Portal:Ulduz müharibələri/Intro

Vikipediya, açıq ensiklopediya
Jump to navigation Jump to search
Uzun müddət əvvəl, qalaktikanın uzaq yerlərində, çox uzaqlarda....
Star Wars Logo.svg

Ulduz müharibələri Corc Lukas tərəfindən yaradılmış filmlər seriyasına əsaslanan Amerikan epik kosmik opera françayzıdır. Filmlər seriyası sonradan genişləndirilərək media françayzına çevrilmiş, kitablar, teleseriallar, kompyuter və video oyunlarıkomiks kitablarını da əhatə edən Geniş Kainat yaradılmışdır. Filmlərə edilmiş bu əlavələr Ulduz müharibələri kainatının daha da genişləndirilməsi və zənginləşdirilməsinə səbəb olmuşdur. Əlavə media nümunələri vasitəsiylə saqaya daxil olan filmlərin çıxışı arasındakı müddətdə də mövzünun aktuallığı saxlanmışdır. Filmlər seriyasında "uzaq, çox uzaq" kimi təsvir edilən qalaktikada yerləşən kainat təsvir olunur. Bu kainatda Cedaylar əsasən xeyir, Sith isə onlarla mübarizə aparan şər kimi təsvir olunur. Onların istifadə etdikləri silah olan işıq qılıncı populyar mədəniyyətdə geniş yayılmışdır. Uydurma Ulduz müharibələri kainatında xüsusilə fəlsəfə və din əsasında formalaşdırılmış bir çox mövzulara toxunulmuşdur.

Filmlər seriyasının ilk filmi olan Ulduz müharibələri 25 may 1977-ci ildə 20th Century Fox tərəfindən çıxarılmış və bütün dünyada pop mədəniyyət fenomeninə çevrilərək, üç illik intervalla çıxarılan iki prikvelin yaradılmasına səbəb olmuşdur. Trilogiyadan olan sonuncu filmin çıxarılmasından on altı il sonra yeni prikvel trilogiyasının ilk filmi təqdim edilmişdir. Yeni prikvel filmləri də üç illik intervalla çıxarılmış, bu trilogiyadan olan sonuncu film isə 19 may 2005-ci ildə təqdim edilmişdir. 2012-ci ilin oktyabrında Lucasfilmi $4.05 milyarda alan The Walt Disney Company üç yeni filmin çıxarılacağını açıladı ki, bunlardan da Ulduz müharibələri: Epizod VII adlandırılan ilk filmin 25 dekabr 2015-ci ildə təqdim edilməsi planlaşdırılır. 20th Century Fox ilk iki Ulduz müharibələri trilogiyasının distribyutorluq hüququnu özündə saxlamaqla, ilk film olan Epizod IV: Yeni ümid filmi üzərində daimi hüquqa malikdir, həmçinin 2020-ci ilin mayına kimi Epizod I-III, VVI üzərində də hüquqlarını saxlayacaq.

İlk üç film əsasən müsbət qəbul edilmiş, onlardan sonuncusu bir qədər zəif kimi vurğulanmış, prikvel trilogiya isə qarışıq rəylər almışdır. Hər altı film Oskar mükafatına namizəd göstərilmiş və ya mükafatı qazanmışdır.

Filmlər seriyasına daxil olan bütün filmlər gəlir uğurları əldə etmiş, ümumi kassa gəlirləri ( Ulduz müharibələri. Epizod II: Klonların hücumu filminin kinoteatr gəlirləri də daxil olmaqla) ümumilikdə $4.49 milyard olan Ulduz müharibələri filmlər seriyası beşinci ən gəlirli filmlər seriyası olmuşdur. Uğurun səbəblərindən biri də seriyaya daxil olan filmlərin müxtəlif kinoteatrlarda dəfələrlə təkrarən göstərişə girməsi olmuşdur.

Məqaləni oxu...

Qeyd. Bu giriş haqqında əlavə şəkillər üçün Portal:Ulduz müharibələri/Intro/Şəkil səhifəsinə baxın.