The Official Magazine[redaktə | əsas redaktə]

"Official U.S. PlayStation Magazine" jurnalı fəaliyyətini dayandırdıqdan sonra "Sony Computer Entertainment" 1 oktyabr 2007-ci ildə "PSM" jurnalının adını dəyişdirərək "PlayStation: The Official Magazine" olacağını açıqlamışdır.[6]

"PSM" adı altında nəşr edilən son nömrə dekabr 2007-ci il tarixli idi. Jurnalın "PlayStation: The Official Magazine" adı altındakı ilk nömrəsi 2007-ci ilin milad bayramında nəşr edilmişdir. Növbəti il jurnal əsas redaktorlarını itirmişdi. Bu isə "PTOM"u keçmiş "PSM" jurnalından tamamilə fərqli bir jurnala çevirmişdir.[7]

"Future plc" tərəfindən nəşr edilən digər video oyun jurnalların yaşadığı eyni problemlərlə üzləşən "PTOM" 15 illik fəaliyyətindən sonra 25 dekabr 2012-ci il tarixində son nömrəsini nəşr etmiş və fəaliyyətinə son qoymuşdur.[1][2][3]

Talisman və reklam[redaktə | əsas redaktə]

Banzay Çibi-Çan personajı "PSM" jurnalının fəaliyyətinin ilk illərində talisman kimi bir şeyi idi.

İlkin dövrlərdə "PSM" jurnalının anime mövzulu bir talismanı var idi. Banzay Çibi-Çan (ing. Banzai Chibi-Chan) adlı bu personaj Robert De-Xesus tərəfindən yaradılmışdı. O, jurnalın ilk nömrələrində tez-tez görünürdü. Talisman daha sonra ləğv edilmişdir. Buna səbəb personajın çox uşaqlara özəl hesab edilməsi idi.[8] Banzay Çibi-Çandan sonra jurnalda göz sarğısı geyən bir smaylikdən istifadə olunurdu, ancaq bu fiqur da daha sonralar ləğv edilmişdir.[9] Jurnalın üzlüyündə "PlayStation" platforması üçün satışa çıxarılmış video oyunlardan personajların reklam-xarakterli şəkilləri olurdu. Digər simvollara "PlayStation" yaddaş kartı və oyunlar haqda məsləhət vərəqləri daxildir. Jurnal "PTOM" adı altında 2008-ci ilin iyul ayından 2009-cu ilin iyun ayına qədər nəşr etdiyi nömrələrində "Qore" onlayn jurnalı üçün nəzərdə tutulmuş kodlar olurdu. "Qore" onlayn jurnalının reklam-xarakterli ödənişsiz nömrələri ödənişli nömrələrindəki bəzi xüsusiyyətləri daşımırdı.

İstinadlar[redaktə | əsas redaktə]

  1. 1,0 1,1 Santos, Alexis (7 November 2012). "PlayStation: The Official Magazine being shuttered, will say farewell with holiday issue" (en). Engadget (Joystiq). Arxivləşdirilib: [1] saytından 7 iyul 2018 tarixində. https://web.archive.org/web/20180707091107/https://www.engadget.com/2012/11/07/playstation-the-official-magazine-closes/. İstifadə tarixi: 17 dekabr 2018.
  2. 2,0 2,1 Reyli, Cim (6 noyabr 2012). "PlayStation The Official Magazine Closing" (en). Game Informer (GameStop Corporation). Arxivləşdirilib: [2] saytından 7 dekabr 2018 tarixində. https://web.archive.org/web/20181207123055/https://www.gameinformer.com/b/news/archive/2012/11/06/playstation-the-official-magazine-closing.aspx. İstifadə tarixi: 17 dekabr 2018.
  3. 3,0 3,1 Konditt, Cessika (6 noyabr 2012). "PlayStation: The Official Magazine shut down, final issue this holiday" (en). Engadget (Joystiq). Arxivləşdirilib: [3] saytından 25 aprel 2016 tarixində. https://web.archive.org/web/20160425183234/http://www.engadget.com:80/2012/11/06/playstation-the-official-magazine-shut-down-final-issue-this-h/. İstifadə tarixi: 17 dekabr 2018.
  4. Semmi, Beyker (13 noyabr 2012). "Future Publishing Shutting Down PSM3 Magazine" (en). www.pushquare.com (Pushsquare). Arxivləşdirilib: [4] saytından 18 iyul 2017 tarixində. https://web.archive.org/web/20170718205841/http://www.pushsquare.com/news/2012/11/future_publishing_shutting_down_psm3_magazine. İstifadə tarixi: 17 dekabr 2018.
  5. "PSMPodcast". Internet Archive. 14 sentyabr 2008 tarixində arxivləşdirilib. İstifadə tarixi: 18 dekabr 2018.
  6. Gibson, Elli "US Official PlayStation Magazine to close" (ing.). www.gamesindustry.biz (15 noyabr 2006). 17 dekabr 2018 tarixində arxivləşdirilib. İstifadə tarixi: 17 dekabr 2018.
  7. D., Meyor "PSM/Official Playstation Magazine Has Been Cancelled" (ing.). board.sonicstadium.org (8 noyabr 2012). 27 iyul 2015 tarixində arxivləşdirilib. İstifadə tarixi: 18 dekabr 2018.
  8. Austen, Nobl "BANZAI CHIBI-CHAN" (ing.). magazinemascots.tumblr.com. Tumblr (19 may 2013). 17 dekabr 2018 tarixində arxivləşdirilib. İstifadə tarixi: 18 dekabr 2018.
  9. Austen, Nobl "EYEPATCH SMILEY FACE" (ing.). magazinemascots.tumblr.com. Tumblr (19 may 2013). 17 dekabr 2018 tarixində arxivləşdirilib. İstifadə tarixi: 18 dekabr 2018.

Xarici keçidlər[redaktə | əsas redaktə]