Polina Qaqarina

Vikipediya, açıq ensiklopediya
(Polina Gagarina səhifəsindən istiqamətləndirilmişdir)
Jump to navigation Jump to search
Polina Qaqarina
rus. Полина Гагарина
20150512 ESC 2015 Polina Gagarina 4749.jpg
Polina Qaqarina 2015-ci ildə
Sənətçi məlumatları
Doğum adı Polina Serqeyevna Qaqarina
rus. Полина Сергеевна Гагарина
Doğum tarixi 27 mart 1987 (1987-03-27) (32 yaş)
Doğum yeri Moskva, Rusiya Sovet Federativ Sosialist Respublikası
Vətəndaşlığı Flag of Russia.svg Rusiya
Peşələri müğənni, bəstəkar, aktrisa, model

Üslub pop
Musiqi aləti vokal
Fəaliyyət illəri 2003-bu günə kimi
Albom şirkəti Velvet Music
Təhsili
  • Moskva Bədaye Teatrı tərkibində Bədaye Teatrı Məktəbi[d]
gagarina.com
Commons-logo.svg Vikianbarda əlaqəli mediafayllar

Polina Serqeyevna Qaqarina (rus. Полина Сергеевна Гагарина; doğ. 27 mart 1987[1]) - rusiyalı pop-estrada müğənnisi, bəstəkar, model və kino ulduzu. O, Rusiyanı Avstriyanın paytaxtı Vyanada keçirilən 2015 Avroviziya Mahnı Müsabiqəsində təmsil etmiş və ölkəsinə final mərhələsində 2-ci yeri qazandırmışdır.

Həyatı[redaktə | əsas redaktə]

Polina Qaqarina 27 mart 1987-ci ildə Rusiya Sovet Federativ Sosialist Respublikasının Moskva şəhərində anadan olmuşdur. Polina Moskvada dünyaya göz açsa da, gəncliyinin böyük hissəsini Yunanıstanda keçirmişdir. Onun anası balerina olmuşdur. Atasının vəfatından sonra Polina anası ilə birlikdə Rusiyaya geri dönmək qərarına gəlsələr də, lakin qısa zaman sonra onlar yenidən Yunanıstana, Afinaya qayıtmışdırlar. Polina təhsilini bitirdikdən sonra Rusiyaya geri dönmüş və Saratov şəhərində nənəsi ilə yaşamışdır. O, rusyunan dillərində səlis danışa bilir.

Polina 2007-ci ilin avqust ayında rusiyalı aktyor Pyotr Kislov ilə ailə həyatı qurmuşdur. Həmin ilin oktyabr ayında onun Andrey adlı övladı dünyaya gəlmişdir. 2010-cu ilin mart ayında Polina Kislovdan ayrılmışdır. 2014-cü ilin sentyabr ayında o, fotoqraf Dmitriy İsxakov ilə evlənmiş və 2017-ci ildə onların Mia adlı qız övladı dünyaya gəlmişdir.

Musiqi karyerası[redaktə | əsas redaktə]

Polina Qaqarina Avroviziya səhnəsində

Polina Qaqarina 2003-cü ildə Rusiyanın Fabrika Zvyozd musiqi yarışmasına iştirak etmişdir. Polina yarışmada tanınmış bəstəkar Maksim Fadeyevin bəstələdiyi bir neçə mahnı ifa etmiş və nəticədə yarışmanın qalibi seçilmişdir. Lakin yarışmadakı qələbəsindən sonra Polina Maksim Fadeyevlə işləməkdən imtina etmişdir. O, bir müddət Playgirls qrupunun üzvü olaraq fəaliyyət göstərmiş, lakin daha sonra qrup parçalanmışdır. 2005-ci ildə Polina Latviyanın Yurmala şəhərində keçirilən Novaya Volna musiqi yarışmasında Rusiyanı təmsil etmiş və üçüncü yerdə qərarlaşmışdır. Daha sonra müğənninin "Kolybelnaya", "Morning", "Ya tvoya", "Pomnyu" və "Ya tebya ne proshchu nikogda" adlı sinqlları təqdim edilmişdir. Polinanın Poprosi u oblakov adlandırdığı ilk studio albomu 2007-ci ildə işıq üzü görmüşdür.

2008-ci ildə Polina rusiyalı müğənni İrina Dubtsova ilə duet şəklində ifa etdiyi "Komu, zachem?" sinqlını təqdim etmişdir. 2010-cu ilin mart ayında onun O sebe adlı ikinci studio albomu təqdim olunmuşdur. 2012-ci ildə isə Polina rus-gürcü prodüser Konstantin Meladze ilə işləməyə başlamışdır. O, Meladze ilə birlikdə "Spektakl okonchen", "Net", "Navek" və "Shagay" adlı dörd sinql ərsəyə gətirmişdir.

2015-ci ilin mart ayında Polina Qaqarinanın Rusiyanı Avstriyanın paytaxtı Vyanada keçirilən 2015 Avroviziya Mahnı Müsabiqəsində təmsil edəcəyi açıqlanmışdır. Polina müsabiqədə ifa etdiyi "A Million Voices" mahnısı ilə finalda 27 ölkə arasında ölkəsini 2-ci yerədək yüksəltməyə nail olmuşdur. O, 2015-ci ilin iyul ayında Sankt-Peterburqda baş tutan 2018 FİFA Dünya Kubokunun təsnifat mərhələsinin bağlanış mahnısını ifa etmişdir. Polina Qaqarin hal-hazırda Rusiyanın Golos səs yarışmasında münsif olaraq iştirak edir.

Diskoqrafiya[redaktə | əsas redaktə]

  • Poprosi u oblakov (2007)
  • O sebe (2010)

Sinqllar[redaktə | əsas redaktə]

  • Kolybelnaya (2005)
  • Ya tvoya (2006)
  • Ya tebya ne proshyu nikogda (2007)
  • Pomnyu(2007)
  • Lyubov' pod solntsem (2007)
  • Gde to zhivet lyubov (2008)
  • Komu, zachem? (İrina Dubtsova ilə duet) (2008)
  • Propadi vse (2009)
  • Ya obeshyayu (2010)
  • Oskolki (2011)
  • Spektakl' Okonchen (2012)
  • Net (2012)
  • Navek (2013)
  • Shagai (2014)
  • Day (2014)
  • A Million Voices (2015)
  • Kukushka (2015)
  • Ya ne budu (2015)
  • Ne para (2015)
  • Tantsuy so mnoy (2016)

İstinadlar[redaktə | əsas redaktə]

  1. [:http://gagarina.com/ "Polina Gagarina - A Million Voices"].

Xarici keçidlər[redaktə | əsas redaktə]